الي بيسافر ويشوف *** الهند؟

يعطيج العافيه ام خالدانشالله بسافر الهند وابي معلومات عن بومبي وكيرلا ضروري كل اللي تعرفينه من سياحه وسوق اهم شي السوق

حلمي الذهبي الهند

عليج بالعافيه

الاخت مالديف ما زرت بومبي بس مريتها ترانزيت من دلهي وانا رايحة كاليكوت بس سمعت انها وصخة ومونظيفة ومنطقة تجارية مع العلم بان الكل كان يقول لي ان الهند وصخة بس الأماكن الي رحت لها روعة وماشفت الوصخ الا اذا طق المطر لأن تربتهم طينية وحمرا بس الأكل عجيب اذا رحتي كيرلا سوي عندهم المساج عجيب بس حسب انتي راح تروحين لأي منطقة وعندي مكتب سفريات اهو دايما ينظم لنا الرحلات وشاطر للهند وحجوزاته مضبوطة راح اشوف رقم المكتب واحطة لكم بس اعتقد ان اسم المكتب سفريات هوليدي ان خل الشيراتون فوق الخطوط العمانية واسمه Mr .Vivik

الاخت أم عفاف الهند حلوة لها جوها الخاص فيها طبيعة خلابة ومناظر طبيعية روعة مثل كيرلا وفيها الحضارة وتعيشين في هالجو إذا شفتي تاج محل وقصور جيبور وفيها الأكل اللذيذ وفيها كرم الضيافة الشعب يخدمج ويحترم الضيف وفيها الفلوكلور والرقص الشعبي وفيها تشوفين الطبيعة بألون زاهية بصراحة آخر سفرة لها كانوا بناتي صغار استمتعوا جدا بالسفرة مع إن ما كان فيها تسوق ولا العاب احلى شي فيها انج تحسين انج بعيد عن الضوضاء والكمبيوتر والأجهزة أحلى شي لمن تمرين على قرية بالسيارة تشوفين السهول والأراضي الخصبة وتشوفين البقرة مع راعيتها بالحقل ولا لمن تكونين في البوت وتتمشين في القنال تمرين على كوخ صغير مبني على أرض صغيرة بالقنال وداير مدارة الماي وورد اللوتس الأحمر العجيب ودج تنقزين عل أوراق الشجر مثل الرسوم المتحركة ولا تسوي لج شاي عجييييييييييييييييب تاخذينه منها واهي تبتسم لج تقولين الللللله ياحلو الروآااان الي عايشة فيه ومرة بسفرة من السفرات كنا طالعين من ميسور ورايحين بنقلور بالسيارة طق لمطر وعقب طلع قوس قزح وانتشروا الحريم على مصاطب الجبل يزرعون ولابسين الملابس بالألوان الزاهية الأخضر والأصفر والأخضر كان المنظر لوحة فنية رائعة بس بصراحة لازم تسكنين بأوتيلات نظيفة وكشخة خصوصا الهريتيج الي كانت اساسا سرايا مهراجا الليلة صج مكلفة بس روووووووووووووعة بصراحة كنت اقول ليتنا عايشين مثلهم بين أحضان الطبيعة بصراحة سفرة تستحق التكلفة والعنوة لدرجة ان ودي ارجع أكمل المناطق الثانية مثل شيملا بالشمال وأوديبور وكالكتا بس زوجي موراضي ودة بأوروبا تدرين شنو الحلو فيها ان ما فيها عرب ولا ازعاج حتى لي نزلتي أبأي اوتيل طبي بحمام السباحة بمايوه النصر للمتحجبات وسبحي انتى وعيالج ومحد يدري عنج لا خصوصافي جيبور كنت اسبح والطوواويس تتمشى داير مدار السويمنق بووووووووووووووووووول الللللللللللللللللللللللللللللللللللللللللللللللله