بسم الله الرحمان الرحيمو الصلاة و السلام على أشرف المرسليننبينا محمد صلى الله عليه وسلم
سلام عليكم بنات
مااطول عليكم باختصار لما صار لي 11 اسبوع
جاني دم بس مو نزيف رحت لدكتورة ماجدة
اليتامي قالت معاج نزول بالمشيمة وعطتني الدفستون
وعقبها باسبوع جاني دم ثاني مرة ورحت لها قالت
صار معاج انفصال بالمشيمة وعطتني ابر تثبيت
بنات لي الحين ماوقف معاي الدم ينزل معاي بس
خفيف وانا مرتاحة ونايمة علي ظهري مااتحرك
الا لحمام وآنتوا بكرامة وصراحة نفسيتي تعبت
وحدي خايفة تكفون لا تبخلون علي اللي صار
معها استمر حملها ليت تفيدوني
سلام عليكم بنات
مااطول عليكم باختصار لما صار لي 11 اسبوع
جاني دم بس مو نزيف رحت لدكتورة ماجدة
اليتامي قالت معاج نزول بالمشيمة وعطتني الدفستون
وعقبها باسبوع جاني دم ثاني مرة ورحت لها قالت
صار معاج انفصال بالمشيمة وعطتني ابر تثبيت
بنات لي الحين ماوقف معاي الدم ينزل معاي بس
خفيف وانا مرتاحة ونايمة علي ظهري مااتحرك
الا لحمام وآنتوا بكرامة وصراحة نفسيتي تعبت
وحدي خايفة تكفون لا تبخلون علي اللي صار
معها استمر حملها ليت تفيدوني
ليش جذي
حبيبتي انتي غلطانه
شنو موديج عند ماجده اليتامه
رووووووحي الصباح الحكومه
انا مشيمتي كانت نازله وبعد ما اصروا علي ولزوا علي ةعلي زوجي دخلوني عندهم
ونمت شهرين
والله العظيم اعتنوا فيني وماقصروا علي بشي والحمدلله الله يتمم علي
من صجج انفصال بالمشيمه وقاعده بالبيت شنو هالدكتوره لاذمه ولاضمير
حبيبتي روحي لحقي على نفسج
عفييييييييييييييبييييييييه وطمنيني عليج
*
نزول بالمشيمة رحت مستشفي الفروانية
اول شي سوة الفحص يعني دخلوا اليد فوق
النزيف عقبة دخلوني ليلة وحدة بس وطلعوني
والدم ماوقف قالوا بس نامي علي ظهرج
ومن غير اي علاج تخيلوا
عشان جذية بحملي هذا رحت لماجدة مارحت للحكومة
ربي يثبته
لا تقعدين على نفسج
مثل ما قالو البنات روحي للصباح …والله يوفقج …
نزول المشيمه اذا كانت باسوء حالاتها ينزل دم
اما انفصال المشيمه مثلي انا عندي انفصال جزئي بالمشيمه دخلت الصباح بالاسبوع الثامن و انا الحين بال١٢
يصير بره الرحم تجمعات دمويه هذي الي تخلي الدم ينزل معاج
لازم راحة ومثبتتات
بعدين تكبر غلط يعطونج ابر مثبته بهالوقت الابر يالله تنعطي بالاسبوع ١٨ لان اذا كانت بنت
راح تزيد عندها هرمونات الذكوره روحي الصباح
وخليهم ينومونج وخل يسويلج دكتور جيرس السونار لا تسكتين
والله يثبت جنينج و يهون عليج يارب
روحي طوارئ الصباح
ويشوفون حالتج لهدرجه واصله بس بلغيهم انه نزل معاج دم وراح تسويلج سونار مستعجل وتقرر بعدها
واذا ماقدرتي تروحين الصباح
حبيبتي موتروحين عياده خاصه لاااااا
لازم تروحين مستشفي لانه دكتورتج ما شاءالله فلتله مخليه نزيف وعادي لي ما وصل انفصال بالمشيمه
تبين خاص روحي السلام عند الدكتور عمرو عصام
واذا تبين رقمه
كلميني بالخاص
الله يثبت حملج ويسهل علي وعليج على كل الحواااامل على خير
بس داومي عالابر والحبوب لاتهدينهم انا خذيتهم الابر شهر والحبوب شهرين والتحاميل شهرين