مرحبا امهات
بنتي تقريبا اليوم اول يوم اداوم موكامله 3 سنوات بس حطوها نيرساري 2 (لانها مواليد شهر 2 )
اخذتها معاي الاسبوع الي فات بوقت التسجيل وقعدت تقريبا ساعتين لين نهاية الدوام مع اليهال وانا تركتها قعدت بره مبدئيا كانت زينه ومتقبله مابجت وايد الا ليما شافت اليهال خذو جناطهم بيمشون اهي صارخت حست انها فقدتني وانا على طول دخلتلها
عقبها بنتي مرضت
واليوم داومت رسمي اول يوم وباليونيفورم واهي عادي مستانسه تشتري اغراض المدرسه على قولتها ومتحمسه
دخلتها الصبح حبيبتي وعاااااادي تروح تركض لي نادوها ياخذون حرارتها ويعقمون ايدينها
انا مفهمتها ان مايصير اقعد معاها داخل الكلاس لازم انطرها برا بس انا رديت البيت وكبرت مخدتي
يوم رديت على طول شافتني ويها ماكان مستانس وايد وقالتلي ماااااااماااااااااا انتي وينج بعتب !!! <<<فديت الي يعاتبون
يعني جني طحت عليها من السما واخذتها
وعلى طول مايمدي قاعده انزل انا وياها واسولف شنو سويتي جان تسويلي حركه !!!!!!!
قالتلي المس تسويلي جذي (تكش بايدها مثل حركة مالت عليج سوري بنات عالكلام والوصف) .gif "Eh S(1)")
انا انصدمت معقوله !!!! قلت يمكن بنتي خيالها واسع و تألف وشايفه حركه من احد او تلفزيون بس نفس السالفه امي اسألتها شنو سويتي وعماتها ويدتها
يعني بنتي ماتجذب اكيد مسوينلها هالحركه
شرااااااااااااااااايكم اطلع بنتي من الحضانه ؟؟ اروح باجر اكلم المس ولا فشله احس مستحيه من اول يوم اطلع بنتي عليهم سالفه
اذا بغير الحضانه
مافي بمنطقتي الا حضانتين ثنائية لغه
الاولى رحت بسجلها قالو ويتينج لان العدد فل وقالو يومين نرد عليج(بغيتها لانها عند بيتي وشرحه ومكان اللعب مفتوح وناظرتهم كويتيه تربويه )
قلت اخاف يطولون علي وسجلتها بالحضانه هذي ( مجربتها بنت خالتي بس اهي kg ووايد امدحتها وامدحت مستواها) بس سجلتها وعطيتهم العربون وانا طالعه دقو علي الحضانه الاولى موعد مقابله تحديد مستوى لبنتي
حدددددي انقهرت بس قلت يمكن خيره لاني قريت دعاء الاستخاره بالمرتين
الحين ودي باجر اروح للحضانه الاولى واشوف اذا يقبلون بنتي مره ثانيه في مجال
بعدين اروح اسحب اوراقها من الحضانه الالي اهي فيها؟؟
مادري حدي احتست ووايد مضايقني التصرف اقول اسكب عليهم واسجل بنتي بغيرها او اكلمهم واخلي بنتي بنفس الحضانه
احس كلامي مومرتب بس والله من القهر الي فيني من قالت بنتي الكلمه انا افكر شبسوي باجر.gif "Eh S(14)")
مرحبا امهات
بنتي تقريبا اليوم اول يوم اداوم موكامله 3 سنوات بس حطوها نيرساري 2 (لانها مواليد شهر 2 )
اخذتها معاي الاسبوع الي فات بوقت التسجيل وقعدت تقريبا ساعتين لين نهاية الدوام مع اليهال وانا تركتها قعدت بره مبدئيا كانت زينه ومتقبله مابجت وايد الا ليما شافت اليهال خذو جناطهم بيمشون اهي صارخت حست انها فقدتني وانا على طول دخلتلها
عقبها بنتي مرضت
واليوم داومت رسمي اول يوم وباليونيفورم واهي عادي مستانسه تشتري اغراض المدرسه على قولتها ومتحمسه
دخلتها الصبح حبيبتي وعاااااادي تروح تركض لي نادوها ياخذون حرارتها ويعقمون ايدينها
انا مفهمتها ان مايصير اقعد معاها داخل الكلاس لازم انطرها برا بس انا رديت البيت وكبرت مخدتي
يوم رديت على طول شافتني ويها ماكان مستانس وايد وقالتلي ماااااااماااااااااا انتي وينج بعتب !!! <<<فديت الي يعاتبون
يعني جني طحت عليها من السما واخذتها
وعلى طول مايمدي قاعده انزل انا وياها واسولف شنو سويتي جان تسويلي حركه !!!!!!!
قالتلي المس تسويلي جذي (تكش بايدها مثل حركة مالت عليج سوري بنات عالكلام والوصف)
انا انصدمت معقوله !!!! قلت يمكن بنتي خيالها واسع و تألف وشايفه حركه من احد او تلفزيون بس نفس السالفه امي اسألتها شنو سويتي وعماتها ويدتها
يعني بنتي ماتجذب اكيد مسوينلها هالحركه
شرااااااااااااااااايكم اطلع بنتي من الحضانه ؟؟ اروح باجر اكلم المس ولا فشله احس مستحيه من اول يوم اطلع بنتي عليهم سالفه
اذا بغير الحضانه
مافي بمنطقتي الا حضانتين ثنائية لغه
الاولى رحت بسجلها قالو ويتينج لان العدد فل وقالو يومين نرد عليج(بغيتها لانها عند بيتي وشرحه ومكان اللعب مفتوح وناظرتهم كويتيه تربويه )
قلت اخاف يطولون علي وسجلتها بالحضانه هذي ( مجربتها بنت خالتي بس اهي kg ووايد امدحتها وامدحت مستواها) بس سجلتها وعطيتهم العربون وانا طالعه دقو علي الحضانه الاولى موعد مقابله تحديد مستوى لبنتي حدددددي انقهرت بس قلت يمكن خيره لاني قريت دعاء الاستخاره بالمرتين
الحين ودي باجر اروح للحضانه الاولى واشوف اذا يقبلون بنتي مره ثانيه في مجال
بعدين اروح اسحب اوراقها من الحضانه الالي اهي فيها؟؟
مادري حدي احتست ووايد مضايقني التصرف اقول اسكب عليهم واسجل بنتي بغيرها او اكلمهم واخلي بنتي بنفس الحضانه
احس كلامي مومرتب بس والله من القهر الي فيني من قالت بنتي الكلمه انا افكر شبسوي باجر
تاكدي
وعادي انا كل يوم اكلم الحضانه واقول ملاحضاتي
مافيها شي امدششتها بفلوسج ولج الحق تنقديين وتقولين رايج
قوليلهم احنا ما نسوي هالحركه بالبيت وقالتلي الابله سوتها ما مداها تتعلم من اليهال
ماعندج رقم البيبي ستر الخاصه فيها ؟
والله انا امس بنتي فحطت ماتبي تروح بنت طاقتها بالقلم دقيت قلت لهم انا عمليه ماتحرك
ومادفع فلوس عشان بنتي تتبهدل وتنطق
اليوم اكتشفت مغيرين بنتي من قروب 5 الى قروب 2
لاتخلين وتسكتين بيني لهم انج متابعه البنت
ولاتحاتين مايتجرأون يسون لها شي
اليهال يتعلمون الجذب من الكبار
ولا اهما مايعرفون شنو يعني جذب
قوليلهم لا تسكتين
انا بعد بنتي ثاني يوم ردت من kg من ركبت السياره ليما ثاني يوم واهيا تقول ماما الابله زفتني وصرخت علي وتقول حق ابوها وثاني يوم مارضت تروح اقعدت تبجي ومستعسره لما وديتها كلمت المس قتلها قالت بنتي انج زافتها قالت لالا من يقول انا مازفيتها وبالعكس اهيا هاديه وخجوله؟؟!! سكت ماقلت شي بس المهم اني طلعت الي بقلبي وقلت حق الابله ان بنتي تقول انج زافتها
والله حمستوني ماراح انحرج بكلمهم
بس اقصد اروح اشوف الحضانه الاولى الي بغيتها يبيلها بعد عباله وعوار راس
واترك حضانتها هذي ؟؟ مومشكله خل يولي المقدم بس اهم شي ماتييني كل يوم بحركه
اعترفلك
الله يهداج اختي هذي ياهلوالياهل لي شاف حركه يمسكها وماتروح من باله
يعني باجر بنتي تقولي ماما سسويتهها على ضحك ما اقصد؟؟!!!!!
عموما باجر ان شاء الله بروح معاها ويبين كل شي
عادي مافيها اي مستحى .. ولا تغيرين الحضانه اذا كانت زينه سألي عنها البنات وان شاءالله مايقصرون معاج
انا بنتي دخلتها حضانة عمرها سنة و اربع شهور اسمها بيت القمة
بالبداية قالو نهتم و نراعيها و لااا تحاتين
مريتهم الحضانة تعمدت على غفلة بشوف شعلمونها و شلون تعاملها معاهم
لقيت الحضانة عفسسسسة
بنتي عالارض قاطبنها و سرير واحد
نايم عليه ياهل بو خمس سنييين و لنتي شنو مقلووولة عالارض
يحوووسون على راسها اليهاااال تخيلي زين ما شاتو راسها
الحمام وصخخخخ
كل شي قذر
انقهرت و ما خليتها بقلبي ما قدرت دقيت على راعية الحضانة و سحبت اوراقها و رديت كل الرسوم
شنو عيالنا نقطهم جذي ؟
و هاذي ياهل ام سنة تحتاج عناية
حبيبتي ضناج لا تسكتين عنه كلش