المعلمات المستجدات نطروووني وابي الحلاوه

عدت والعود أحمدو, واااااااااااااي الوزاره ماااااااااااا اتطور جنا ماكو كمبيوتر ولا شي اسمه داتا بيس.
تخيلوا يا محفوظين السلامه رحت اليوم وزارتنا الموقره..طبعا مع عمي بوريلي لأن ريلي دوام,وهو الأول حسبت ابوي.. فدار الحديث التالي بين عمي وموظفه الاستقبال بحكم ان معاها ميانا لانها اهي اللي مشت شغلي من أول الترشيح بعد الله سبحانه عمـي:السلام
ردت عليكم السلام وعقب ما التفتت عليه عرفته هلاااااااااا حجي شلونك؟
عمي هو زعلان:الله يهداج ما خلصتاي شغل البنت واقفين ومن هالحجي
عاد حرام واللله ما قصرت وانا اصلا خااااالصه كلشاي بس رايحه اخذ مزاولة العمل واحدد مكان الدوره,المهم الموظفه قالت ردوا حيث ادراجكم وماااااااااااكو شي اليوم ولا شيات حتى عمي قالها اوصل لي أكبر راس ما يفيدني قالت مااااااااااااحد صدقني..مشيت خايبت الاملعلى بالي برد البيت!!
وأنا رايحه السياره قالي عمي:وين رايحه يبا قلت له سيارتنا هني! قالي لا يبا انتي من صجج انا برجع البت اتعنى عالفاضي تعالي عند التنسيق.. استاااااااااانست رحت معاه هناك والله اششششوه لقيت وحده من قرايبنا عندها شغلي كلاااااااااااا، المهم شرحت لها اللي صار استغربت!! قالت ليش الأجانب قاعدين يعطونهم هالورقه اللي هي(مزاولة عمل) قلت لها والله هذا اللي صار المهم.. ما قصرت بنت الحلال قامت ودقت على مسئول بالتعيينات وراح له عمي مشى المعامله طبعا خذت لها سااااااااعه وقظيت هالساعه قهوه وحلو مع الغاليه وسوالف
وبعد ما ياني عمي سلمتها الورقه قالت انشالله الاسبوع الياي اوله اخلصها لج وتروحين المنطقه التعليميه التابعه لها يحددون لج مكان الدوره اللي هي بتاريخ308
فيا الحلوات شفتوا راح يخلص شغلي انشالله واروح المنطقه بنفس يوم اللي راح تراجعون فيه168 وعاد شوفي اللويه انا وحده وقعدوا ساعه فنتاي وغيرج جم ساعه بياخذون لكم ويمكن تروحين وميخلص الدوام ويقولون تعالوا يوم ثاني
واللللللللللللللله نصيحتي روحي باجر قبل 168واخذي معاج ريلج والا ابوج المهم شخص يداحر عشان بعد الله يخلص شغلج وسلامتكم
الحمد الله الذي بنعمته تتم الصالحات