بسم الله الرحمان الرحيمو الصلاة و السلام على أشرف المرسليننبينا محمد صلى الله عليه وسلم
بسم الله الرحمن الرحيم
انا داخله على الله ثم عليكم ابي مساعده منكم وانا كلي ثقه انكم تقدرون اتساعدوني
انا مشكلتي بالضبط بالضبط نفس مشكلت الاخت الي كان وزنها 150 ونزلت الله يبارك لها بصحتها وعافيتها
بس انا ما نزلت والحين استسلمت وابي اسوي عمليه تحويل مسار زوجي مسافر وبيرجع اول شهر 2 وابي لما يرجع يشوف اختلاف ولو بسيط ساعدوني الله يخليكم نصحوني اروح عند اي دكتور الي تعرف احد مسويها تقولي ابي اتكلم معاه ابي اعرف تفاصيل عندي اسئله خلاص راح انجن زوجي قالي ابي ارجع من السفر ابي اشيلج بالمطار وانا بس 
ماكو شغل ماني قادره اصك حلجي وزني 148 ماني قادره اشيل ولدي شلته مره ظهري تيبس اسبوعين نايمه بالفراش راح اموت يعني تخيلو عمري 23 وماني قادره العب مع ولدي ولا اشيله حتى الله يخليكم ساعدوني انا يخلال اسبوعين لازم باذن الله اكون سويت العمليه ساعدوني .gif "Eh S(11)")
بسم الله الرحمن الرحيم
انا داخله على الله ثم عليكم ابي مساعده منكم وانا كلي ثقه انكم تقدرون اتساعدوني
انا مشكلتي بالضبط بالضبط نفس مشكلت الاخت الي كان وزنها 150 ونزلت الله يبارك لها بصحتها وعافيتها
بس انا ما نزلت والحين استسلمت وابي اسوي عمليه تحويل مسار زوجي مسافر وبيرجع اول شهر 2 وابي لما يرجع يشوف اختلاف ولو بسيط ساعدوني الله يخليكم نصحوني اروح عند اي دكتور الي تعرف احد مسويها تقولي ابي اتكلم معاه ابي اعرف تفاصيل عندي اسئله خلاص راح انجن زوجي قالي ابي ارجع من السفر ابي اشيلج بالمطار وانا بس
ماكو شغل ماني قادره اصك حلجي وزني 148 ماني قادره اشيل ولدي شلته مره ظهري تيبس اسبوعين نايمه بالفراش راح اموت يعني تخيلو عمري 23 وماني قادره العب مع ولدي ولا اشيله حتى الله يخليكم ساعدوني انا يخلال اسبوعين لازم باذن الله اكون سويت العمليه ساعدوني
وعندج خورشيد وخالد الشرف وعندج محمد العجمي الي بالعسكري تمام بعد بس طواله يتراوال ليش بلاش
والله يعينج ويسهلج يارب
تسلمين يالغاليه ومشكووووووووره
بس ممكن اذيج معاي شوي
بس لو تسالين ارفيجتج
1- سوتها بأي مستشفى؟
2- وجم كلفتها كل السالفه من تحاليل ومستشفى ودكتور ؟
3- ووين عيادت دكتور السميط؟.gif "Eh S(8)")
واسفه اذا ثقلت عليج
ساعدوني
لكن كنت باسويها…وتحدد لي موعد..لكني استخرت وهونت
شوفي ياقلبي
الدكاترة عندج دكتور سلطان التمياط بالخبر…ممتاااااااز
ويتروالي اهو اشهر دكتوووور بهالمجال…تقدرين تروحين 5 ايام وتردين الكويت
وتكلفتها يمكن 2500 دينار
جربي دشي قوقل..وحطي اسم سلطان التمياط…وشوفي منتداه
اغلب الاعضاء متحورين هناك
لو كنتي تبين داخل الكويت
روحي لباسل السميط…
ترى هذا الدكتور الوحيد اللي متمرس ودارس التحوير عدل
ويحضر مؤتمرات …ومتابع
معلوماتي هذي من الدكتور سلطان بنفسه
والتحوير..ترى عملية مو سهله..لاتستهينين فيهااااااااا
مو مثل الحلقة وغيرهااااااا
اما بالنسبة للمستشفى العسكري…فانا زوجي ضابط ورتبته كبيرة…يقولي مالج امل تسوين تحوير بالعسكري..الحلقة اوكي لكن التحوير لااااااا ثم لااااااااااااا
لانه جايب المعلومات من ناااس يشتغلون بالمستشفى
المختصر لاتفكرين تروحين له
ممكن فيه ناس نجحت عملياتهم هناك…لكن في حالاات وفيات عندهم موهينه…الله يحفظنا واياكم
هذا اللي اعرفه
وللعلم انا هونت لانه وزني اقل من ال 100
وحاليا افكر احمل..وناوية بمشيئة الله..لو حملت وخلصت..اسويها وارتاااح من هم الريجيمااات
بس باخليها لبعد الحمل…لانه عقب العملية لااازم تنقص الفيتامينات..
المعلومات هذي كلها بتلاقينها بمنتدى الدكتور سلطان
لو بغيتي اي معلووومه انا ممكن افيدج…
لاني قاريه عن العملية..وحاطتها في بالي…بس حاليا مأجلتها
والله يقدم لنا اللي فيه الخير
تدرين عيل انا بتوكل على الله وبروح باجر باذن الله حق دكتور باسل وانا من امس
اصلا امي تشتغل بمستشفى مبارك مع الدكتور باسل وتقول اعرفه عدل ومدحته لي بعد الاخت فراوله
ولما قتلها عن الدكتور شرف ما مدحته لي ونفس كلامج ام فيصل ما مدحتلي دكاترت العسكري بس قالتلي نطري يوم الاحد بداوم واكلمه لج يعني امي تبي اتضبطني
بس انا مافيني صبر ودي انام واقوم و انا مخلصه من هالسالفه اليوم بالدوام قالولي انه لازم اظل طول العمر بعد العمليه اكل حبوب بغيت اسالج شلون على الحمال يعني اقدر احمل وانا جذي او عقب اشكثر اقدر احمل
بس ادعولي الله يعديها على خير علشان ولدي وريلي الي تحملني
شوفي ياااقلبي
الفيتامينات…ايه تظلين تاخذينهم طووول العمر
وانا قريت انه البعض ياخذ ابرة شهرياويرتاحون من الحبوووب اليومية
لانهم ينسووون ياخذونها
اما بالنسبة للحمال
الدكتور سلطان قالي الافضل انج تأجلين الحمل بعد العملية لمدة سنه على الاقل
وانا بالنسبة لي… مابقى بالعمر كثر ما مضى…يعني الحق احمل الحين..وبعدين اشوف عمري و اتحور
بمنتدى الدكتور سلطان فيه وحده حملت..واهي متحورة ما تمت 6 شهور
ووصاها بالفيتامينات..واكد عليهم
بالنسبة للسكر..والضغط..والم المفاصل…كله يروووح عقب العملية
وراح يكون نزوول الوزن سريع …لازم تلحقين على عمرج بالرياااضه عشان تشدين
وحطي في بالج…انه الشعر بيطيييح
من نقص الفيتامينات
ترى ديانا كرازون مسوية تحوير
و…ستار جونز…مذيعة برنامج ذا فيو …بعد مسوية تحوير
بس فيه شي مهم…لاااازم تقعدين مع الدكتووور ويفهمج العملية عدل..وطريقتها
لانه يتجاوزون المعدة..ويقصون جزء من الامعاء
وفيه اشياء ثانية لازم تعرفينها…مثل الدامبينغ وشلون تتعاملين معاه…و… بعض المتحورين ينزل عندهم السكر…و….
المهم لازم تقعدين مع دكتورج…وتستفسرين عن كلشي
طبعا العملية كبيرررة…ونتايجها اكبرررررر
والعمليه الله يسهلها
و خلاص انا باذن الله بروحله يوم الاحد وشوف شنو يصير معاي
والله كريم