اليوم نعاني من مشكلة اسمها التضخم في الاسعار في كل شي
حتى الزواج اليوم صار مكلف
اغلب قصص الزواج الي تمر علي اشوف فيها المهر وطلبات الزواج اشوف انها تكسر الظهر
المهور صارت من 10,000 دينار وفوق
غير الاثاث ونوعيته ونوعية الفرش
اليوم صار عندنا الزواج مشكلة المشاكل
المهور وايد ارتفعت
بالمقابل زادت المشاكل
لدرجة مرة وجهت اسإله لمجموعة من الشباب عن ظاهرة ارتفاع المهور و الزواج وكانت الاجابة:
1- اذا بتزوج لازم افتح لي حساب في بنك الكويت المركزي
2- الزواج يبيله مكينة سحب آلي ما توقف
3- في ناس تغرف من بحر بالتالي ما يهمها المهر اللي تدفعه
4- الزواج اللي يدفع فيه الريال مهر عالي فاشل من البداية
5- الزواج يبيله مخباة طويلة بس مع الاسف مخباتي مقضوضة
هذي نماذج من الاجابات 000 برايج هل ضروري ان المهر يكون عالي ؟
هل ضروري ان الاثاث و الفرش يكون غالي
هل ضروري ان الزوج وزوجته يبدؤون حياتهم بالقروض و الاقساط حتى يعيشنو بالشكل و الطريقة اللي يبونها
برايكم ليش الاهل يحطون مهور مرتفعه
وهل تايدون هذي الظاهرة ؟
وشنو الشيئ الافضل من وجهة نظركم في موضوع الزواج
اليوم نعاني من مشكلة اسمها التضخم في الاسعار في كل شي
حتى الزواج اليوم صار مكلف
اغلب قصص الزواج الي تمر علي اشوف فيها المهر وطلبات الزواج اشوف انها تكسر الظهر
المهور صارت من 10,000 دينار وفوق
غير الاثاث ونوعيته ونوعية الفرش
اليوم صار عندنا الزواج مشكلة المشاكل
المهور وايد ارتفعت
بالمقابل زادت المشاكل
لدرجة مرة وجهت اسإله لمجموعة من الشباب عن ظاهرة ارتفاع المهور و الزواج وكانت الاجابة:
1- اذا بتزوج لازم افتح لي حساب في بنك الكويت المركزي
2- الزواج يبيله مكينة سحب آلي ما توقف
3- في ناس تغرف من بحر بالتالي ما يهمها المهر اللي تدفعه
4- الزواج اللي يدفع فيه الريال مهر عالي فاشل من البداية
5- الزواج يبيله مخباة طويلة بس مع الاسف مخباتي مقضوضة
هذي نماذج من الاجابات 000 برايج هل ضروري ان المهر يكون عالي ؟
هل ضروري ان الاثاث و الفرش يكون غالي
هل ضروري ان الزوج وزوجته يبدؤون حياتهم بالقروض و الاقساط حتى يعيشنو بالشكل و الطريقة اللي يبونها
برايكم ليش الاهل يحطون مهور مرتفعه
وهل تايدون هذي الظاهرة ؟
وشنو الشيئ الافضل من وجهة نظركم في موضوع الزواج
الله يعطيج ألف عااافيه حبيبتي على طرحج الرائع لموضوع مهم واااايد
بالنسبه لي فأنا اقول كل ما كان المهر معقول كل ما كان الزواج فيه خير وبركه
والريايل هذولا في الاول وفي الاخير هذولا اخوانا وعمامنا وخوالنا يعني منا وفينا
فلازم نتعاون ونشيل عنهم هالهم ونساعدهم عشان ربنا يطرح البركه بالزواج
يعني لو البنت تفكر عدل بلاها مظاهر بداية الزواج
وتكون نفسها اهيا وريلها ويعيشوا في سبات ونبات
ويخلفوا صبيان وبنات
وليش المهور تعدت ال 10,000 دينار
شي يحير
o e5oooy tawa mtzaweg gbl shahar 6labaw 10000 o e7na no3na ma nraded o ntkalam belmahar o 3a6eeenaha 10000 o 9eg testahal bs wayed
al7en aqal shy ta5tha elbent 7000 hatha elle gam ala76’a
لبس عروس 2018 وشبكه 3000 الماس وفندق 5000 وفوق والمهر 8000 والتوزيعات والبوفييييييه والشقه وسياره
وبعدين طيحوا القروض ؟ شلي حادكم؟؟كل واحد يعيش على مستواه
شيبدون عليه جذي يضربون عن الزواج بس الله كريم ان شاء الله
لا تفسفسين وايد وحطيهم وديعه
طلعت من الموضوع ها
انا ماتشرطت على المهر وماكان عندي فكره جم يعطوني
وماكان عندي مانع حتى لو يعطيني 3 واللا 4
الاهم العلاقه شلونها
شلفايده مهر عالي وعيشه تقصر العمر!
ثانكيو مستثمره بورصيه
ودنا نشوف راي البنات اللي يطلعبون مهور عاليه…
اعرف وحدة مهرها 15 الف وشبكة الماس ودبلة
قعد معها شهرين وطلقلها وكانت حامل الله يعينها
والمهم انة الوحده تشتري الريال مو ادور المهر
عشان الام والبنت يتفلسفون جدام الاهل والرفيجات وعطوني ويابولي وسوولي
انا للحين مو متزوجه لكن لو بتزوج وريلي بنفسه يبي عرس بنفدق ماراح ارضى
ولو الله مرزقه ومنعم عليه
تدورن ليش؟
لانه ماراح ادفع 4000 حق فندق
و2000 حق نفنوف غير الكوشه والبلاوي
عشان الناس اتيي ترقص استئثم فيهم ويحشون في بعض والذنوب على راسي
وهم انا ادفع وايون ويعيبون علي : شعرها مكياجها تسريحتها نفنوفها جسمها اهلها مو سنع اهله هيلق رفيجاتها جريئات
لانه البني ادم ماتملي عينه غير التراب وانا اكرهه شي بحياتي التطنز والحش وهالشي موجود بكل العروس
فشحقه يعني من الاساس ؟
الفرحه والنفنوف الابيض اعزم اهلي واهله ورفيجاتي وحفله محفوفه بدون اغاني
ومن ناحيه المهر الرسول صلى الله عليه وسلم يقول خير البنات قلائل المهور
كا خواتي وحده 4000 والثانيه 5000 والحمدلله (( ولسوف يعطيك ربك فترضى)) رياييلهم عوضوهم عن المهر مليون مره
انا لو عندي ولد ماراح اعطي مهر حق البنت اكثر من 6000 تبي تبي ماتبي ماتشوف شر خل تنطر معرس ثاني
لووووووول ادري حدي قرقه بس الشي الي صاير يبط الجبد
ابي عرس فندق
ابي دبله الماس كبيييره
ابي شبكه الماس وفيها احجاز
ابي نفنوف تصميم
ابي اثاث امريكي
ابي تصبغ الشقه بعد مره
ابي خدامه ( بسم الله توج متزوجه شالعفن الي عايشه فيه ؟؟)
وبعد العرس ابي استقبال
حملت ( ابي اولد بالملكي وله رويال حياه
مادري عاد حامل بقنصل وله سفير ؟ وله وزير ؟؟
الله يهدي كل البنات
والقناعه كنز لا يفنى
خواتي تزوجوا هالسنه على 10 والله ما يزاهم يعني غرام الذهب تقريبا ب 10 دنانير
راحت مهورهم على الشبكه و الذهب و صاروا يجهزون من معاشاتهم
يعني و الله مو فسق تعالو شوفو الناس الي تبيع و تعرض على جم ؟؟؟؟؟ زادوا الاسعار
انجبروا البنات شنو يسوون ؟