المسك للعناية الشخصية سؤال

وهي وصية الرسول صلى الله عليه وسلم للصحابية حديث عائشة إن امرأة سألت النبي صلى الله عليه وسلم عن غسلها من المحيض ، فأمرها كيف تغتسل ،
قال : ( خذي فرصة من مسك فتطهري بها )،
قالت: كيف أتطهر بها ؟
قال: (( تطهري بها ))،
قالت : كيف؟
قال : ( سبحان الله ! تطهري بها ) فجتبذتها إلي ، فقلت تتبعي بها أثر الدم.
أخرجه البخاري

لقد تم مؤخرا اكتشاف أن المسك يقضي على البكتريا ويطهر الرحم من النجاسة

وصدق الرسول الكريم صلى الله عليه وسلم

فوائد الأستعمال

أتباع للسنه

يذهب الأفرازات المهبليه والفطريات

يمنع من سرطان الرحم باذن لله

يذهب الحكه والحساسيه

يساعد على الأنجاب وتثبيت الحمل

طريقة عمل المسك للمنطقة الحساسة ______________________________ __________

الي تقراء الموضوع وتستفيد ودي بس تدعيلي ولمرضى المسلمين ولصاحبة الموضوع
نبداء الموضوع
::: طريقة عمل المسك للمنطقة الحساسة مع BntZayed :::

السلام عليكم و رحمة الله و بركاتة

هذا الموضوع بعرضه كجزئ ثالث لموضوعي الاولي و الثاني اله يتكلم عن نظافه المنطقه الحساسه و استخدام المسك

الان ما شاء لله وااااااااايد بنات كانوا يسالوني على العام و الخاص عن الطريقة

و خصوصا بعد ما نزلت موضوعي الثاني

فقلت احط موضوع يديد عن كيفيه عمل المسك بالخطوات احس الاني جي الكل راح يستفيد ان شاء لله

و انا حابه افيدكم بها الموضوع…

و ما ابغي منكم غير دعوه من الخاطر ان الله يوفقي و يسر امري و يناولي الي في بالي ان شاء الله

نبدأ بخطوات عمل المسك :

بنات خلوا كل شي تستعملونه نظيف الان هالخلطه بنستخدمها لمنطقه حساسه في الجسم

و هذي الاغراض الطلوبه

مسك عبد الصمد القرشي
ماء ورد
ماء معدني
علبة أو قارورة ذات غطاء محكم

اولا: سيري عند عبد الصمد القرشي وقوليله ابا مسك الحجر ((الحبه 10 دراهم<10 ريال)) ريحته جنان……

ثانيا: خذي نص قطعة المسك و لفيها بنايلون عشان النظافه و ما تتوصخ

اطحني نص حبه المسك بس مب اتخلينها بودره لا

يعني فيها كسر

ثالثا: بعدين اني لماي الورد و الماي المعدني

((..انا استعمل مسافي))

و هذا مقدار كل واحد منه *ماي الورد و الماي المعدني *
و ايصير اتزيدين على حسب حجم الغرشه مب شرط تتقيدون بالكميات

وحطي المسك و الماي الورد و الماي المعدني مع بعض في طاسه قابله للقفل ((يعني ام غطاه))………..

وبعدين رجي الطاسه عدل لين ما تتخلط المحتويات((طبعا المسك ما راح يذوب))

رابعا: القطن الدائري إلي نمسح فيه مكياج العيون

طبعا القطعه تكون نظيفه
القطن البيضاوي هذا بس اتغطينه عادي

و قطعه قطن الدائري هذي تجسفينها((يعني تطلع عندج نصف دائره))

وتغطسينها في الخلطه وتمسحين بها المنطقه من فوق لين تحت و الخلف بعد…

للمتزوجات لازم ادخلين القطنه داخل0 … وراح اتشوفين انه في وصخ يطلع ((هذا دليل النظافه))
والبنات بس من برع.

((يجب مراعات النطافه التامه يا بنات … يعني لا تغطسين القطنه اكثر من مره عشان ما تنتقل الجراثيم في العلبه))

وتستمرين بها الطريقه

بعد ما تخلصين من الدوره ولمده 3 ايام متتاليه

و اذا كنت حابه بعد الاستحمام و وقت الحاجه طبعا

وشوفي النظافه والريحه الحلوه ((حتى الريحه تعلق في ملابسج الداخليه))

و انسي شي اسمه التهابات او حساسيه و افرازات و روائح كريهه…

انا انصحكم بمسك عبد الصمد القرشي عشان هو الاصلي و يكون معقم ولاتستعملون شي ثاني

لان هذا النوع الوحيد الي انا جربته و ما اعرف عن الباجي

جربوا وادعولي………………….. …

اتمنى من كل بنت تبا تنقل الموضوع تذكر المصدر و تنقل الموضوع حرفيا و يا كل شي بدون حذف

لاني صدق تعبت عليه يعني حتى اسمي لا تحذفينه و هذا اهم شي

(((نقلته الموضوع لأنه مرررررررره عجبني ..وترى المسك مايضر ابدا بالعكس له فوائد كثير والرسول صلى الله
عليه وسلم وصى عليه))