النملة البيضة

السلام عليكم حبيباتي …

شخباركم مع الميزان ؟ ان شاء الله مو مأذيكم نفسي

عنواني النملة البيضة .. لأن هالاسم اللي الكل قاعد يناديني فيه من فترة طويلة ….

بنات تعبت من النحافة .. ماعندي مانع اني قصيرة في الطول .. عادي .. بس وزني وايد قليل ..

حاولت وايد اشياء بس مافي فايدة اتملل بسرعة .. وبعد لاحظت ان كلما ازيد كيلو..كيلوين .. ثلاث .. يصيدني اسهال الله

يعزكم او تسمم ويطير كله.. المهم ان ما استانس في هالكيلوين اكثر من اسبوعين ..

زواجي عقب شهرين ان شاء الله .. ووايد متضايقة من جسمي .. احس مافي حل !!!!!!!!! … حالة يأس !!

طولي 158 .. وزني …………………………. 38 .. ادري والله ..

الحمدلله ان من ناحية الصدر اوكي حق جسمي .. فيني صدر .. بس فخوذ وأرداف ماااااااااااااااافي ..

الجينز لما ابي البسه لازم البس بنطلون بيجامه تحته عشان يصير قدي .. مع الأسف الشديد .. كل مرة ابي البس جينز

اصيح وقلبي يعورني .. وحدة عمرها 23 سنة وجذي جسمها كأنها وحدة عمرها 15 …………

ادري المشكلة متكررة في المنتدى .. لكن قلبي معورني وابي افضفض .. وابي حل .. عندي شهرين .. مابي اروح

شهر العسل والبس بنطلون بيجاما تحت الجينز جدام ريلي والله بقط روحي من الدريشة !!!!!!!!!

شلون اوزع أكلي وشنو الفيتامينات اللي احتاجها .. ؟؟

مع العلم ان خطيبي ماقط قال لي شي او تحجج على جسمي بالعكس يفوشر فيني في وسط عايلتهم لأنهم كلهم متان ..

بس بعد اتضايق !! احس ماعندي ثقة في روحي !!! …

ياريت اللي تقدر تساعدني .. وياريت اللي جسمها زين او متينة ماتقولي ان شلي في المتن .. لأن صج هالجملة

تييبلي البؤس أكثر هههههههههههههههههههههه

الحين .. شنو الحل .. و من عندها نفس مشكلتي؟؟