انابيب الاحسن عند دكتور ناهض والا باتريك بنات؟؟؟

هلافيج .. .. .. صراحه وايد يمدحون ناهض

والله انا جربت باتريك بس بتلقيح صناعي مو انابيب وحطم نفسيتي ، إنسان لا مبالي وجاف وابدا ما ارتحت له.

والدكتور ناهض جربته إنابيب ، بس الدكتور ناهض غير ، تحسينه فاهم وآدمي قبل كل شي ، وصريح حد الصراحة ، مستحيلة يطلب منج شغله او يكلفج تحاليل انتي مو محتاجتها اذا فعلا مو ضرورية ، و حيل يتساهل مع المرضى مالوته ، وستافه من أروع ما يكون ، وماشاء الله نسبة نجاح عملياته كبيرة.

طبعا هذي تجربة شخصية ورأيي فقط والله يوفقج.

حبيبتي انا انصحج بدكتور فاطمي (الفريق البلجيكي ) اللي برويال حياة

والله يرزقج يارب و يفرح قلبج بالحمل السليم المعافى يارب

انا ماجربت ولا واحد فيهم بس رفيجة اختي سوت عند باترك مرتين وحملت بس مادري اسمع من البنات ان نفسيه؟؟

اختي انا ماجربت ناهض لكن جربت باتريك فعلا باتريك نفسية بس للامانة اغلب اللي سوو عنده حملو حتى وانا اراجع عنده بالعيادة اصادف مراجعات حوامل من عنده مع اني محاولتين عنده بس فشلو

وبصراحة انا ما اقولج سمعت عنه قبل لا اختاره لا والله انا شفت بنات اعرفهم كلهم عنده ورزقهم ربي

بالنسبة لي بكمل مشواري عند باتريك

انا صراحه انصحج اباتريك شاطر ودقيق ومواعيده مضبوطه وماعنده لف ودوران من البدايه يعطيج نسبة النجاح هو صح غالي بس عشان الضنا نقط فلوسنا كلها ,, وانا راجعت عند باتريك من شهرين والحين انا حامل ادعولي الله يثبته انشالله ووحده اعرفها سوت عنده ويابت توأم توها وبالنهايه حبيبتي الدكتور ماهو الا وسيله لكن الارزاق من الله .. والله يوفقج ويرزقج انشالله