المالديف

يوووه لبنان عاد اشوه انج غيرتيها اب لعيونج

انا السنه اللي فاتت رحتها شهر 1 نفس هالوقت وكان حجزي عن طريق مكتب اسمه البيرق او البراق بمجمع الاوقاف طبعا اهي عباره عن عدة جزر وبكل جزيره فندق مسوي احواض ومطاعم ورحلات انا قعدت فيها 5 ليالي وفندقنا كان عباره عن شاليهات شاليهنا كانت اطلالته عالبحر التذاكر والسكن كلفنا 1000 على طيران الامارات ترانزيت دبي هالسعر مع عرض كانو مسوينه خطوط الامارات اذا حجزتي تذكره مع نفس الجزيره اللي رحناها يعطونج بهالسعر وطبعا المكتب راوانا صور الفندق وانا يوم شفت قلت لا هذا خيال مو صج وفعلا طلعت الجزيره نفس الصور تينن اسم الفندق kandoma بالنسبه للاكل هناك ديره اسلاميه وكل شي حلال صج ان في لحم خنزير ومشروبات بس اغلبهم مسلمين اللي يشتغلون فالاكل حلال وانا وريلي كنا كل ناكل سي فود

بالنسبه للسياحه هناك كل رحلات انا رحت
1-حداق تطلعين تصيدين سمج وتردين يشوولج ياها وطعما ينن بهارات وسمج فرش صج كيفت عالحداق كل يوم كنا نطلع نصيد ونتعشا من اللي صدناه
2- رحلة السنوركل يودونج بعمق 40 متر تقريبيا وتلبسين نظاره واللي يوصل هوا للحلج مادري شسمه وبريلج مثل ريل البطه لوول وتشوفين السمج شي ينن الصراحه وقبلها طبعا اذا ما تعرفين تسبحين 10 دقايق يعلمونج

3- رحلة الدلافين يودونج مكان بالبحر في دلافين وتلقين الدلافين يطلعون شي خيال الصراحه وايد استمعت بالرحله
4 وعندج بكنك ايلند يودونج جزيره ثانيه مافيها احد ويشوون لحم ودياي وسمج وتقعدين بالجزيره تاكلين وتمشين وتسبحين انا ماعجبتني وايد ولا ريلي ما استانسنا عليها
عندهم رحلة غوص بس انا مارحت خفت وماخليت ريلي يروح خفت عليه الصراحه واهي خطره شوي يعني عند السمج الكبار

عندهم مساج اخر يوم يوت مساج يننننننننننن للحين ماجربت مساج نفسه صج شي مرتب وحلو

5- يودونج حق الجزيره مالتهم اللي فيها شعبهم عايش والمدارس وسوقهم اللي اهو محلات جنهم بقاله مافيها الا شوية صدف ولولو انا من كل السفره ماخذيت الا ترجيه لولو طبيعيه حلوه هالرحله انج تشوفين سكان الجزر شلون بسيطين لان بالجزيره اللي فيها فندق مافي شي بس الشاليهات والمنتج

طبعا كل رحله بسعر بس بصراحه تسوى يعني انا الحين اكلمج من ماليزيا بس ماليزيا ماتيي صوب المالديف كللللللللللللللللش
احلى ديره المالديف

وااااو المالديف عجيييب ,, دلوعه عسل ماقصرت