المشاكل الماليه تسبب خلاف بينج وبين ريلج؟؟

حبيباتي وايد افكر بهالموضوع وانا راح اتكلم عن حالتي بشكل تفصيلي وبحاول اختصر كثر ما اقدر بالنهايه قولولي هل احد مثلي جذي؟؟ ولا انا مكبره الموضوع

اول شي خل اقول لكم قصة زواجي تقليدي وبفتره الخطبه حبيت ريلي حيييييييييييل حييييييييل لدرجه ماتتصورونها واهوا بعد وبيني وبينكم خوش واحد مصلي مسمي ويصوم ومايطوف صلاة اليمعه ابد ابد وبار بأمه واخوانه واخته وأبوه صج فيه مشاكل بينه وبين ابوه كونه اهوا البجر ومتحمل مسؤولية البيت كلها ويقول لي انا احب ابوي لو شنو يسوي فيني انا راضي

وين المشكله انه ريلي شهادته دبلوم وكان يشتغل بالحكومه تالي راح قطاع خاص

انا لمه تزوجت كنت توني متخرجه وماتوظفت وريلي معاشه قوي وماخلى علي قاصر وشقتنا كله بذوقي وذوقه وحسيت انه مو حريص شلون؟ يعني اي شي ابيه حاااااااظر مايهمه السعر ابد ابد عنده مثل يقول اصرف مافي الجيب يأتيك مافي الغيب وانا عكسه ويا المثل اللي يقول الفلس الابيض لليوم الاسود اول شي عادي السالفه عندي وتصوروا اثاثي من الغالي والسيراميك والرخام والاكسوورات ياخذ بدون لايشوف السعر وحتى امه اذا شكت له الحال ولا شي تصوروا يروح ايمع الفلس على الفلس ويقط بحظن امه 500 الى الف دينار امه تقول مابي كل هذا يقول تاخذين ولاتردينهم لي

وهم ويا اخوانه واخته يعطيهم وماياخذ منهم ابد ابد كرييييييييييييم حتى لو ماعنده شي يقطع روحه يكسر خاطري

تصوروا انا كنت احب سياره المانيه وكنت اطفره بالشارع كل ماشوفها اقول واي قلبي تصوروا شرالي السياره هديه؟ انا قلت بالاول يمكن حقي وحقه خصوصا اهوا هم يحبها والسياره قيمتها حدود ال15 الف دفع دفعه وحط الاقصاد عليه حتى لمه توظفت الاقصاد عنده ماحولها علي

المشكله وين

انه انا ببيت اهلي امي ماتدفع ولا فلس حمممممممممممر كله من ابوي ودايما تقول ديري بالج ريلج لايدري جم معاشج وقلوليله امي تطالبني من مده وبسدد لها اقصاد وهالاقصاد قصي من معاشج 200 حطيهم بحساب لج توفير وبيني وبينكم ريلي تدرون شنو سألني قال لي جم تطالبج امج انا اهني نصدمت ماعرف اجذب عليه قلت له الف و500 تصوروا اليوم الثاني يايب لي الف؟؟وقال لي الشهر الياي اعطيج ال500 وعطيهم الوالده سألته من وينلك؟ مع اني ادري انه عنده قصدت السياره ومعاشه 900 قال لي موشغلج قلبي عورني وقلت حق امي السالفه قالت لي ريلج مينون لووووووووول

الحين قبل شهرين بطالي حول السياره علي قال لي مؤقت واردلج كل فلس دفعتيه

وتصوروا بطالي عطالي قلت له اهلي بيسافرون مصر ومادري شرايك تروح ويانا قال لي وين اروح لادوام ولا بطيخ قلت له تذاكرنا على اهلي قال لااااا روحي انتي استانسي انا ماقدر اروح ومن هالكلام تصوروا اكتشف قبل السفره عطاني بيدي 300 دينار وقال لي مو قدرج بس عذريني ماعندي والله هذيله خليهم حق خرابيطج للأمانه ماسألته واول شي رفضت ولزم اخذهم

لمه رديت من السفر قعدنا قعدة رومانسيه وسألته قلت له من وين لك ال300 مالت السفر قال لي بيني وبينج بعت تلفوني ولابتوبي عور قلبي مينون كل شي يسوي انا مابيه جذي ودي يفكر بعقل اهوا وايد طيب

وانا اتظايق تصوروا الحين من معاشي اعطيه ماياخذ بس لمه نطلع مطعم ولا شي ساعات اهوا يدفع ساعات انا واهوا اصلا من زماااااان يطالب ربعه يعني وايد كانوا يتسلفون منه ويقول لي الحمدلله فرجت لمه بعازة الفلوس اتيني ربعي يردون لي الدين والحين يدورله وظيفه

بس امي تحن من صوب انتي شلون تصرفين عليه مع انه والله ماياخذ مني احط له ببوكه زعل علي قال لي اذا سويتي هالحركه ازعل بس جم مره خذا لانه صج معتاز بس بعدين هون

والله عزيز نفس ومينون وكريم مادري شسوي امي تحرشني من صوب تقول حتا المطعم لاتدفعين وحتا قسط السياره لاتدفعين..ألخ

والله ريلي يستاهل سوالي وايد اشياء وكريم وحنون ويستاهل شلون اقدر اساعده هالفتره واهوا عنده ياخذ من ربعه القراااااااااااااااااااااااااااااااب حيل ولا ياخذ مني او من امه او من اهله

شسوي فيه وشسوي بأمي؟؟؟

انتوا تساعدون ريايلكم بالصرف؟ ولا شايلين ايدكم من كل شي؟

ناطرتكم واحس اني مو كاتبه شي كللللللللللللللللش