بسم الله الرحمان الرحيمو الصلاة و السلام على أشرف المرسليننبينا محمد صلى الله عليه وسلم
السلام عليكم ورحمة الله وبركاته
بنات اسم الله عليكم وعلينا من العدوى
انا قصدت اللي بتروح لندن ترا بتتعادى بحبها
انا لفيت العالم بس مثل هالمدينه ما حبيت تونس وحسيت اني بالكويت
حبيتها ويارب اروح لها على خير وسلامه قولوا امين
انتوا اش رايكم ؟؟
نفس الاحساس والا لا؟؟.gif "Eh S(9)")
السلام عليكم ورحمة الله وبركاته
بنات اسم الله عليكم وعلينا من العدوى
انا قصدت اللي بتروح لندن ترا بتتعادى بحبها
انا لفيت العالم بس مثل هالمدينه ما حبيت تونس وحسيت اني بالكويت
حبيتها ويارب اروح لها على خير وسلامه قولوا امين
انتوا اش رايكم ؟؟
نفس الاحساس والا لا؟؟
الحمدلله انها طلعت عدوى حب
إن شاء الله تسيرلها مره ثانيه على خير وسلامه
مشكوره على مرورج
ما ادري ليش حبيتها هالديره
اول كله اقول اش فيهم الناس على لندن استخفوا الحمدلله والشكر
ولما زرتها انا ذبت بحبها تونس هالديره
وانظميت لهم
ما فيها زود بس سوقها رهيب والطبيعه روعه
والله بغيت ابجي بالمطارواحنا رادين
ياارب ارد لها بالصيف على خير وسلامه يارب يارب يا رب
انا بسافرلها بعد اسبوعين ان شالله بس للعلاااج فيني مرض ال ms
والله يشاافيني يااارب
حبووبه انا سمعت انها موووت برد مومثل الكوويت
ماعليج امر يقولون لي لا تكثرين ملابس هناك تشترين
عشان مانكثر من الملاابس
ابي اسم السووقه والامااكن الزينه والمطاعم واي شي قوولي لا تبخلين علي
تعرفين غربه موت تزقه وانا ماادري اطول والا لا ياارب مااطول عشان بناااتي
ابي اعرف منج شنو اخذ معاي بالضيط من ملابس اكثر والا لا
وابي الاكل هنااك مثل اكلنا بالكويت والا يختلف بالنسبه لسوبرماركت اتكلم
شنو اهم شي اخذه بالنسبه للاكل
وعلميني عن الاماكن السياحيه عشان ارووح لها وادعيلج انج تزورينها قريب
واذا تعرفين ارقام للتكاسي او صالونات هناك اكون لج ممنووونه
وابي سووقه حلووه وماركاات وصج فيه سوق اسمه سوق السبت سمعت عنه رحتيله حلو والا لا
وبالنسبه للطياره احاااتيها جم سااعه ع ماتووصلين اول مره اركبهاااا واخاف من المرتفعات بس مطره
اسفه طولت عليج بس حبيت مووضووع
ودي فيك
الله يشافيج يارب
ماقصرتي يالغلاا
بنات بليز ردوو علي وع الاسئلتي
انا مار حت انهاك بالشتا رحت بالصيف وكانت بارده يعني الحين يتراوالي برد حيل
الطياره لا تحاتين سهالات كلها 5 الى 6 ساعات وانتي ان شاء الله واصله
اذا تخافين قولي باسم الله مجراها ومرساها وادعي مثل الله آمن روعاتنا
والله كريم
الملابس اهنا اكو مارك اند اسبنسر ونكست وكل شي موجود بس انا اقول اخذي ليج من الديره اهدوم لان بتين ووراج مراجعات فيمكن ما يدمي اخذيمن الكويت بدلات صوف وكوت وبوت للمطر والثلج اللي يكون من تحت فيه ربل ثقيل ويكون جلد او عازل للماي لان الثلج يزلق
من الكويت اخذي بهاراتج اللي تحبينها والعيش اللي تحبينه كافي
كل شي باذن الله متوفر
سوق السبت في بالاجورد رود يسوون
اذا انتي تبين كل شي عربي سكني اجورد رود شارع العرب فيه مطاعم لذيذه من عيوش ومشاوي وكل شي وبقالات عربيه وسوبرماركت 24 ساعه
ويكون السوق على بعد شارعين اللي اهو اوكسفورد استريت اظن رقم الباص 7 بس مو متاكده
خل اتاكدلج احسن
لما تطلعين من البيت لازم معاج المظله حتى لو في شمس لان باي لحظه يمكن يطق مطر
الديره حلوه و ونيسه واصغيره لندن مو كبيره وكلها كويتيين
وعندج ريجنت استريت كله اشيا راقيه وماركات وبعد ندج الهارودز في شارع النايت بردج
وبالاجورد رود يسوون سوق السبت والاحد بالطله حلو لمقاضي البيت
عندج متاحف وايده
وطبعا بق بن بالوست مانستر ولندن اي العجله العملاقه
ذا تحبين في مكان بعيد اسمه لندن هل تور وهو مكان تاريخي لملوكهم الاوليين اذا تحبين التاريخ مثلي
وعندج لندن بردج
طبعا لا يعلى على الهايدبارك والريجنت بارك
بالهايد بارك في قصر السبنسر اللي عاشت فيه ديانا
وطبا عندج قصر الباكنجهام بالاس بالوست مانستر
وفي رحلات بره لندن عندج مكتب الزين بالاجورد رود يسووي رحلات لاسكتلاندا وفي رحلات لي بسترفيلاج ورحلات قنص وصيد بعد
يارب اكون افدج
وانا بالشوفه حبيبتي اي شي انا حاظره
ترا رحت لندن بس مره بس اهي صغيره ما تحير وايد
واتمنى من البنات الخبره بلندن يشاركونا