انا وزوجي وحظي الردي

السلام عليكم

بنات انا حييل متضايقه وبقولكم شصار بيني وبين زوجي امس بالتلفون وابي اعرف رايكم الي سويته صح ولا غلط لاني صج محتاره وتعبانه،

انا صار لي شهر وزياده عند اهلي ومو هذي المشكله مشكلتي ان زوجي احسه ناسيني بالمره يعني اانا الي اذكره

المهم

امس بطلت بريد ايميله الي انا اعرفه لان اهو عنده 2 واحد اعرف باس وورده والثاني لا

جان القى اضافات من الفيس بوك للعلم واغلبهم بنات انا هنيه ماتحملت

عصبت وانجنيييت لاني احبه واموت عليه واحسسسه مشغول بغيري
واتصلت عليييه

كلمته وانا مثل المجنونه اصررخ واول شي يكلمني برود ويضحك

انا: الى متى على هالحال على شنو تسوي كل هذا شالي ناقصك

زوجي : مو ناقصني شي معاج قلتها لج الف مره

انا : انزين ليش كل هالخرابيط ليش تسوي فيني جذي

زوجي : ماسويت شي انتي تخلقين هالاشياء من نفسج وتصدقينها

انا : انزين واضافات الفيس بوك من تفكيري بعد

زوجي : يضحك بستعباط وانا شعرفني اصلا ماعرف للفيس بوك عشان اسجل فيه

انا: لاتجنني انت مغير اسمك فيه ومسجل ولا شابه على ايميلك شايفني غبيه

زوجي: اصلا ايميلي هذا من زمان هامله واغلب ربعي يعرفون باس وورده غيري يسوي شي وانا ابتلششش؟؟؟

انا : قلت صج اجل خلاص دامك واثق عطني باس وورد ايميلك الثاني وابي برنت مكالماتك اذا صج واثق من نفسك وماعدك شي

زوجي: ماعرف باس وورده لاني من بعد زمان غيرته خرابيط وبرنت يصير خير < للعلم دايم اطلب هالبرنت ويقولي يصير خير ويطنش

انا: ليه تستغبيني ترا مو لهدرجه ترا طقت جبدي مليييييييييت

زوجي : شوفي انا مالي خلق تفكيييرج يصورلج اشياء وتبليني فيها ويلا تبين شي ماني فاضي

انا : طبعا منت فاضي عاجبتك حياتك جنك عزوبي وانا عند اهلي

زوجي : ترا غثيتيني عند اهلي وعند اهلي شتبين يعني تبين ورقتج دام مو عاجبج

انا : انصدمت وقلت اذا تبي ترسل ورقتي ماني رادتك ولاتظن بترجاك لاتطلقني لو اموت فيك

وقلت مع السلامه وسكرته

للعلم انا طايحه عليه من قبل
ابي تنصحوني شسوي؟ وصح الي سويته ولا لا؟