النظااااام الموحد وما أدراك ما النظام الموحد ؟

السـلام عليكم ورحمة الله وبركاته

كويتيات يا حبيباتي .. انا عندي مشكلة أو بالاصح اختي عندها مشكله

إختي بالـ11 طبعا النظام الموحد الله لا يبلينا

مو مفهوم انا سألت إختي جم معدلها ؟
قالت ما أدري اللي اعرفه نسبتي بالكورس بس معدلي جم ما ادري ؟
قلت لها زين شلون نحسب المعدل ؟ قالت ما ادري
قلت لها سألي رفيجاتج قالت المدرسه كلها ما تدري
قلت لها زين من جم المعدل ؟ قالت كالعاده مآ ادري

وكل ما سألت قـــالت
" مــــــــــــــــا ادري " زين منو اللي يدري قالت بروح إن شاء الله اسال ناظرتي لما اداوم

قلت لها زين انتي تداومين على عماج المعدل مرتفع مو مرتفع بلعنه ؟
قالت : بيني وبينج احسن لي لان هالنظام لو تدرسين دراسة الويل ما يبين بالامتحان ما تآخذين الامتياز والتسعين الا بالحسره
وصاجه مسكينه والله الدراسه مطلعه علينها حتى احنا مخصصين الويك إند بس لها ولطلعاتها من كثر ما اهي ايام الاسبوع تحبس عمرها والحمدلله اهي محصله التسعين بس طبعا مو نفس مستواها اللي طاف بس الحمدلله على كل حال
++++++++++++++++++++++++++++++++++++++++++++++++++ ++++++++++++++

حاليا احنا مو عارفين معدلها واهي ضايعه تعرف انه تراكمي وان لازم تشد حيلها وان لازم من الحين تجمع لهالمعدل بس من جم المعدل ؟ وجم معدله ما تدري ؟

فياليت أحد يوضح لي المسأله ؟ ومن جم المعدل ؟ وشلون احسب معدلها ؟
ترا حسبتنا للنسبه مثل المتوسط والنظام الأولي نحسب الموجوع ونضربه بـ100 ونقسمه جنه 1400
بس هذي نسبه الكورس الواحد

واللي اعرفه انه الكورس الاول من 50
والكورس الثاني من 100
والفصل الاول كله من 150 !!!
انا اعرف نسبتها بالكورس الاول والثاني النسبه الكليه ما ادري ؟ والمعدل ما ادري ؟ طبعا ولا اهي تدري ولا المدرسه بكبرها تدري ؟؟ والفضل يرجع للنظام الفاشل والمدرسه الفاشله والطالبات اللي نايمين على روحهم

فيا كويتيات مالي الا انتووووا ؟ ساعدوني ؟؟ وإن شاء الله لنا كلام مع المدرسه المحترمه لما يبدأ الدوام الرسمي
وتــرا هذا اللي فهمته من الخرابيط اللي قالتها وإن شاء الله كل شيء صح وفهمي أوكي
وشاكره لكم