بسم الله الرحمان الرحيمو الصلاة و السلام على أشرف المرسليننبينا محمد صلى الله عليه وسلم
قووه
شلونكم شخباركم عساكم بخير؟
بنااات انا بسالكم جم سووال للي راحوو شاليهات الوطنيه..
جمعيتهم زينه فيهاا كل شي نبيه..سوالف دجاج ومدري شنوو حق الغداا وفيهااا كرووت تعبئه؟احب القرقه شسوي لوووووووووووووول
فيه هناك مطاعم سوالف سندوشيات وخفايف..؟
وبناات الي عندها صوور لشاليهات وجذي ختوريني اول مره اروح له واخاف مايعجبني..
اي صح ذكرت عندهم سوالف ديجي ومسابقااات نفس كمبنسكي؟
ومشكوورين قرقت عليكم
قووه
شلونكم شخباركم عساكم بخير؟
بنااات انا بسالكم جم سووال للي راحوو شاليهات الوطنيه..
جمعيتهم زينه فيهاا كل شي نبيه..سوالف دجاج ومدري شنوو حق الغداا وفيهااا كرووت تعبئه؟احب القرقه شسوي لوووووووووووووول
فيه هناك مطاعم سوالف سندوشيات وخفايف..؟
وبناات الي عندها صوور لشاليهات وجذي ختوريني اول مره اروح له واخاف مايعجبني..
اي صح ذكرت عندهم سوالف ديجي ومسابقااات نفس كمبنسكي؟
ومشكوورين قرقت عليكم
بدليه سندوشيات=سندويشات
بس صور للشاليهات ما عندي ..
وحلوووو لما يكون يمعه وتحجزون اكثر من شاليه
وفيه العاب بو فيشه بس شويه حق اليهال
وفي مسبح حريم
وغير الاحواض اللي تكون بوسط الشاليهات
وفيه غواري وراح تستانسون انشالله
شوفي في داخل الشالية مجمع صغير من دورين ومنقسم لقسمين القسم الاول فية مطعم خفايف وشيشة وغيرة وفوق ألعاب أطفال وشباب بس عاااادي ..والقسم الثاني من جمعية فيها طابقين فوق بعض الاول فيه جميع أغراض الماجلة (( دجاج . سمك . كباب . همبرغر ) شاي حليب سكر عيش ….الخ والطابق الثاني فية جميع أغراض المطبخ ..غوري شاي أو قهوة صحون جميع الاحجام وستكانات وملاعق حديد وبلاستيك علب شاي وقهوة …الخ كأنه سوق شعبي ….
وفي الشالية حمام نسائي مغلق وحمام سونا وصاله مصغره لألعاب الرياضية …وفي بعد تأجير غواري كبار وصغار بو ثلاث تواير أو أربع …من أربع سنوات حتي كبار …
الشاليهج له بابين …باب يطل علي الحديقة وباب يطل علي مسفط السيارة (( علي الشارع الداخلي داخل الشالية )) الشاليه يتكون من دور واحد الارضي يتكون من صاله وحمامه و مطبخ(( فية جميع أغراض المطبخ جولة ثلاجة ميكرويف صحون وفناجيل …الخ وغرفة الخدامة فيها سرير من دورين لخدامتين ..ومعها حمامها ….أما الدور الاول فيه صاله صغيرة فيها غنفه تنقلب وتصير سرير … وفيها بلكونه شرحه وثلاث غرف وحدة منها ماستر داخلها حمامها وبلكونه كبر الثانية وحمام لباقي الغرف …
بس الشي اللي مافي الشالية غساله للملابس ….. يعني أخذي أحتياطج جيبيلج غساله صغير(( بيبي ))ومشراق ..وكل يوم صبح يطق الباب هندي ويستأذنكم ينظف الحمام والمطبخ مع وضع الغيارات من كلينكس جديد وأكياس زباله وأنت بكرامة ..ويعطيكم جريدة الصبح (( الوطن أو الراي أو أي جريدة موجودة عندهم )) وأنتم لكم الحرية تدخلونه ينظف أو لا …طبعاً أحنا رفضنا ندخلة بس خلانا نوقع علي عدم السماح له بالتنظيف علشان يبري نفسة من المسؤلية …وفي نهاية الاسبوع كان يحطون في الحديقة شاشة كبيييييييييييييييرة حييييييييييييييل كأنها سينما ((طبعا أهي موشاشة بس قماش ومسلط علية جهاز مادري شسمة اللي يعكس لج الافلام علي القماش …من الساعة 8 بالليل يحطون أي فلم من دزني للاطفال وبعد الساعة 9ونص بالليل يحطون فليم أجنبي حق الكبار (( يعني سهرة )) …
وبس ……… صج نسيت أقولج تر جمعية الشالية غاليييييييييييييييييييييييية (( وتر جمعية الشالية مو بس تخدم الشالية لا ترا تخدم الشاليها الخاصة القريبة من شالية الوطنية فديري بالج علي عيالج لايروحون بدون الخدم أو عن عينج
ونست شغلة …..الشالية فيه حمام سباحة للكبار وصغار هذا غيييييييييييييييير البحر القريب منج ولكل شالية سعرة يعني اللي بغيد شوي عن البحر ب150 دينار لثلاث أيام والقريب ب170 دينار وهذي أسعارهم في السنه اللي طافة بالصيف فماأدري عنها جم الحين …
ام يووسف ماتقصرين والله
**الحسنااء**مشكووره بعد قلبي والله يوفقج وشرحج شووقني وكفيتي ووفيتي يابعد قلبي انتي
اهم شي تقولين ديربالج على عيالج>>توني صغيره لوول بالثانوي<<ان شاء الله لوووول
والله ماأدري اذا في واير لس أو لا ….. بس أخذي الجهاز وياج يمكن يشبك …
بس ترى صج احلى وانظف بحر شفته في الوطنيه
ايييييييننننننن وخاصتا الفير لون البحر مو طبيعي اززززررررررررق نظييييييييييف
وعليكم بالعافيه