اللي جهزت تعطينا خبره عن التجهيز وتقولنا اساسيات عشان لانصير مقصه للحريم والاتيليهات

لانه من فرارتي بالمنتدى لقيت ان البدو يهتمون باشياء غير و احنا غير
مو قصور باي احد حشا لا
بس طبيعه الحياه فرضت جذي

اولى من الكتالوج خربتها كان فيها تطريز وهو اللي محلي البدله راحت وخربته لي حطت لي الشغل تلوين يعني مايسوى

والثانيه الخامه ترد الروح من ناحية نقشتها والالوان راحت وخربت الموديل اللي عطيناها علشان تسوييه

ياتروحين تسوين عند مشغل انتي عارفته عدل او شي جدامج

اما دراريع الحموله عندج البلوكات والعربيد وغيري فيها شوي وغيري الالوان لان لو رحتي تفصلينهم بيطلعون عليج دبل العربيد والبلوكات ارخص واحلى

والاتيليهات صايرين استغفر الله قصه المقص 400 و 500 دينار يعني البدله تطلع عليج 700 دينار والموديل حلو وعاجبج بس ما يسوا سعره ومستحيل تلبسينه اكثر من مرتين او مره

فاخذي من النت موديل او اثنين واجمعيهم بموديل واحد وروحي حق خياط سنع حتى خياط الفرع لا يطيح من عينج ترى اكبر المصممين خياطينهم هنود بس لازم تكونين مجربته قبل هالمره يعني مو اول مره وقطي على الخام سنع وابد ما تطلع عليج اكثر من 200 دينار
ولا تجيبين موديلات معقده انتي مو فاهمته عدل وتبين الخياط يفهمه ويفصله لج اعتمدي البساطه والاناقه والبدله انتي الي تحلينه والاكسسوارات تحلي من ساعه ومكياج وتسريحه يعني السالفه موسالفه ان بس بدله حلوه

<<عنده طاقه لق لق اليوم ههههههههههه

اقتباس:

المشاركة الأصلية كتبت بواسطة 7noona انا بتكلـم من خـلآل تجربتـي – على فكـره أغـلـب المشاغل الحريم يخيطون البدل بالبلوكات فووق عند الخياطين و ياخذون السعر منكم دبل << انا اخيط هناك على 40 و 50 و خياطهم نظيف للبدل والدراريع حتى نفانيف الطلعه – و في دراريع بالفروانيه مجمع العربيد ايننوون شويه عليهم ،، نفس المشاغل بس اسعارهم ارخص بوااايد و ذربين مو اوفر و على فكره في مشاغل اذا شفتي عندها بدله و عجبتج و بغيتيها تسويلج اياها تحطلج الخام غير والكلف مو نفس اللون يعني تسويلج اي كلام و سلامتـج

والله صاجة حنوووووووووونة ..المشاغل حدهم مستخفين وصاجة وايد عندهم نصب … تراويج شي ووقت الخياط تسويلج قطعة ثانية