الي ينطرون وظايف الديوان ادخلوا بليز

الله يعافيكم بنات
انا اليوم رحت الديوان اسئل عن ترتيبي قاعد ياخرونة كان 5/12 وامس صار 9/12 واليوم صار 12/14
سالت الموظفة في امل هالسنة يطلع اسمي قالتلي والله المشكلة ان في ناس تطلع اساميهم ويترشحون وبعدين يسوون رفض للوظيفة
هذولا هم الي ياخرون ترتيبكم
وبعدين الي ارقامهم قدامج مو مسويين رغبات ولا عندهم كتب ترشيح فإحتمال راح يصير تاخير
يابنات الي تعرف احد مسجل وتخصصة قطاع خاص سنة تقولة يسوي رغبات ولا يقدر يروح اي وزارة وياخذ كتاب ترشيح

وترى وزارة الاوقاف تسوي كتب ترشيح بسهالة بس قولولهم عندنا رغبة في العمل بالوزارة يعطون بس دربالكم هالوزارة على طلبات وايد تقريبا يوصل 88 طلب يعني يطولون
خليهم يمشون الدور لان والله ان في ناس عليها التزامات والله يعلم الي عنده مريض يصرف على علاجة وغيره وغيره..

وياليت كل وحده تكتب ترتيبها بالديوان وصارلها كم سنة تنطر او اي احد تعرفة وودي اعرف من قدامي ومن وراي