بسم الله الرحمان الرحيمو الصلاة و السلام على أشرف المرسليننبينا محمد صلى الله عليه وسلم
سلام بنااات
انا اول سنه مسائي بس ياليت تقولون لي
شنو الاغراض الي اشتريها
يعني جم دفتر ؟ و ابو جم ورقه و هالسوالف يعني عفيه لا تبخلوون علي
و في واجبات و اختبارات اسبوعيه و جذي او لا ؟
بلييييييييز لا تطنشوون 
سلام بنااات
انا اول سنه مسائي بس ياليت تقولون لي
شنو الاغراض الي اشتريها
يعني جم دفتر ؟ و ابو جم ورقه و هالسوالف يعني عفيه لا تبخلوون علي
و في واجبات و اختبارات اسبوعيه و جذي او لا ؟
بلييييييييز لا تطنشوون
وان شاء الله البنات ايفيدونج
ترا المسائي احلى ما فيه انه مافي واجبات مثل الصباحي وعلى كيفج اتيبين الكشكول الي تبينه مالهم شغل فيج لان المسائي معاملة ثانية مو نفس الصباحي معاملة يهال .. على حسب المدرسة اذا تعطيكم امتحانات عشان تبيكم تدرسون بس مو اسبوعية كل اسبوووع يعني بين فترة وفترة ممكن تعطيكم امتحان قصير ..وانشالله سهالات وتقدرين تنحجين ابسهولة وتفتكين من الحر وقعدة الصبح
موفقة حبوبة
اللي عرفته ان تجيبين الدفاتر اللي تبين عادي
مايجيكون الابلات
والامتحانات كل شهر
يعني سهل الواحد اييب فيه معدل؟
الي عندها فكرة خل ترد
اهوى عبارة عن الفترة الاول راح تمتحون الساعة 4 وربع في المسائي وبعدين نص السنة راح تمتحون في مدرسة ثانية بالصباحي وتكون الساعة 8 الصبح مع طالبات الصابحي وبعدين الكورس الثاني الفترة الثالثة تمتحون بالمدرسة المسائي بعد الساعة 4 وربع وبعدين الفترة الرابعة الي اهيا اخر السنة بعد تمتحون في مدرسة الصباحي الصبح مع اليهال <<< يا خزيتاه كبرنا ههههههههههههااايي
وترا انا عمري 19 توني كاملة حولت اخر سنة على المسائي عشان ايب نسبة والحمدالله يبت نسبة ودشيت الحين جامعة الكويت
وانشالله اجوفكم معاي بالجامعة
وترا عادي راح اتجوفون اشكال عجيبة غريبة بس انتو مالكم شغل فيهم ..وترا نفس الصباحي في فرصتين وترا ما يحبون الوحدة تستأذن وتطلع من المدرسة لان صار وايد مشاكل بنات يواعدون ومصخرة وجذي @@
موفقين خواتي
واي استفسار حاضرين