انقذوووني غرفتي وايد كبيرة Over حدها :"(

عزيزتي اقترح لج تحطين ورق الحائط علي واجهتين من الغرفه وحلو عندج خيارات من الالوان يعني ممكن الوردي مع الفسدقي او الذهبي بالبيج الفاتح وعموما حسب اختيارج تختارين افتح او اغمج لون بالورق وتصبغين الواجهتين الثانين مع اختيار لون للستاره مقارب للالوان بس حاولي تختارين الالوان الهادئه بتكون اريح للعين وبالنسبه للواجهه الي جدام التلفزيون حطي لج طاوله وكرسيين حلوين مع سجاده صغيره بينهم .. واتمني يعجبج اقتراحي … تحياتي

تقدرين تسوين بزاوية من زوايا غرفتج رفعة بالارض
يعني درية وحدة وتحطين فيها مكتب
او عند سريرج ترفعين الارض
تصير جنه غرفتين
الرفعة تحطين فيها السرير والكومدينات

والصوب الثاني غنفة وتلفزيون ومكتب وميز تواليت

هلا حياتي ..

اول شي احب اقولج كون ان غرفتج كبييييييييييييرة بالعكس هالشي ما شوفه مشكلة ابدااااااا …
لان بالعكس عندج مجااااااال واسع باختيار الالوان + اضافة ديكورات وفناتق بغرفتج .. وتثدرين بعد كل بين فترة وفترة تغيرين مكان الاثاث عشان ما تملين

تبادلين ؟؟؟ انا غرفتي صغيرة نوعا ما وحاااااااايسة بالاثاث ودي اغير بس المساحة تحدني :q

شوفي قلبي انا ان شاء الله ما راح اطلع من هالموضوع الا لما اتاكد 100% انج وصلتي لحل لغرفتج وبساعدج باللي اقدر عليه .. بس اول شي ابي اعرف ؟

لون الاثاث بالضبط اذا تقرين تحطين صورة سواء من عندج او من النت … عشان اقدر اتخيل اللون اللي يمشي معاه

وثاني شي ابي تشرحيلي بالضبط توزيع الاثاث بغرفتج وعدد الدرايش وشلون شكل الغرفة مستطيله ؟؟ مربعه ؟؟ غرفة كااااملة والا مقسمة ؟؟

وان شاء الله ارد عليج بعد ما تجاوبيني

ثاااااااااانكس بناات اقتراحاتكم واايد حلوة

فلوونة تعالي بادليني محد بالبيت راضي يبادل معاي

شكل غرفتي مستطيلة وعدد الدرايش في دريشة صغيرة والثانية كبيرة صايرة جنها باب لانه تطلعج عالبلكونة

الحين ادورلج صورة نفس لون اثاثي

مادري ليش ما تطلع الصورة

سوي حركه مثل البارات طاوله وكرسسيين طوال وايد حلوة وغريبه قبال التلفزيون

حبوووبة .. انا من راييي دام مستطيله .. وفيها دريشتين … تقسمينها الى اركان ..
او تسوين نفس فكرة وحده من الخوات فوووق ان تقسمينها وتخلين لج غرفة تبديل احس وااااااااااااااااااااو
مثلا يعني تسوين فكرة كبتات الجواتي عزج الله وقسم للجناط وقسم للبنطرونات وقسم للنفانيفف وجذي وبالنص تحطين لج قنفة كشخة ومراية كبييييييييرة صج صج صج لو عندي مساحه جان سويت هالفكرة ..

او اذا ما حبيتي الفكرة … تقدرين تقسمينها بدون جبسن بورد … مثلا عندج زاوية خليها للمكتب وتوابعه … وحطيلج البارتشن اللي يكون مثل اطار صور …

وزاوية ثانية خليها للصلاة ..(( انا مسويتها بغرفتي مع ان غرفتي صغيرة )) بس والله تعطيج جو تعبدي روووووووعة … حطيلج بارتشن اللي ينباع بالسوق

… واحلى لو يكون لونه لون هادي مثل البنفسجي الفاتح او المشمشي … وخليها زاوية صغييييييرة حيل فرشي فيها سجادة صلاة حلوة بنفس اللون وكرسي القرآن ورف صغير على يمين السجادة او يسارها بس مو وايد عالي تحطين عليه صناديق صغار ملونة حق كتب الادعية و قرشة عطر شرقي او بخاخ عشان تتعطرين للصلاة .. والله روووووووعة ويشجعج عالصلاة بعد

وجذي قسمي الدار الى زوايا واركان … والطوفة اللي عليها التلفزيون حاولي تحطين يمها ارفف بطريقة حلوة ولو تكون قبال الطوفة اللي فيها السريييير احلى واحلى … وتفنني بورق الجدران .. وحطي جدام السرير وقبال التلفزيوووون قنفة طويلة بس شوفيلج وحده غريبة وحلوة … تقريبا نفس جذي

او جذي

او جذي

[IMG]http://www.cornersofasreview.com/wp-*******/uploads/2011/02/Round-Sofa.jpg[/IMG]

شوفي هالغرفة

[IMG]http://www.stylisheve.com/wp-*******/uploads/2010/11/modern-fireplace-ideas-9-554×457.jpg[/IMG]

شوفي هذا ركن للتلفزيون بغرفة من الغرف

وبالنسبة للطوف .. افضل تحطين ورق جدران … لان احلى والمساحة عندج تسمح .. وانتي وذوقج وشنو تحبين من الالوان .. وحسب لون اثاثج (( حساااافة الصورة مالتج ماطلعت جان ساعدتج باللون ))

بس احطلج شوية نماذج وشوفي ..

حلو تدمجين نوعين من ورق الجدران (( يعني نقشتين )) كل طوفتين متقابلين نقشة

وحلو بعد ان تختارين ورق جدران حق طووفة او طوفتين والباجي سااااااااادة صبغ ..

او اذا تبين صبغي الطوف لونين مختلفين .. وبالاستكرز دمجي بينهم .. يعني مثلا صبغي طوفتين وردي فاتح بس موحيل … بيبي بنك .. وحطي عليه ستكرز بنفسجي غااااااااامج (مايل عالبيذنجاني ) … والطوفتين الباقين العكس يعني لونهم بنفسجي والاستكرز وردي فاتح … عرفتي شلون

او جذي .. سوي ديكور معجون بارز وحطي داخله ورق جدران وبرا صبغ او العكس

وممكن تخلين الغرفة كلها ورق جدران هم يطلع واااااااااااو بس اقولج راح ايكلفج اكثر