بسم الله الرحمان الرحيمو الصلاة و السلام على أشرف المرسليننبينا محمد صلى الله عليه وسلم
عندي موضوع ان شاء الله مايكون مكرر واذا مكرر خل ندمجهم مع بعض
الله يسلمكم ابي كل وحده ادش اذا متزوجه تقول لنا المشاكل والسوالف اللي تصير لها مع اهل ريلها وهل قدرت توقفهم عند حدهم ولا لا ماتدري شتسوي
واللي ماعندها مشاكل الله يتمم عليها
واللي يدشون كل وحده تعطينا رايها والحل شنو نسوي معاهم وشلون انوقفهم عند حدهم وتقول مشكلتها اهي بعد
واللي مو متزوجه اكيد سامعه قصه ولا سالفه فلا تبخل علينا وخل تقول
ياريييت كلنا نشارك ونفيد بعض لان صج بعضهم يحطمون الواحد
عندي موضوع ان شاء الله مايكون مكرر واذا مكرر خل ندمجهم مع بعض
الله يسلمكم ابي كل وحده ادش اذا متزوجه تقول لنا المشاكل والسوالف اللي تصير لها مع اهل ريلها وهل قدرت توقفهم عند حدهم ولا لا ماتدري شتسوي
واللي ماعندها مشاكل الله يتمم عليها
واللي يدشون كل وحده تعطينا رايها والحل شنو نسوي معاهم وشلون انوقفهم عند حدهم وتقول مشكلتها اهي بعد
واللي مو متزوجه اكيد سامعه قصه ولا سالفه فلا تبخل علينا وخل تقول
ياريييت كلنا نشارك ونفيد بعض لان صج بعضهم يحطمون الواحد
وحماني مو متزوجيين وحماتي الصغيره حليوه ولو ان حاشني منها طشار بس عاد انا ما اسكت عن حقي بس الحين صارت علاقتنا رسميه
ام ريلي يعني بحسبة امي وحتى لو ماتعاملني زين صدقيني اذا عاملتها زين مثل معاملتي لامي مسيرها بتسنع معاملتها وياي
اما حمواتي احاول على قد ماقدر ماطيح الميانة وايد يعني بالمواجيب انا اول وحدة عندهم واهم اول ناس عندي الحق ينقال
بس خلاص من اشوفهم تيمعوا العايلة كلهم وريلي موموجود تحت اسحب روحي لشقتي
ان الله مع الصابرين
وعاديني مثل بنتهم وأكثر
والحمدلله انا حماتي حنونة وحبيبة معاي وخواته كبار مافي مجال كلشش لاي تصادم
اهم شى خالتى على راسى والباجى المعامله رسميه
اقول يمه انتي متزوجه بهوشه والا ماخذه جيش استراليا علشان توقفينهم عند حدهم ههههههههههه
سمعيني ياقلبي انتي تقدرين تملكينهم وتخلينهم يحبونج ويحترمونج ويحسبون لج الف حساب بقلاص الماي اللي يشربونه وباللقمه اللي ياكلونها بتقوولين اشلووون صح"
تعالي يمي اهووووووووووو اعلمج ياقلبي
صيري خوش مره مع ريلج وحبي اميمته واحشميها وتقربي من عمج ابو ريلج وصيري خوووش بنت بتشوفييينهم كلهم يحبوونج ويتشرقون فيج تشرررررررق
بس صفي النيه ولااااعليج ولاتفكرين بالقشاره واخذي دووووم الامور بحسن نيه والله بترتاحين بعيشتج اللي ربي كاتبها لج بعد اشتبين اكثر
مشكلتي عند حماتي العوده ماتشتهيني بس تحجي علي عندج مره نعزمت بيت ناس يصيرون لهم والكل موجود قدموا فطاير قلتها مشكوره كافي العصير
شقالو وي ليش ماتاكل تخاف نسوي له ***
وانا مسويه رجيم كيميائي مابي اخربه كافي العصير شربت نصه
طبعا وصلي الحجي بعدين
واللي يذبحني انه الا بتاخذ ولدي ولدي صغير تخيلوا اول ماطلعت من الاربعين ثاني يوم خالتي دقت علي ريلي تقوله بتيييه تاخذ الولد ريلي قالها اخذيه
انا ماقلت شي لان بالاربعين واايد صارت لي مشاكل مع ريلي قلت مي خالف
تخيلوا الساعه ٩ الصبح خذوا ماردوه الا الليل وانا احوس بالشقه نفس الهبله اسمع صوته يبجي دقيت عليهم بس مرتين اسال وكانت حماتي الصغيره ادق علي ( كاسره خاطرها) ولا الكبيره معصبه ليش ادق اسال عن ولدي ماتبيني ادق تقول مو اول وحده تصير ام اي صح كلامها بس انا اول مره اصير ام هذا بجري
يوم يابوه قلتلهم هذه اخر مره ماقدر صوته بإذني وانا مو مانعتهم حياهم الله باي وقت وانا كل اسبوع ازورهم و اذا عندي شغل ميخالف اخليه وارد اخذه
شوفوا هالسالفه ريلي بيسافر قلت له اروح انام بيت اهلي مارضي يقول تقعدين بالشقه قلته ليش يقول تبين امي تسوي سالفه ليش ماتنامين عندهم تخيلوا قعدت اسبوعين بالشقه بروحي انا والولد اطلع ازور بس مابات بره
بعد فتره قالوا بياخذون الولد وريلي قالهم اوكي عمر ولدي صار٤ شهور قالي تري الخميس بياخذونه قمت وبجيت ليش انت تدري انا مارضي وشفيها لو خذوني انا مو جنتهم
بهالوقت ريلي كان متهاوش مع اخته وقالها مالج حق تجيسين الياهل
كلمت ريلي وفهمته انه الولد صغير مايصير باجر يتعلم مايقعد بالبيت وانا بربي ولدي علي طريقتي واذا كبر وقالي ماما بروح اقوله روح بس الحين شماله ياخذونه
يرجع لي يقول لي ماما ودوني العاب وشرورلي ماكدونالز مايفهم الولد
المهم ريلي قال خلاص علي اساس بيكلم امه
الصبح الساعه ٨ ولا الباب ينطق اقعده اقوله الجرس شوف منو يقوم ولا الام يايه بتاخذه ويي الغرفه اويقول امي بره قلت شنو يعني قال انا تعبان بنام قلت اخليها ترد ماتاخذه قال لا طبعا
المهم زهبت اغراض الولد عشان ماتصير مشاكل قلت ميخالف سلمت عليها ولا هي لابسه والعطر من بعيد تشمينه خذت الياهل وطلعت
قلت اهي مورايحه البيت عرف خالتي كلا عباي اذا مستعيله
وانا سويت عزا من الساعه ٨ الصبح لي ١١ بليل اللي ردوا الولد
ودريت من حمواتي الصغار انه حماتي العوده اهي اللي تقول حق امها عشان تاخذ الياهل من غيري ولان ريلي موراضي تمسك الياهل من كثر ماتسوي سوالف
وطلع ماخذين الياهل من صباح الله خير وللعلم ولدي ماكان ينام الا ساعه٦ الصبح وهم يدرون ولاكسر خاطره ياخذونه بهل الحر واحنا الكبار مانتحمل الشمس وراحو يزورون فيه الاخت تبي تتشيحطت لان البيت اللي رايحتله عندهم بنت كلا ولد اخوها عندنها فتبي تصير نفسها واهي لاتواطني وتغار من ريلي اللي اهو اخوها كلا تسوي له مشاكل قبل ويوم تزوجني قلت تقول مرته ومرته
والله تعبت انا مابي ياخذون الياهل شسوي
الحين انا مسافره مع ريلي قاعد يدرس تخيلو يقولون حق ريلي رد الولد وريلي يحاول فيني علي اساس انا بعد اكمل دراستي بس انا موراضيه اقوله الام اللي تربي مو اللي تولد ارد الولد باجر مايبيني يبجي اذا شلته وريلي طييييييييب يقول مادري ارضيج ولا ارضي امي
بس انتي ام ومالومج
عرف وحده من هي صغيره كلا عند خالتها يوم امها تاخذها تبجي ماتبي امه والحين عمره ٢٣ عايشه بيت يدتها
انا عارفه حماتي نيتها موصافيه ( لو تتزوج يمكن ارتاح اهي بالثلاثين)
الحين يايه العطله مشتاقه لديرتي لاهلي ريلي يقول لي ردي قلت بشرط اهلك ماراح اقصر معاها ازورهم ونام عندهم مو مشكله بس ياخذون الولد
توقعون شقال قالي خلاص قعدي لاتردين مانبي مشاكل
يالله قولولي شسوي انا محترمتهم وماغلطت عليهم يتنقزون لي ويفشلوني واسكت عشان خاطر ريلي
بس لي ولدي ستوب ومادري شالحل ساعدوني والله تعبانه
طولت عليكم ادري
كلامج عدل والله الله شاهد اني ماغلطة عليهم ولا اطول لساني واذا غلطوا علي اسكت
بس حماتي الكبيره كلا تشيش خالتي وخالتي كلا تسمع لها
اذا هي تشيش امها علي اخوها اللي هو ريلي وريل الوحيد اللي يوقف مع امه ويساعدها وشايلها وعمره ماقصر عليها شوفت عيني
اذا اخوها ماسلم منها
وهي متحكمه بالبيت ولسانها شطوله علي امها
بدون مبالغه صج والله
اهل الزوج والخاله لهم حق بالولد آمنا بالله….يشوفونه على طول يشاركهم اللقمه يشاركهم القعده يوصلهم باستمرار ولاينقطع عنهم
لكن اهو موحق عام ولا لعبه…الشي لما يتجاوز التربيه والتنشئه
اهني تنحط خطوط حمرا ….من طرفج ومن طرف ابوه
وانا اشوف انه المشكله مو فيج ولافي حمولتج …وواضح انه حمولتج حابين الولد ويغلونه ولهالسبب يبونه ….لكن المشكله زوجج اهو اللي موقادر يحط هالخطوط واهو اللي فاتح لهم
المجال…اهله على العين والراس …لكن ضروري تنحط النقط على الحروف ويوضح لأهله انه الولد بتفترة تنشئة وتربيه…والولد
محسوب عليج وعلى ابوه ومسؤول منج ومنه….و اهله لهم الحشيمه ولهم الاحترام والوصل مو اكثر من جذي
وعسى الله يهديكم لبعض
واحمدي ربج ان اهله يحبونه ويدورونه فيه غيرج ياحسره عليهم مايسئلون عن عيال عيالهم
تدرين ليش لانهم عادينهم عيال المرة استغفر الله لانهم يكرهون مرة ولدهم كرهو عيال ولدهم عجب عجاب