الهي بحق هالشهر الفضيل تمسح على قلبي وتنحل مشكلتي

السلام عليكم كويتيات ,,لي شرف الانضمام لهذا الصرح العظيم
انا متابعه من الدرجه الاولى لهذا الموقع وتعجبني نصايحكم وطريقة حلكم للامور…

بنات انا متزوجه من 4 سنين عندي بنوته والثاني جاي بالطريييج

انا يوم اتزوج كنت توني داخله الجامعة وزوجي كان يشتغل بمنطقة ثانيه

المهم يابنات انا انشغلت عنه شوي بالفتره الاخيره تدرون تخرج وتعب يعني ماصرت متفرغه له مولييه وكنت دايما ببيت اهلي علشان بنتي يمسكونها اهلي انا علاقتي مع اهله قويه واحبهم حييل صايرين لي مثل الاهل ماعمري زعلتهم ولا سويت حركات الكنة لبيت زوجها انا انسانه ما احب المشاكل ودايما امس على جنبي ابي بس اعيش بسلام

زوجي حنون وطيب ويحبني موووت وكريم معااي والي ابيه يسويه

مب هني المشكله المشكله انه قبل كم يوم قال لي انه متزوج علي انا انصدمت وماصدقته وحلف لي انه حس بوحده ماحد فاضي له لا انا ولا اهله كل لاهي بطريجه وانه توهق خذا البنيه والحين مو عارف شلون يتصرف بنات يقول لي انها مريضه بالمرض الشين وماكل جسمها والحين بعيد الشر عنا وعنكم وصل للدماغ وهو يوم سمع قصتها حس بالرحمة عليها وهو كان يدور استقرار ماكان يبحث عن جمال ولا عن شي ثاني هو بس يبي يستقر نفسيا انا بيني وبينكم ماصدقته وحلف لي وقسم انها مريضه انا ماصدقت قال لي هذا رقم تلفونها كلمييها وتاكدي انا ما احب الا انتي ولا اعز الا انتي بس انا غلطت وتوهقت والي تبينه انا حاضر
قلت له تتركها قال ما اقدر اظلم البنت اخاف يصير فيها شي واكون السبب وربي يعاقبني انا تحسفت حتى والله ما رحت لها من تزوجتها الا مرتين او ثلاث هذاج تشوفيني على طول عندج وهي دايما تقول له زوجتك اولى بنات انا عقلي ملخبط وحالتي النفسيه زفت

قلت له ابي اشوفها ودني لعندها ووداني قال لي انتي بس تامرين انا بوديج لعندها وتفاهموا بس يابنت لاتظلمين انتي في بطنج جاهل
بنات انا شفتها وربي شقول لكم البنيه مو كريهه بس انا احلى منها بمليون مره واصغر منها بالعمر قلت لها شوفيني انا شنو فيني علشان يتزوج علي انتي شلون قبلتي بواحد متزوج وعنده عيال مافكرتي انه يوم من الايام يتركج ويخليج توليين ومن هالكلام انا قلت لها مابي اظلمج بس ياريت تنسحبين من حياتنا انا احبه وهو يحبني ولو اخيره بيني وبينج بيختارني هي تقول لي انا يمكن لي ايام او بالكثير سنه واترك الدنيا انا بس ابي احس بأنسان معاي كل الي حوالي تزوجو ومحد حولي قلت لها موذنبي تاخذين زوجي انا غيوره وما اتحمل ان تكون على راسي شريكه

بنات انا حايير ه مابي احد يدري لا اهلي ولا اهله يدرون مابيها تصير مشكله كبيره قاعده اجااهد بروحي ونفسيتي زفت وخفت على جنيني يصير فيه شي

ودي اكلم امه واقول لها يمكن تحلها معاي ماني قادره اتهنى لابأكل ولا بنووم واحس زوجي متوهق ويقول لي لو تطلب مني اتركها بتركها بس هي متمسكه فييه بنات شالحل شسسووي؟؟