بأختصار أحب الأكل

السلام عليكم بنات شلونكم مره ثانيه لول

بنات انا مشكلتي مشكله عويصه اني أحب أكل أحب البلعه أنا وحده أكوووووول
والله من صجي مع اني مو متينه حيل يعني وزني بالثمانينات بس ريلي كل ماأيب أكل من الجمعيه واهو بعد الله يهداه ماأييب الا الككاو والبطاط واذا كليته يقولي ليش تاكلين تبين تنفجرين وأقوله ليش يايبهم عيل يقولي يايبهم حقي بس المشكله اهو ماياكلهم وانا اشتهيهم قلت حق امي وقالت اكلي يمه عليج بألف عافيه وذيك المره شرا ككاو وهالككاو قعد بالمطبخ لمده اسبوعين وريلي ناسيه أصلن وانا عيني عليه بس ماسكه نفسي اقول حق ريلي بس بعدين ماأستحملت قلت بقلبي مريووم أكليييي زييييييييييين ريلج شاااااابع اكيد مر مطعم وماكل وشبعان اكلي أهو بس

المهم كليت هالككاو الي مقطوط بالمطبخ صارله قرن ولما كليته تسسسسسسسسلط أبو الشباب وقالي ويييييين الككاو الي كنت حاطه اهنييييييي قلتله ويييييييييي كليييته عاد قالي ماشاءاللللللللله انا شاريه حقي شكو تاكلينه جان اقوله عبالي نسيييته وانت تحط ككاو جدامي عبالك بستحمل مثلا ؟ جان يقولي ليش الأخت مريم الغضبان مثلا ؟ جان اقوله لا مريم الصالح مثلا ؟ قالي صالح ولا منتهي وبدت الملاقه معاه المهم عاد ماأطولها عليكم انا صارلي 3 تيام مو ماكله عدل مثل الأوادم اذا كليت شي يقولي ماشاءالله كليتيه توني شاريه و وين راح بطاطي ولا ككاو شسوي بالله اكون يوعانه وكليته يعني شسوي بالله واذا رحت الجمعيه اخذ اكل من رف الجمعيه واحطه بالعربانه ويقولي لا هذا مو زين يمتن و اهو يااااااكل حلال عليه وحرام علي