الى جميع الحوامل

بس بجامات الي كامله جنها بلسوت و كبابيس و دسوس و كنابل خفيفة و حلوة و جيسه البيبي بس حطي وايد هدوم لليوم الواحد 5 بجامات عالاقل

الباجي عالمستشفى من صابون و حفاظات و حليب لا تاخذين معاج

بس هم بيبي جونسون لا يزال زين

بالنسبة للمستشفى
حطي طقم كامل: فنيلة داخلية – بجاما – مهاد – كبوس
في كيس نايلون مال الفريزر وسوي مجموعة أكياس للهمدوم يعني كل كيس فيه طقم
يبيلج أقل شي 7 أكياس من هالهدوم كل مرة أتييج السستر تعطينها الكيس وفيه كل شي يحتاجه من هدوم على شان ما تتدودهين وحتى لما تكونين بالحمام أو تعبانة تعلمين السستر وين مكان الكياس وأهي تاخذ كل ما أحتاجت
وطبعا أخذي كفر صغير للبيبي وكيس للبيبي حق الطلعة من المستشفى

بس خلي بالج للطوارئ آنا ما توقعت أطول بالمستشفى بس البيبي خلوه بالحاضنة جم يوم على شان جذيه هدومه ما كفت وأضريت أدز البيت يغسلون ويرجعونهم لي بالمستشفى بس إن شاء الله مو فالج

جناط المستشفى:

جنطة الام :

1- قميص نوم مريح و يكون ثقيل و فيه فتحه للرضاعة.
2- قمصان استقبال+ شيلة حلوة حق الضيوف.
3- بجامات قطن
4- اغراض الحمام( فوط- شامبو- مشط – شاور جل – فرشاة اسنان و معجون – مزيل العرق – عطر )
5- فوط صحية
6- ستيان للرضاعة- مناديل قطنية للصدر
7- نعال عادية – نعال الاستقبال
8- ملابس داخلية + بنطلونات داخلية
9- كفر الولادة
10- كتيب اذكار و دعاء ( قبل و بعد الولادة)
11- ارقام الورد و الحلو و التوزيعات و العصير و الخدمه و البالونات الي بره علشان يدقون عليهم لما اولد
12- تاج + شباصات
13- كاميرا

14- عبايه حق طلعه المستشفى
15- مطاطير و الاستكانات و الفناجين
15- بخور

جنطة شيوخة:
1-ملابس داخلية + ملابس للمستشفى ( قبعات و قفازات)
2-بجامات
3-مهادات = مهاد للتصوير
4-حفاضات و مفرش
5-مناشف و فوط للزواع
6-فوطة و اغراض الاستحمام