المسافرات في صيف 2024 الى تاااايلند وضواحيهااااا

ماعندي خبره بس توني راده من تايلند
شوفي حبيبتي اول شي وصلنا بانكوك ونطرنا طيارتنا عشان انروح فبوكت
وفبوكت كل يوووم رحله بصراحه روووعه
اليوم الاول رحنا سباق السيارات ورحلة الفيله ومعرض حرف يدويه

اليوم الثاني رحنا جزيرة جيمس بوند ومن جزيره لي جزيره
اليوم الثالث رحنا حق عرض الفنتازي
اليوم الرايع ركبنا فيل ورحنا عروض القرده و ركبنا القوارب
ومشينا بالغابه لما وصلنا شلال
اليوم الخامس ريحنا
اليوم السادس كان اخر يوم لنا بهالجزيره
رحلتنا هم كانت بحر ودخلنا بكهف وركبنا القوارب الصغيره
وسباحه بس حسافه انا مو موديه معاي مايوه فماقدرت اسبح كلش
مره ثانيه بييب احتياطاتي لووووووول لاني تشوقت اسبح
اليوم السابع رحنا شنق ماي
اول رحل لنا رحنا حق القريه اللي يزرعون فيها قطن ويستعملونه باشياء
دخلنا غابه وصلنا قمة الجبل ورحنا معبد ومن المعبد الى مزرعة ورد

اليوم الثاني رحنا التعلق بالحبال من شيره لما شيره واو روعه مع اني خايفه
بس لان اول مره اجرب هالشي بس عقب عادي صرت اقط نفسي قط لاني تعودت
اليوم الثالث وصلنا قمة الجبل بالبقي بس خطره طبعا لانه جبل ويخرع بس كانت وناسه
وهما رحنا حديقة عامه وهم بعد معبد طبعا يسوون اهناك مثل الحج استغفر الله
اليوم الرابع ريلي راح حق رحلة البانجي طبعا يحطون حبل ويربطونه بالريول وتنطين منه
وعلى ارتفاع 50 متر
اليوم الخامس رحله كانت قصيره ركبنا الطياره الشراعيه بس صج ررروعه
بس 30 دقيقه

طبعا فالبدايه كنت خايفه بس عقب عادي
اليوم السادس رحنا الى حديقة الحيوان و الاكواريوم
واليوم السابع رحنا بانكوك
طبعا كنت ابي اروح الترفهيه مالتهم بس طق المطرررر حسافه
وبس واتمنى اكون افدتج

رفع

ناطرين تقريرج

انشاءالله ناوين نروح تايلند بالصيف
كل وحده تكتب شنوو الامااااااكن اللي اعجتها اهناك

والاشياء اللش شرتها من تايلند
وشنو ما عجبهم
واذا في صوووووووووور حطوولنا
نبي لي الصيف تكووووون عندنا معلوووووووووووووووووووومات عن تايلند

جم تكلفت السفره حق تايلند لمده 10 ايام

هلا (المدينة)

بالنسبة لبوكيت .. حدها رووووووعة طبعا .. طبيعة وسوق واستجمام وناس يهبلون

بس بعد الساعة10لاتطلعين

وبالنسبة للمجمعات في عندهم سوق patong بالشارع وايد حلو وفي مجمع GYNCCYLON في محلات تينن وفي مطاعم وفي ستاربكس .. وبلزقه فندق ميلينيوم .. هالفندق قعدت فيه مرتين وايد حلو وراقي ونظييف ومسبحهم روووعة والله

وبالنسبة للرحلات طب وتخير .. توقفين عند اي مكتب رحلات وتختارين الي تبينه .. واذا رحلات بحرية روحو بالقارب السريع speed boat مع انه اغلى بس اونس واسسرع طبعا والناس اقل بدال مايكون معاج 50واحد يكون معاج 6الى10 اشخاص بس

ورحلة الfantasea show لاتطوفينها في بوكيت حلللللوة ..

اما بانكوك

وصصصصخة بس احلى مافيها السوق .. يميييييييي لووول

مجمع mbk ماأمل منه لو شنو ..
وبالنسبة لفنادق بانكوك ماعرفلها وايد بس فندق amari حلو وفندق grand diamond هذيلي اشهر شي

واذا تبين اي معلومات زيادة تقدرين تشوفين موضوعي بالتوقيع .. وفي موضوع للأخت همبة عن تايلند قمة في الروعة