المدرسه الكنديه ثنائية اللغه

انا اول مرة اسمع فيها بس شفت اعلاناتها في الجريدة امس شكلها حلوة بس ما يندرا عنها . الافضل انج تروحين تشوفينها وتشوفين الكتب والمدرسات والله يوفقج .

هلا اختي
انا عيالي قبل سنه كانوا فيها قبل مايصير اسمها المدرسه الكنديه ثنائية اللغه
cbs
كانت مدرسة الخليج الدوليه
gis
اهي بخيطان بالنسبه لي انا عجبتني لانه احنا كنا جايين زياره للكويت من كندا لمدة سنه فقط ودخلتهم فيها نفس نظام مدارسهم الي بكندا مادري بحكم المده الطويله الي قضيتها بكندا ومن قبل الحضانه وعيالي هناك لحد ماصاروا باخر الابتدائي صراحه عجبتني ويهتمون بالطفل شوفي انا عيالي ماقط دخلوا مدارس الكويت فصراحه ماقدر اقارن وانا معلوماتي عن المناهج والدراسه كلها كنديه فيمكن الي عجبني انها نفس المنهج وماتغير علي شي وعلى فكره الحين لما ردينا الكويت سجلتهم فيها بعد وراح استمر فيها ان شاء الله لانه خلاص عيالي عاودوا عالمنهج الكندي فاتمنى انها تعجبج انتي …. صراحه انشطتهم حلوه وطريقة تعاملهم حلو بس تدرين شالمشكله انه طاقم التدريس الحين مو نفس الي قبل لما كانوا عيالي فيها قبل مانرجع لكندا فالله يستر لكن مدير المدرسه تعامله حلو وشكله جاد وحريص وصراحه الطلبه عددهم زاد وبعض المراحل الدراسيه تسكرت فيعني مادري تحصلين مكان لبنتج ولا لا اتمنى اني فدتج مع اني اتمنى انه عندي خبره بمدارس الكويت عشان اقول لج المقارنات لكن والله بشكل عام عجبتني المدرسه وكنت حيل مرتاحه فيها وان شاء الله هالسنه ارتاح بعد والله يوفقنا جميع ويكفينا وياكم شر الوباء ويحفظنا من كل سوء

تحياتي لج

انا مسجلة عيالى فيها الحين واحد بالبرى كى والثانى يروح كى جى 2 والكبير قريد1
انا اخترتها بعد ماامحوها بعض اولياء الامور وهم واحد من ربع زوجى مدخل عيالة ويمدح فيها ان شالله تكون بالمستوى اللى اطمح فية وترا تعملهم مع الطفل حيل حلوووو وهذا انا شفتة
عيالى ناقلتهم عن اجيال للى بالرقعى الامور كثيرة..وصج الاكادمية للى بالرقعى اشكثر يتذمرون منها خصوصا مبناها قديم واسعارها معقولة بالنسبة لاسعار المدارس الحين هذى ميزتها

ياليت بعد للى تعرف عنها معلومااات تنورناا

العفو حبيبتي ماسويت شي انتي توكلي على الله وسجليها وباذن الله ماتندمين شوفي اهي سالفة انه مدرسين العربي يتغيرون ويتأخرون بالمنهج هذا صار لنا بس المدرسه كانت اول سنه لها للحين ماوقفت على رجولها لكن الحين احسهم اقوى من قبل وشغلهم مرتب ورحلاتهم حلوه وانشطتهم احلى ومدرسين العربي والتربيه الاسلاميه صاروا اكثر من قبل تخيلي قبل مدرسين اثنين للعربي وواحد للتربيه الاسلاميه لكن الحين لما رحت لهم لا في اكثر من ست مدرسين لهالمادتين وبالنسبه للحضانه والروضه انا كنت بدخل بنتي الصغيره كي جي 1 بس بسبب الظروف والانفلونزا غيرت رايي بدخلها السنه الجايه ان شاء الله بنتج اي قريد بتروح ؟؟؟

يعطيكم العافيه على النصيحه وان شاء الله اني بدخلها وبدخل اخوها الروضه ويطيكم العافيه على التوااااااصل لاخلا ولا عدم حبايبي صج ريحتو بالي الله يريح بالكم

السلام عليكم

ادري الموضوع قديم

بس اللي تعرف بالنسبه للحضانه

شلون طريقتهم ويطلع الطفل مستفيد والا لا ؟ يصير عنده طلاقه ماقصد باللغه طبعا اقصد بطلاقة اللسان يتكلم يكون واثق من نفسه ؟ انا سمعت عنها كلام حلو وانه الظفل موبس يدرس لا حتى يلعب ويختلط ويعرف يتعامل يعني مهارات حلوه فياليت ماتبخلون علي بالرد

ونسيت بعد جم رسومهم بالسنه ؟ بالنسبه للحضانه ؟ هل القبول بالحضانه سهل عندهم والا طق عصي