انتوا مع ان الريال يدافع عن مرته عن امه ولالا

أنا مع انه الريال يدافع عن زوجته بس باحترام و تفاهم مو نفس بعض الريايل اللي يصرخ و يسب ما جنه قاعد يكلم امه…….يمكن تكون امه غلطت بحق زوجته بس يقعد يكلمها بهدووء و في النهايه ما يطلع الا و اهي راضيه عنه لأنها جنته و ناره ……. و في شغله أنا ما أحب سوالف بعض المتزوجات اللي تروح حق ريلها شفت أمك شقالت لي لااا ولا اختك حاطه علي حطه …… انزين يعني اهو شكو ما تعرفين تحلين امورج بروحج …… هذولي اهله ما يصير تقسين قلبه عليهم انتي بعد جم سنه بتصيرين خاله و حماة و بتصير عندج جنه ومرة أخو ما راح ترضين انها تعاملج جذي……..

و مشكوره حبيبتي على الموضوع عجبني

طبعا لازم يوقف الغلطان عند حده بس باسلوب يعني مو معقوله بيدش على امه و بيقول لها بصريح العبارة لا تضايقين مرتي بصراحه اعتبرها قلت ادب .. يعني ممكن يقرب و يحبب مرته لأمه و يقول لها فلانه تحبج ودايم تذكرج بالخير وتبي رضاج

ونفس الشي للزوجه يعني يقرب امه لزوجته مثل انه يقول امي ذاك اليوم مدحتج و من هالكلام ومع الوقت راح يطخون عن بعض

يا حلو الرفق و اللين و ياكره الشده و العصبيه اللي ما من وراها الا الخساره
والله الهادي

انا اشوف اذا الخاله غلطت على الجنه او ضايقتها مافيها شي يكلم امه او يوضحلها بس بهدووووء

ويبين ان الحجي طالع منه مو من زوجته عشان الخاله لاتكره الجنه

مع .. بس بالتفاهم .. و من ورى زوجته بعد مو جدامها .. لان اذا صار هالحجي جدامها يمكن تقوى شوكتها (( البعض مو الكل ))

بالعكس لازم يدافع عنها .. مثل ما هاذي امه و له حق عليه .. هاذي بعد زوجته و لها حق عليه

يسلموووو ع الموضوع

لا وين عايشين يروح لامه ويقول احترمي زوجتي مابقى الا هي يعني الام بتذبح البنت

واساسا نظرت الام بتغر على ولدها وبتقول زوجته قالت
المفروض الزوج يقول لزوجته احترمي امي مو العكس

اممممم لا يدافع عنها الا إذا سوت شي جاااااااايد وطفل الكيل منها