بسم الله الرحمان الرحيمو الصلاة و السلام على أشرف المرسليننبينا محمد صلى الله عليه وسلم
السلام عليكم …
مرحبا بنات
بناات من عندها الياف بصدرها تقولي بضبط قصتها لاني خاايفه
ولي سوو عمليه للأزالة الورم اليفي يقولون لي بضبط شصاار معهم حسوو بألم بعد العمليه ؟ رجع لهم روم ثاني ؟ شلون شكل صدرهم بعد العمليه ؟ وهل تعالجو بحبوب او اي شي ورااح الورم
ابي اعرف كل شي عن الالياف
السلام عليكم …
مرحبا بنات
بناات من عندها الياف بصدرها تقولي بضبط قصتها لاني خاايفه
ولي سوو عمليه للأزالة الورم اليفي يقولون لي بضبط شصاار معهم حسوو بألم بعد العمليه ؟ رجع لهم روم ثاني ؟ شلون شكل صدرهم بعد العمليه ؟ وهل تعالجو بحبوب او اي شي ورااح الورم
ابي اعرف كل شي عن الالياف
الله يشفيج انشالله
وماتشوفين شر ان شاالله
انا وحده اعاني من هالمشكله الياف في الصدر على شكل كتل واحس بألم وانتفاخ بين فتره وفتره
راجعت دكتورة المانيه شاطره بالسعودية وخذوا مني عينه واشعه والحمدلله قالوا لي مجرد تليفات حميده وما تضر وممكن تعيشين حياتج الطبيعيه بس لازم كل 6 شهور تفحصين عشان تتأكدين ان الحجم ما زاد ،،،،، قلت للدكتوره واذا زاد الحجم هل من خطورة ؟ قالت لي لا لكن راح تتضايقين من الكتله وراح اتسبب لج الم وعدم ارتياح فمن الافضل في هالحاله انشيلها بعملية والعمليه جدا بسيطه اعرف رفيجتي سوا لها العمليه والحمدلله عايشه حياتها من احسن ما يكون ولا في تغيير في صدرها ولا شي
لا تحاتين اختي وايد بنات فيهم هالتليفات وهذا كله من الهرمونات شي طبيعي وعاااااااادي لا تخافين وتوكلي على الله وسوي العمليه وكل 6 شهور فحصي عموما حتى البنات الي مافيهم تليفات لازم يفحصون للتأكد لا اكثر.
واتمنى لكم دوام الصحه والعافيه
والله ما اطلع من جزاكم كفايه دعواتكم لي
هلا البحريين الله يوفقش ويسر امورش ويجعلش في كل خطوه سلامه مااني عارفه شلون اشكرش مدري ودي اضمش
ومشكوورين بنااات
بالصدفه سبحان الله كنت شايفه برنامج شلون تفحصين صدرج وقلت بجرب جذي و ولا في بالي شي وجان أحس بصدري اليسار لما أضغط مثل كره صغيرونه تتحرك تحت أصابعي حتى في دكاتره يسمون هالنوع الفاره… ورحت الطبيب فحصها وسوالي سونار وقال لازم تراجعين دكتور جراحه و رحت أيامها حق د. عبداللطيف الداوود كانت عيادته بالبدع ورحتله الثلاثا (والله أبد ما أنسى) لأنه لما شاف السونار وفحص قالي ناخذ عينه بس انا خفت قوليلي أي شي ولا الإبره فقلتله مااااااابييييييييي انت مو بكل الحالات لازم تشيلها فعقب العمليه ودوها المختبر حلولها فقالي خلاص أوكي باجر عمليتج!!!!!!! انا طبعا شنوووووو دكتوووووور بااااااااجر انت من صجك لااااااا ماااابييييي انا مو مستعده نفسيا انا يايه كشف تقولي عمليه باجر!!!!
فقالي بالعكس سويها وافتكي عشان لاتظلين تفكرين وايد وترى هذي ما تعتبر عمليه هذي شي بسييييييط جراحة الضرس أصعب! وفعلا توكلت على الله ورحت المستشفى قبلها بساعتين (الهادي) والتخدير كان كمام مارضيت يركبونلي إبرة الدرب إلا عقب ما أتخدر (رعب من الأبر انا) ونمت صحيت عقبها بنص ساعه مادري ساعه إلا ربع إلا انا خلصت ربع ساعه بالإفاقه وصعدت غرفتي والدكتور ياني تحمدلي بالسلامه وراواني الألياف اللي شالها حاطلي إياها بعلبه جنها كره عنونه كبر بيضة الحمامه و ودوها حللوها وعقب مثل ماقال طلعت ورم حميد (ألياف) وبس والخياط حده نتفه وسوالي إياه تجميلي اللي الغرز ماتبين الحين عقب 3 سنين جنه أثر شمخه فاتحه… ولاتحاتين الألم ترى كلشششششششش ماكو عوار بالمره وعن تجربه ماراح تحسين بعوار كلش انا كان كاتبلي بندول بس الحمدلله ماحتجته و ربي شاهد اني مو قاعده أبالغ…
فحبيبتي لاتخافين ولاتحاتين شي وتوكلي على الله وشيليها ترى سهااااااااااااله والله حشوة الضرس تضايق أكثر… حتى العمليه تطلعين بنفس اليوم ما تحتاجين تنامين…
وماتشوفين شر يا قلبي وطمنينا عليج
بس أختي كان عندها ورم الليفي بصدرها شالوه بعملية مدتها 4ساعات وحطو لها مسكنات وتغيير ضماد بعد العمليه وسكر الجرح ولا تشيل شئ ثقيل وقال لها لاتعصبين عشان الورمة لا تطلع مرة ثانية والحمدالله والحين لها 5سنوات ما تعاني من شئ