بسم الله الرحمان الرحيمو الصلاة و السلام على أشرف المرسليننبينا محمد صلى الله عليه وسلم
السلام علييكم معلمات
مبارك عليكم الشهر 
معلمات … شنو التكاليف المطالبة فيها المعلمة عشان تسويها غير حصصها طبعا ..؟؟ ومن كل النواحي ان كان اداريا او بالقسم او اي شي مطالبة فيه من قبل المدرسة،،،؟؟؟؟؟
والسؤال الثاني .. يتعلق بالورش او الدرس الريادي … جم مرة اسويه بالسنه ؟؟
عفيه انا تعيين جديد علوم اسرة ومستهلك… وودي اعرف حقوقي و شنو اللي لي وشنو اللي علي…
السلام علييكم معلمات
مبارك عليكم الشهر
معلمات … شنو التكاليف المطالبة فيها المعلمة عشان تسويها غير حصصها طبعا ..؟؟ ومن كل النواحي ان كان اداريا او بالقسم او اي شي مطالبة فيه من قبل المدرسة،،،؟؟؟؟؟
والسؤال الثاني .. يتعلق بالورش او الدرس الريادي … جم مرة اسويه بالسنه ؟؟
عفيه انا تعيين جديد علوم اسرة ومستهلك… وودي اعرف حقوقي و شنو اللي لي وشنو اللي علي…
2-الورشه والدرس الريادى ممكن واحد بالسنة وممكن اكثر حسب توجيهج وممكن تستبدلين الورشه بانشطة ثانية مثل محاضرات وانشطه طلابية وغيرها
المدرسه مطالبه بكل شي غير الحصص يعني ماتقدرين ترفضين اي شي يطلبونه منج يعني عادي تصيرين مطراش ولا سايق ولا فراشه وهذا صج من الواقع واذا بس مره قلتي لا ترا يحطون عليج اكس ولازم اتجاملين وكل مايقولون بنحط حطه حق الناظره اتقطين فلوس وغير جذي المناوبات والاحتياط وشغل الناظره يعني راح تلاقين نفسج تحووومين مثل النحله
وعن الورش والدروس الرياديه عادي حبيبتي مو مهم كل سنه وحتى لو ماسويتي كلش ترا معاشج ماشي وترقيتج ماشيه واذا على الامتياز سهله سوي اللي قلته لج فوق اشتغلي كل شي وانتي تاخذينه تدرين انا اخذ امتياز الحمدالله لاني والله اشتغل بس مشكلتي ماعرف اجامل واقلقس عن الناظره عشان جذي امتيازي مايعدي 93 اما اذا صارت الوحده بياعت حجي واتقط فلوس تاخذ95 وهي مقمظه انا معاي وحده نوعها جذي وحصصها تلوع الجبد ولا في ابداع او ادوات بما اني بدنيه ولا وسائل وماخذه 95 وانا اللي ابتكر ادوات واييب وسائل ما اعدي 93 بس عشان ما اجامل
هذا ملخص عن الشغل واذا صرتي مدرسه انشالله راح تقولين كلامي صح ماعليج باول سنه لان السنه الثانيه تعرفين حقايقهم
الله يوفقج
التكاليف احتياطات – مناوبات بالفرص والصبح والهدة – برامج اذاعية – مربية صف – مراجعة للمربية
يسوون حفلة يخلونج ادربين على رقصة او مشهد تمثيلي
او تعدلين تسنعين بالمسرح
تسوين اوراق عمل وتصورينهم
بياعة بالمقصف
تروحين رحلات مع الطلبة ويا ويلج ان ضاع احد
اشراف اداري
والله القائمة طوييييييييلة
____________
سؤالج الثاني
ممكن اتسوين مرة وممكن مرتين وممكن ماتسوين بالمررررة
وممكن تتشاركين مع احد او مع قسمج اتسوون معرض او ورشة
وان شاء الله افدتج
بالتوفيج
؟؟
الشغل :
اشراف اداري او مربية
المناوبة
بعض المعلمات تمسك المقصف …
مناوبة الباب مرة بالشهر
حصصك كاملة من تحضير ووسائل
والاحتياط امر اجباري
وبرنامج اذاعي كل فصل دراسي تسوينه مرة
بالاضافة الى حفلات المدرسة المشاركة اجبارية
ومو كل معلمات المدرسة يصيرون مطراش اللي تبي يدزونها والا ماتبي محد يغصبهاااا
والدروس الريادية على حسب التوجيه
اذا تبين رقمي كلميني عالخاص بخصوص اي شي تحتاجينه
الله كريم
الاحتيااااااااااااط 3 مرات بالاسبوع أكثر شي
المناوبة الاسبوعية
مناوبة الباب
واي عمل اضافي مثل التكاليف الخارجيــة ،، او بيع بالمقصف أو تدبيس امتحانات ،، مراقبــة حتى لو يومياااااااااا ،، حضور طابور الصباح ،، المشاركة في البرامج الاذاعيــة
الورش والدروس والندوات مرة بالسنــة
تقدرين ترفضين الي ما تبينه بس طبعا كله راح يأثر على بنود تقويم الكفاءه
مثلا عندنا بالعلوم اذا دخلتي مسابقه مو مطالبه بعد بدروس او ورش الا اذا انتي تبادرين من نفسج
في إحتياطات
مناوبات الصبح – الفرص – بالهده
اشراف اداري
إذاعه مدرسيه
إجتماعات الفنيه للقسم
مراسل للاداره والتوجيه
التكاليف الخارجيه
بيع بالمقصف
مراقبه امتحانات
مربيات فصول ومراجعات
كنترول
توزيع الشهادات على اولياء الامور
طبعا حسب المدارس اذا يكلفونج بالاعمال الاداريه بشكل يومي او لا
دروس وورش عمل اذا انتي بتسوين يمكن مره بالكورس او بالسنه بس لازم تطلعين تكليف لزيارة ورش ودروس المدارس الأخرى
اول شي بالنسبه حق علوم الاسره والمستهلك انا مااعرف عنهم شي
بس الاساسي عليج التدريس واي شي ثاني تبين تسوينه سويه واذا لأ انتي حره
بس من المجاملات تسوينه علشان رئيسة القسم والناظره يبون هالشي
معاشك بيمشي
خلي اللوغاني و السديراوي و الصلال اللي حطو شروط البونص يجسبون متكالبين يسوون لهم هالشغل
غير حصتك لا تعطين
بس اتقي الله في هالبنات
وخلي الشغل الثاني مالك شغل فيه…. الى ان تحترم مهنة التعليم و المعلمين انصحك لا تضيعين صحتك واعصابك عشان بالنهاية المدرسه تاخذ تميز و الموجهه بعد
ولا عزاء للمعلمين و المعلمات