اللي يودون عيالهم الحضاته شتحطولهم لوجبتهم بجنطة الحضانه ؟؟

السناك احطلها فاكه تفاحه او عنب لانها تحبه و فيه من سابليه هذا معمول التمر او كيك صغار بس ماتاكله اكو مجله توني شاريتها فيها افكار حق ساندويتجات الياهال حق المدارس جنها النهضه ماني متأكده حلوه

الوجبة الثانية
فاكهة + كيكة + بسكوت + عصير

الوجبة الأولى احطلها صمون او توست فيه لبنة وزعتر – أو جبن وعسل أو مربى – أو جبن وخيار – أو بيض وجبن …… مع حليب فراولة أو موز ..

الوجبة الثانية اللي اهيه السناك احطلها خيار أو عنب أو افندي او موزة او تفاحة .. مع بسكوت أو كيك ميني رول .. أو روب بالفواكة … وعصير ..

بس اهيه ماتتريق الصبح بالبيت يالله تشرب حليبتها ماتشتهي تاكل …

لكن احطلة وجبة خفيفة بجنطتة يعطونة بعد ريوقهم بساعتين يعطونة الياهل

مكسرات احيانا واحيانا بفك احيانا بسكوت واكيد لازم وياة يا

عصير او حليب بالموز

يعني شي خفيف لأني قبل اعطية ريوق يوديه وياه لكن الابلة اللي بالادارة قالتلي لا تييبين له ريوق بس شي خفيف علشان اهم اللي يريقونهم

انه حضانه ولدي ممنوع الكاكاو و البفك و هالسوالف (( احسن )) و اهمه يوكلون اليهال الوجبه اللي انتي اتييبينها لانهم يخافون ان في بعض اليهال فيهم حساسيه من بعض انواع الاكل .. علشان جذيه انتي لازم اتييبيين وجبة ولدج او بنتج معاج

و بالنسبه للفاكهة انه ودي ولدي يتعلم على الفاكهة بس لي الحين احسه ما يحبها

و سلامتكم