اللي عندها طفل منغولي أو عندها خبرة بهالسوالف تساعدني وتساعد هالياهل المسكين :'(

السلام عليكم ..

بنات اخوي فيه نسبة خفيفة من متلازمة الداون اللي اهيا الطفل المنغولي ..
.
الحمدلله مو كامل .. يعني خلايا فيها وخلايا لأ فهمتوني ..
.
وفيه فتحات بالقلب .. وصمام مادري شفيه .. سويناله عملية .. وفيه غدة درقية… بس عطيناه برقدوش جاي اعشاب .. الحمدلله تحسن واايد ..

.
وعلى فكرة اهوا انولد قبل شهره ..بالثامن .. يعني خديج ..
.
اسم الله عليه بيكمل سنة آخر هالشهر .. بس ..

.
لليلحينه رخو ..جنج شايله جيس ماي.. راسه يطيح ورا .. وايدينه ما يحركهم عدل ولا ريوله ..
.
وما يقعد ولايحبي ولا يمشي ولا يتكلم الا (ابه اممه .. ) يعني جذي فهمتوني ؟
.
رحنا حق الدكتور محمد سعيد .. عطانا كالسيوم وادوية قالنا وكلوه عدس وفول وكذا شغلة ناسيتها ..
.
والحمدلــــــــــلـــــــــــــه .. يعني واااااااااااااااايد تحسن عن أول وااايد .. يعني اشوه قام يشد .. وقام يقلب وينام على بطنه.. بس ليلحينه رخو .. يعني لو تشوفونه ما تعطونه سنة أقل .. يعني ستأشهر وتحت ..
.
شنسوي ..طبيعي انه ليلحينه ما يحبي؟ولا يمشي ؟ وشنو تنصحوني اعطيه بعد؟شنو ممكن اسويله من خبرتكم ؟تنصحوني بدكتور؟وهل له علاقة بكونه منغولي انه مايمشي ولا يحبي؟
ويزاكم الله خير ..
.