المعلمه القديره المحترمه الفاضلة تدخل

انا شخصيا اقول ان الغيره والحسد اذا انوجد فى مكان لازم يسبب مشاكل ونزاعات ومافى انسان كامل كلنا عندنا نقص بس مثل ما قالت الاخت ضحاوى ان العله بالحريم دايما يطالعون انا اقوول البعض طبعا علشان ما يزعلون خواتى فى المنتدى وعموما شكرا على الموضوع

اي والله … التعب موجود بكل مكان ..

انا بأول سنه لي … الناظره مادري شفيها ذبحتني على لبسي

مع انه عادي !! وانا بمشرف يعني منطقة عاديه .. وزميلاتي يلبسون مثلي بنطلونات .. الخ وما تكلمهم ولا كلمة

قالوا زميلاتي اخاف محتره من جسمج؟؟ شكوووو؟ انا مو كبرها خووو؟

المهم انه المشرفه صارت ضدي بعد ..

الشرفه لها قصه ثانيه … آخ يا قلبي منهم ..

المهم الحل .. قدمت عالنقل باللحظه الاخيره ..

وجنها تقولي ابكرلاها من ساعه قبل لا ابرر قالت روحي للسكرتاريه خل اوقعه لج خخخخخخ

وارتحت منهم الحمدلله … رحت مكان قريب على بيتنا …

ومكان مرتاحه فيه .. وكانت خيره الحمدلله

آآآآآآآآآآآآآآآآآآآه ضربتوا على الوتر الحساس المواقف وااااااااااااااااااااااااااايد والله من اتذكرها قلبي يعورني بروحي مو ناقصة
اتذكر شنو ولا شنو ؟؟
– اتذكر يوم الناظرة هزئتنا احنا المعلمات بالطابور علشان صار لخبطة بالحصص احنا ماشين على قانون والله لو تشوفون مدرستنا تقولون حرس وطني مو مدرسة المهم القانون هو انه اذا كان عندنا حصة ووراها فرصة لازم انخلي البنات يسوون طابور ثنتين ثنتين لي الساحة الخلفية واوقع عند البوابة اني وصلت البنات حلو… ذاك اليوم كان عندنا اجتماع اولياء امور والفرصة كانت حيل طويلة فالحصص صارت قصيرة الي بعد الفرصة والثالثة طافت فيوم طق جرس الحصة الخامسة المفروض وراها فرصة بس صار كلام من الابلات انه مافي فرصة لانه قصوا الحصص فمابالكم الفرصة المهم كل ابلة انطرت الابلة الي بعدها تدخل الصف ورحنا الاقسام جان فجأه يدرون البنات انه فرصة وابلات الحصة السادسة خلوا البنات هدد على قولتهم مالهم شغل والبنات لقوها فرصة وتشتتوا لا طوابير ولا بطيخ جان نسمع صوت الناظرة بالمكرفون تجمع كل المدرسة بالطابور وتهزا البنات وبعدين هزأت أبلات الحصة الخامسة احنا .. بالطابور والبنات ميتين ضحك واحنا واقفين بالشمس والبنات يطيحون تخيلوا الحصة السادسة يعني الشمس شقاقية جان تقولنا ابلات تعالوا الادارة وتهزئنا وكنت توني متوظفة يعني كرهت الساعة الي اشتغلت فيها صدمه وعقب البنات يسالونا ابله شسوت فيكم الناظرة بكل حقارة بالله شتردين عليهم
– وغير مواقف الابلة الي تمشي بالغلط حزت تحية العلم وتتهزأ بالطابور جدام الكل
– ولا ابلات يغلطون وبالغلط تزفج الناظرة عبالها انتي صاحبة الغلط وتنطرين مساندة وشهادة حق من زميلاتج ماكو عمك اصمخ الكل لاهي و كلهم شيطان اخرس .
– ولا بالحفلات لمن يزورونا ناس كبار تزفنا وتشخلنا احنا خاصة ابلات الاقتصاد المنزلي ليش خليتوا الفراشة تقدم العصير مو انتوا ويكونون الي يايين رياييل وتقولنا انتوا لي زاروكم ضيوف ابيتكم تخلون الخدامة تقدم العصير والله قتلها اذا في رياييل غرب ريل الي يقدملهم مو انا واصلا انا ريلي ما يرضى طبعا كل شي ولا تقولولهم ريلي ما يرضى وااااااااااااي ياكلونج
– طبعا غير اذا عطوج شغل واعتذرتي يممممممه وددج تنشق الارض وتبلعج ولا تسمعين الكلام
– ويوم طحت فيني دسك عطيت المدرسة طاف بصراحة اهم شي صحتي وكل ما احاتي المدرسة ريلي وامي يزفوني كانت حالتي زفت جان تدزلي المدرسة الاولى مسج انه الناظرة حدها معصبة وتبي توقف معاشج عاد منو قرى المسج ريلي جان يدز لها مسج اعلى ما بخيلها خالتركبة ومنو اهيا علشان توقف معاشها ؟؟ خالتحولها مجلس طبي طبعا عقب مادريت انه داز مسج مت من الخوف ما احب هالمواقف ويوم داومت واااااااااااااي كلتني بقشوري انتي وانتي ومع احترامي لريلج اهوا شعرفة بهالكلام هذا كلام واحد تربوي قلتلها حتى الياهل يدري انه اذا الابلة مريضة وعندها طبيات تتحول مجلس مو انتي توقفين معاشها وعصبت وقالت انتي ما احترمتي الادارة وطبعا ادقاء السوء الي معاي بالقسم قايليلها يمكن اهيا غابت لانه سمعناها بتطلع من التدريس ؟ انتوا شكو ورديت عليها قلتلها اي انا ج قايلة حالي حال اي ابلة ترى على فكرة لو تسألين كل الابلات بيقولولج نفس الحجي ولو الود ودهم كلهم يطلعون من التدريس ومن يومها تطالعني جني شيطان جدامها وتقط علي كلام يعور القلب وماتت لمن درت اني طالبة ندب وانتدبت لان كانت حاقدة وبتحطلي ضعيف بس الله لها والحين ميتة خوف اذا ما انقبلت ابمكان غير التربية اني ر اح ارد لها عاد ذيك الساع ياطاق يا مطقوق خلاص
وتقولولللللللللللللي قععععععععدي بالتدريس عووووووووووووووووووووووووووووووووووووووووووووووووو وووووووووووووووع اشتري كرامتي وصحتي اشرف

ادري فتحتوا على نفسكم باب وشيفكم من قرقتي بس هذا ولا شي
واشكر لكم حسن متابعتكم ………,ويع هذي مالت الاذاعة

اي والله ياشوشو انا بطلع من التدريس بكبرة بس والله تخصصي ملوع جبدي والله حرام عليهم الي يسوونه فينا يعني ليش هالاسلوب الجراح والله حتى لو شنو كنت احب المدرسة راح اكرهها الزم على الوحدة راحتها ياربي مليت حتى لمن نشتكي بالمنطقه يقولون الناظرة لها حق تسوي الي تبيه