انت اول جراثيم الهوى بعيني

يامسكيــن

آخر من يفسر لي الهوى انت

!.!تعرف الحب!.!
ياشيــــخ اسكــــت

وربي ماتعرف الحب وش معناه
ولاتدري وش الأشواق
ولا لك بالوله اصلا
ولا انظميت للعشاق

فقيــر انت
رصيدك بالمشاعر صفــر
ولك "صفرين" بالأحساس
و "ثلاث اصفار" في فن الغرام
وتقــول: إنســان..!

حشى وربــي جراثيم الهوى واجــد
وانت اول جراثيم الهــوى بعينــي
يخلطون الهــوى "عباس مع دباس"
عسى الله مايعاقبنا
وتاليها خرب بيت الهوى منكم
عسى ربي يحاسبكم

أحــس العشق "متلــوث"احســه يكتــم انفاســي
احــس إنـه جسد خالــي
بــلا روح

أحــس العشــق مــــات
ولا احــد كفنــه مسكيــن
ولاعاشق خذا فيه العزاء ساعــه
وكــل هــذا من اسبابــك
ومع هذا تقول إنك تعرف العشـق
تمــوت وماتطول العشق ياكــذاب
وإذا فعلا تعرف الحب فسر لي مشاعر قلب في إنسان

فسر لي احاسيس الهــوى وشلــون.!؟

ووش معنى الغــلا عندك؟

وخذ قلبي إذا تقدر!!
وماتقــدر!!
اعرفـــك زيــــن!!
واعرف الحب وش معناه في عرفك

سوالــف بنــت
ومــواعيــد ولقــاء
ووعــد كــذاب مايوفــي
وسوالــف عنــــد اصحابــك
تسوي نفسك البطران
ويعنني .. وانا سويت .. وانا تعبان

ويــــــــووووووه من البنات

على بالك تسوي دنجوان
وربي مادروا عنك
ويعرفونك ابو البهتان
وتفضح سيرة العشق العفيف
تلوثها
وآخرها ..
كلام وبس.!.!

ياخي حــس
حاول تفهم المعنى
ومشاعر بنت تبكي من القهر وتموت
غرام .. ووجد
وعذاب العشق منه الوان
وربي ماتعرف العشق وش معناه

اقول لك شيء
بس ارجوك "لاتزعل"
وإذا اعجبك الزعل فــ ازعل
وربي انت "جرثومــة هــوى"

وفطريــــــــــات

ومرض ملعون ماله من دواء
تبي تعشق ومالك بالهوى حاجه
تسوي لي على بالك هواوي

إذا تبغى اعلمك الهوى وشلون
تعال إجلس
وافتح باب في قلبك
وإنسى الحقد واصدق حيل مع نفسك
واسمع وش يبي خلك
وارسم للغلا صوره
وخذ لك درس من عشاق الهوى والشوق
وخذ دوره

ولاتملي مطاليبك
وتاخذ بس ماتعطي
وتبي كلش
ولاتعطي ولا حاجه

حبيبــي الهــوى فــن
ويبــي فنــان
الهــوى إحساس ومشاعر
ويبــي شاعــر
الهــوى كلــه دروب
ويبي له قلب مايقسى
يذووووب ولايتووووب
ويشرب من غدير الشوق مايــروى
وهــذي عادة العشــاق
مايــرون
ولو يرون ماكانو ابد عشاق

حبيبـــــــي
الهوى يحتاج له رجال
يبي الأحساس
وقلب بالغلا حساس

وانت لين اليوم "جرثومــة هــوى" تموت وماعرفت العشق وش معنــاه !!

اقول لك شيء:

وربي خساره فيك ساعــة عشق

واحسن شيء اقولــه لك:

فمــــان الله

فمــان الله

فمان الله