انا والليل والعبره وجرحاً وخاطر مكسور !

اتمني ان تحوز على وافر رضائكم وذائقتكم :::

انا والليل والعبره وجرحاً وخاطر مكسور
ونفساً من هجير البعد والحرمان مقهوره

وقلباً ظامي لشوفه ولا يروي ظماه بحور…
وعيناً تحتري لحظة غياب الطيف وحضوره

وناراً تطفي مره ومره تشتعل وتثور…
واقول النار مقدوره وهي ما هي بمقدوره

حسبت الليل بغيابك يمرن اللي دهور….
وكني شايل في قلبي بيال الوقت وشهوره

تصبرت وتقدرت وبنيت من الخيال قصور…
الين ان الجفا شد الركايب وانتهى دوره

تحريتك على درب القصايد من ثلاث شهور..
وحشى ما مات لك غصناً يشب الماي بجذوره

تخيرت الغرام وجيت لا راضي ولا مجبور….
وجيتي تسبقين خطاج مرضيه ومجبوره

وانا ما كان لي رغبه ابين واكشف المستور….
ولكن الغرام اكبر من الخفاق وشعوره

جمال ود وعيون ودلال وكبرياء شعور…
وفتنه تخذل عيون النهار وينطفي نوره

والج في خافقي صوره تلاشت بين ظي ونور…
واخاف اسكت من الفرحه وتنطق باسمج الصوره

عرفتج وانتهت رحلة قساوة دربي المهجور…
والا يا جملة ايام الجفا والصد مشكوره

خذتني للجفى عزه واخذني للعناد غرور…
واخاف اكون بعنادي حبيب ومات بغروره

واذا كانت مسافات الخيانه للغرام قبور…
وش اللي يجبر العاشق يخون ويحفر قبوره

وش اللي يجبر الشاعر يدور للشعر جمهور….
ما دام انتي محبينه وعشاقه وجمهوره