انقذوني .الدقوس الكويتي

انا تقريبا اسوى نفس طريقتج

احط بالخلاط الطماط + ثوم + شووية بصل + مكعب ماجى + شوييييييية بقدونس

واحط الجدر على النار واحط شوية زبده او دهن واحط الدقوس وعقب احط معجون طماط وفلفل علوب على عداله وشوية ملح

وبس

يعطيكم العافيه خواتي

شندوخه طريقتج ماتحطين عليها ماي ؟

السلام عليكم

دقي الثوم وحطيه بالجدر مع شوية زيت وحمسيه شوي وضيفي له شوي معجون طماط وتكونين حاطه الطماط في الخلاط ضيفيه للثوم والمعجون وحركيه شوي عقب حطي شوية فلفل اسود وكركم وفلفل علوب وملح وخليه على نار هاديه ليما يثقل واخر شي حطي عليه كزبره مفرومه وخليه دقيقتين على النار وبالعافيه

مشكورين
انا والله استفدت منكم

حبيبتي حمسي ثوم مع زيت وحطي معجون طماط وشوي كاتشب بالفلفل وشوي بهارات وبالعافيه

بعطيكم طريقتى الخاصه والحين بتصير عامه اول شى حطى طماط طازج كميه محترمه بالخلاط مع بقدونس وبصله وحده مفرومه وفلفل اخضر بارد نص حبه وبعدين يكون عندج بالجدر مسخنه زيت وتحطين الخلطه مع الفلفل الاسود والملح والثوم وفلفل حار حسب اختيارج وبعدين تحطين صلصة طماطم ملعقه وتخلينهم ليمن تثخن الدقوس وبالعافيه