اللي تعرف مطعم حلوو وقعدته حلوة تخش برجلها اليمين

خل تروح بيكوكس في فندق ساس على ما اعتقد الفندق الي فيه الهاشمي

اكله وايد حلو وجوه حلو كله بيزنيس من و حريم ورياييلهم

مافيه ازعاج ولا يهال

واايد راقي

واهوا مطعم صيني بس اكله حلو

او خل تروح سينيور ساسي

على البحر البلوك اليديد مال المطاعم صوب الابراج على ما اعتقد

ولهم فرع في 360

بس مال البحر احلى

ويمدحون الايطالي الي في الشيراتون

العفو

انا داشة بقولج عن مطعم بيكوكس اللي بساس بس سبقتني الاخت

بس المطاعم براس السنة تظل مفتوحة لل12 عادي؟؟!!

=

سينامون يازينه ويازين الهدوء فيه
تروح له واهوا مغمضه .. له اكثر من فرع بالكويت

=

في مطعم يديد جربته آنا و أمي و احنا الاثنين حبيناه واااااااااااااااااااايد الوالده استانست حيل على القعده و الجو و الديكور

مدحتلي ياه رفيجتي وااااااااااااااااايد و ما صدقت كل المدح الا لما رحت

اهو مطعم صيني-ياباني-و شوي هندي

اسمه ووك آند رول ، مكانه بالجابريه ورا مستشفى رويال حياة

آنا و الوالده رحنا طلبنا اول شي شوربة دجاج بالكريمة و أقيمها 9 من 10 ! دافيه و لذييييييييييييييذه

و طلبنا سيزر سلاد .. روووووووووووووووووووووعه بمعنى الكلمة 10 على 10

و الوالده طلبت ربيان على التوست و عيش ياباني ، الربيان تعطيه 7 من 10 ، و العيش الياباني 10 من 10

و آنا طلبت جكن سويت آند ساور ( دجاج حامض حلو ) يكون مقلي بالبقسماط و حاطين عليه هالصوص اللي يدوووووووووووخ
10 من 10 ! روووووووووعه

و نودلز مقلية بالخضار ، 8 من 10 ، حلوة كانت

و هم طلبنا سبرنج رولز بالخضار ( لا تقولين عننا آفات )

تقييمي للمطعم بشكل عام جميل جدا و راااااااقي و هااااادي
صغيرون مجكنم
موسيقى هاديه و اضاءه خفيفه و السيرفس نفسيته حلوة

جربيه

و اسعاره معقوله

فاتورتنا طلعت 13 دينار بالظبط .. و احنا طالبين وايد بصراحة

حبوبه ووك اند رول فعلا كان وايد حلو و انا ما كان يمر الشهر الا اروح له مرتين و ثلاث بالقليل

بس من عقب ما غيروا الشيف ضاق خلقي .. حتى الناس خفوا منه واااااايد .. اول مالج محط ريل حتى ايام الاسبوع .. الحين فضى شوي

وااااااايد تغير .. الايديمامي خلطته مو شي صارت مع انه كان احلى من ادمامي ماكي .. و النودلز تغير وايد بعد

بس عموما اسعاره حلوة و مناسبة جدا

************

بالنسبة حق المطاعم .. احلى شي حق راس السنة و ارقى شي حق المتزوجين الفنادق .. بس عاد لازم حجز

و هابي نيو يير مقدما