بسم الله الرحمان الرحيمو الصلاة و السلام على أشرف المرسليننبينا محمد صلى الله عليه وسلم
بنات منتدى كويتيات بمناسبة قدوم موسم البر — ماذا تفضلين مع الاهل ام الحموله—- آراءكم -تجاربكم== اما بالنسبه لرايئ انا افضله مع الاهل لقلة التاكليف والراحه لان البر انطلاق وناسه ليس لبس وكشخه وتحدى بين الحموات وحريم الحما انا جربت الثنتين ورايت ان الافضل مع الاهل تشعرين بسعاده ومتعة البر ==== وهل تنامين بالبر واذا نمتى توفرين خيمه لك انت وزوجك ام مع العايله طبعا مع الحموله –طبعا فى تفاصيل كثيره نستمتع ونحن نناقشها معكم يا من جربو رحلات البر
بنات منتدى كويتيات بمناسبة قدوم موسم البر — ماذا تفضلين مع الاهل ام الحموله—- آراءكم -تجاربكم== اما بالنسبه لرايئ انا افضله مع الاهل لقلة التاكليف والراحه لان البر انطلاق وناسه ليس لبس وكشخه وتحدى بين الحموات وحريم الحما انا جربت الثنتين ورايت ان الافضل مع الاهل تشعرين بسعاده ومتعة البر ==== وهل تنامين بالبر واذا نمتى توفرين خيمه لك انت وزوجك ام مع العايله طبعا مع الحموله –طبعا فى تفاصيل كثيره نستمتع ونحن نناقشها معكم يا من جربو رحلات البر
بس مع الحموله كنت اطلع قبل بس كل حركه محسوبه علي تصرفاتي كانت مقيده وكنت اخاف لاينقدون علي خصوصا ان وضعي مع الحموله كان موشى كلش ملششششششششششششششششششش بس كنت اروح علشان عيالي يبون الوناسه ومابيهم ينحرمون من عماتهم وعمامهم وعيالهم
اصلا مع الاهل حتي لوتروحين سوق اليمعه تحسين بوناسه مو تقوليلي البر
واهلي ادري فيهم ما يروحون البر بس حمولتي احجزوا حق العيد ومادري اروح معاهم والا اروح عند اهلي
واذا ويه اهلى اكيد راح استانس اكثر لانه تدرين اكون ماخذه راحتي
وناسه وتاخذين راحتج
بس اذا على الاهل و الا الحموله .. اللي يبي الوناسه لو يكون بروحه يحصلها .. و مو مهم سواء الاهل او الحموله اذا الوحده تفكر بوناستها و تكون ونيسه
السنه هاذي ما طلعنا للحين لان زوجي ناوي يحط له جاخور احسن …كل مره ننزل خيامنا و شيل و حط ..فقلنا لو نحط جاخور يصير مقر دائم احسن من الشيله و الحطه …
بالنسبه للخيام اكيد احط خيامي و ما انام عند اي احد
بالنسبه للخيام عندي خيمه 5 اب 8 صاله
و عندي خيمه شراع 6 اب 5 مشب نار
و خيمه 5 اب 4 حق غرفه نومي و اغراضي
ووحده 5 اب 8 مخلينها مطبخ و غرفه طعام …يعني ما ناكل بخيامنا بس بهاذي بس السنه هاذي رح اشيلها و احط بدالها كيربي احسن ..
و عندنا 4 اب 4 حق الهنود
غير بيت الشعر مال زوجي يمكن 20 اب 7
و في خيمه 3 اب 3 نخليها مخزن حق الفحم و المواطير و السوالف هاذي
و عندنا حمامين عزكم الله واحد حاطاه عند غرفتي
و الثاني بالنص بين الخيام
و عندي قفص كبير حق البط و الحمام هههههههههههههههههههه
و ان شاء الله لا طلعنا رح اصور لكم مخيمنا
اذا كنتي ويا الحموله تكونين متقيده على اي تصرف تتصرفينه
ولكن مع الاهل فري فري وناااسه
رجلي كان شاريلي خيمه لي ةلعيالي وطالعه مع اهلي البر
طبعا واهوا مايجينا خير شر لانه ينحرج من جماعتنا
بس اذا بغيت اغرض مايقصر يجيبهم لنا ويسلم على ابوي واخواني والرياجيل ويروح لربعه