الى كل وحده شكل جسمها التفاحه تدخل بسسرعه

سلام بنات
انا اول مره اكتب موضوع بهالقسم
شلونكم ؟!
انا حابه اسدحلكم تجربتي مع شكل جسمي التفاحه اللي متعبني حيل واعتقد كلكم تعرفونه اللي اهو اكتاف عريض وصدر صغير ومؤخره مسطحه ودهون متمركزه في منطقه البطن يعني مافي انوثه كلش

كبت
ولاتقولون تحملين ويتغير حملت ويبت وحملت ويبت وحملت ويبت ومايتغير حتى اتفشل من لبس البجامه والبنطلون لدرجه اني قمت ما البسهم
وكل يوم احوس بالمنتديات اقرا وما اطبق وكله حايشني احباط
ومن كل النتايج اللي طلعت فيها من كل المنتديات عزمت اخييرا اني اسنع جسمي اللي مافي ولا مطبه ترد الروح :$ lool
ادري وايد قرقت المهم بديت بعمليه الشد والمط من ثلاث اسابيع وما اقولكم النتيجه روعه بس في تحسن ملحووووظ
يشجعني اني اكمل

واقدم لاحلى كويتيات جدولي اليومي :
1-غيرت نمط اكلي الى بروتينات يعني بيض ولحوم وحليب وخبز اسمر لأغذي عضلات المؤخره وتكبر
2-العب تمارين بنت عذاري يوم وترك
3-اشرب كل يوم 3 كاسات اعشاب تزيد الهرمون الانثوي (ينسون -شمر-مرميه ) كل عشبه تشربينها بروحها يعني ماتخلطينهم
4-غيرت طريقه جلستي افرد الظهر وارز المؤخره لي وره يعني افرشها
5-استخدم كل يوم كريم نيفيا لشد البشره على جميع مناطق الجسم ماعدا المؤخره ادلكها كل يوم عشر دقايق بزيت جنين القمح مع شويه بيبي اويل والتدليك ضرووووري ويومي !! ولا ماتشوفون نتيجه
6-اشرب كميات وافره من الماي بين الوجبات وما اشربه مع الوجبه ابدا
7-اشرب كل يوم على الريج كوب حليب دافي مع ملعقه ماش مطحون
8-وكل يوووم كوب حليب موز العصر وهالله هالله بالكاكاو والشبس وبسس
والله ببنات لا احد يحبطكم ويقول انه جسم التفاحه ما يتعدل انا شفت النتايج من الحين وبستمر انشاء الله لي اخر عطله الصيف

يلاا بنات تشجعو لجسم مقسم :$
اخييرا خلصت انطر ردودكم الحلوه