بسم الله الرحمان الرحيمو الصلاة و السلام على أشرف المرسليننبينا محمد صلى الله عليه وسلم
السلام عليكم بنات والله تعبت ما أدري شسوي صارلي 3 سنوات و أنا من طبيب لي طبيب من رداده لي رداده كل دكتور بالكويت رحت له ما بقى اليتامى ما بقى عادل مرسي ناهده العلي فوزية القطان دميانه والله تعبت كلهم عطوني أبر و هرمونات لم تفخوني وشعري حت و حدي تعبانه وريلي أكثر مني تدرون الحموله ما يخلونج يعني ضغط نفسي و جسدي ومادي والله معاشي كله على الأدويه و المشكلة إن يقولولي مافيكم شيء كل شيء سليم و سبحان الله ما يصير حمل سويت 10 مرات تلقيح مافاد و آخر شيء ألحين يقولون إن ريلي سرعة الحيوانات المنويه عنده بطيئة 
شنو يعني ؟؟؟ هذي مشكله كبيره أو عادي تكفون ساعدوني والله يطعم الجميع الذرية الصالحة
السلام عليكم بنات والله تعبت ما أدري شسوي صارلي 3 سنوات و أنا من طبيب لي طبيب من رداده لي رداده كل دكتور بالكويت رحت له ما بقى اليتامى ما بقى عادل مرسي ناهده العلي فوزية القطان دميانه والله تعبت كلهم عطوني أبر و هرمونات لم تفخوني وشعري حت و حدي تعبانه وريلي أكثر مني تدرون الحموله ما يخلونج يعني ضغط نفسي و جسدي ومادي والله معاشي كله على الأدويه و المشكلة إن يقولولي مافيكم شيء كل شيء سليم و سبحان الله ما يصير حمل سويت 10 مرات تلقيح مافاد و آخر شيء ألحين يقولون إن ريلي سرعة الحيوانات المنويه عنده بطيئة
اذا مشكلته بس حركه ضعيفه هذي مشكلة وايد سهله ومع المنشطات والخلطات الطبيعيه مثل الزنجبيل والعسل
تصير سريعه ان شاء الله
بس انتي طفتي العدد المسموح فيه للتلقيح الصناعي اهو المفروض تسوين التلقيح الصناعي ثلاث مرات اذا ما نفع تجربين الحقن المجهري
والله يرزقج ويفرج همج بدون علاج وعمليات يارب
والله يرزقج يا رب
بس انا قالتلي ان فيه لزوجه وعلمتني علي وضعيه بالجماااع ومع العلاج والادويه الحمدالله تشاافي ومافيه لزوجه وتم الحمل
الله يرزقج يااارب بالذريه الصالحه
وصبري كل تأخيره فيها خيره
مشكله ريلح بسيطه تنحل بالادويه
وانصحج بالحقن المجهري ان شالله يتم الحمل يااارب
ليش ما تجربين مقويات العسل من عسل المرشد حق الريال و المرأة
و أهم من كل شيء
لجئي حق ربك
لا تنسين ربك ابد و تصدقي قبل لا تدعين . تركي الأدوية و جربي العسل و الصدقة … تصدقي وايد وايد صرفي فلوسك على الصدقة بدال الأدوية..
و ادعي بكل صلاة و اذان و قيام الليل بتضرع
و روحي العمرة انتي و زوجك ، و الحين ياي موسم الحج روحي معاه و ادعوا
و لا تنسين القرآن كل يوم اقري: البقرة ( كل 3 ايام)
ياسين كل يوم ، آل عمران و مريم و الصافات
ليمن الله يكتب لك ان شاءالله
و الاستغفار على طول بلسانك
و فكري ان الله راح يرزقك و تخيلي الياهل بيدك و راح يتحقق هالشيء ان شاءالله حتى لو طال الزمن.
قولي: " ربنا هب لنا من أزواجنا و ذرياتنا قرة أعين و اجعلنا للمتقين إماما"
يعني الطبيعي لازم تكون الحركه ماتقل عن 50% عشان يتم الحمل باذن الله..
بس الحمدلله هذي علاجها سهل نشالله منشطات واهم شي العسل مع غذاء الملكه ترى واااااااااايد زين
الله يرزقج ويانا بالذريه الطيبه
خلي زوجج يشرب عصير الكيوي وياكل بيض الفري والمكسرات وان شاء الله ربج مراح ينساج والله انا حاسة فيج والله يرزقج الذرية الصالحة
بالنسبه للحيوانات سرعاتها ما اتوقع انها مشكله كبيره اهم شيء عدد الحيوانات المنويه وهل هي سليمه او لا في اس مجرد يقذفون سبحان الله تموت على طول يعني مايمدي بويضات الحرمه تلقطهم بس دام سويتي تحاليل وكل شيء سليم والمشكله بس بالسرعه كثري دعاء واستغفر ربي وان شاء اله ربي الخير بيكتبه لكم…لاتشيلين هم وذكري الله قايمه قاعده وبالاول والاخير انتي سويتي اللي عليج والباجي بيده سبحانه (أمره بين الكاف والنون)…
بس خليه ياكل زنجبيل وعسل وجرجير وربيان خل يكثر منهم يقولون تزيد الشهوه عند الرجل وان شاء الله تزيد السرعه…
تعالي انتي تقولين سرعه بعنني الحيوان سليم مافيه اي شيء يمنع الحمل؟؟ طيب علشان تتطمنين الحيوان المنوي يعيش 48 ساعه في مكان رطططططططب يعني ماله اي علاقه في عدم الانجاب
انتي عليج اللحين اذا خلصتوا تنسدحين على ظهرج وتحطين مخده تحت الحوض وتحطين ريولج على كوشايه عاليه شوي انا اذكر وايد قالوا لي انه يساعد الحمل باذن الله…
اعتذر على الاطاله وان شاء الله بأذن واحد احد نسمع عن حمالج بالقريب العاجل…وكل محروووووووومه يارب…
اذا ما فاد التلقيح
سوي الحقن المجهري