مراحب الغاليات…
اليوم قلت انزل لكم طريقة المندي السريع و الخفيف و قلت لزم اعلم خواتي في منتدى كويتات…
دجاجه مقطعه نصين و مغسوله عدل من الزفره…
بهارات تتبيله الدجاج :
1 ملعقه صلصه طماط
فص ثوم
بصل
فلفل أخضر حسب الرغبه
عصير ليمونه
3 ملاعق طعام خل أبيض
تحطين المقادير هاذي بالخلاط لين ما تصير مثل العصير
و تحطين تالي البهارات:
ملح و فلفل أسود و بزار و كركم و شوية جرم مساله و بهارات التندوري و تدهنين فيها الديايه عدل و تركيها في التتبيله على الاقل ساعتين او أذا قدرتي خليها ليله كامله…
انيي لمقادير العيش:
2 كوب عيش مغسول و منقوع ( و تضيفين له 1 ملعقه صغيره ملح عشان ما يتكسر العيش )
3 حبات طماط كبار ( مضروب بالخلاط خليه يصير مثل العصير)
2 بصل متوسط مفروم
حبه فلفل اخضر
بهارات العيش:
ملح و بزار و كركم فقط
البهارات الصحيحه:
فلفل أسود حب … حبتين هيل … مسمار … حبة قرفه
الطريقه:
تحمرين البصل في قليل من الزيت لين يصير لونه أشقر تالي تحطين عصير الطماط ألي ضربتيه في الخلاط و تتحطين البهارات الصحيحه مع البودره و الفلفل الاخضر من دون ما تقطعينه و خليه شويه يفور مع التحريك لمدة دقيقه تالي ضيفي له العيش و طبعا تعرفين قياس الماي ألي راح تضيفينه على العيش و تالي تغطينه و تتركينه على نار هاديه… لين ما ينضى العيش…
و حطي الدياي بالفرن تنشوي عدل … و لا تنسين الدقوس و المعبوج و السلطه …
و غوصي فيه بالخمس و يا سلام … هاذي طريقة الوالده تقول ماخذته من وحده يمنيه … و صج خفيف و لذيذ …
و بالعافيه عليكم…
مراحب الغاليات…
اليوم قلت انزل لكم طريقة المندي السريع و الخفيف و قلت لزم اعلم خواتي في منتدى كويتات…
دجاجه مقطعه نصين و مغسوله عدل من الزفره…
بهارات تتبيله الدجاج :
1 ملعقه صلصه طماط
فص ثوم
بصل
فلفل أخضر حسب الرغبه
عصير ليمونه
3 ملاعق طعام خل أبيض
تحطين المقادير هاذي بالخلاط لين ما تصير مثل العصير
و تحطين تالي البهارات:
ملح و فلفل أسود و بزار و كركم و شوية جرم مساله و بهارات التندوري و تدهنين فيها الديايه عدل و تركيها في التتبيله على الاقل ساعتين او أذا قدرتي خليها ليله كامله…
انيي لمقادير العيش:
2 كوب عيش مغسول و منقوع ( و تضيفين له 1 ملعقه صغيره ملح عشان ما يتكسر العيش )
3 حبات طماط كبار ( مضروب بالخلاط خليه يصير مثل العصير)
2 بصل متوسط مفروم
حبه فلفل اخضر
بهارات العيش:
ملح و بزار و كركم فقط
البهارات الصحيحه:
فلفل أسود حب … حبتين هيل … مسمار … حبة قرفه
الطريقه:
تحمرين البصل في قليل من الزيت لين يصير لونه أشقر تالي تحطين عصير الطماط ألي ضربتيه في الخلاط و تتحطين البهارات الصحيحه مع البودره و الفلفل الاخضر من دون ما تقطعينه و خليه شويه يفور مع التحريك لمدة دقيقه تالي ضيفي له العيش و طبعا تعرفين قياس الماي ألي راح تضيفينه على العيش و تالي تغطينه و تتركينه على نار هاديه… لين ما ينضى العيش…
و حطي الدياي بالفرن تنشوي عدل … و لا تنسين الدقوس و المعبوج و السلطه …
و غوصي فيه بالخمس و يا سلام … هاذي طريقة الوالده تقول ماخذته من وحده يمنيه … و صج خفيف و لذيذ …
و بالعافيه عليكم…
و عليكم التطبيق و تحكمون على الاطباق ….
ومشكوووووووره
والله وصفاتك حلوة
بس نبيها بالصور المرة الياية
بجرها قريب ان شاء الله
ويعطيج العافيه