باركولي خلاص انا مو حامل !!!!=—ولادتي تمت على خير الحمدالله

الحمدالله يارب ولدت وافتكيت من ثقل البطن ههههههههههههههههههههههههههه

بنات انا توني والده من 4 ايام ..طبعا هذي ثاني ولاده لي

في بجري الاولي ولدته قيصريه بعد طلووووووق 18 ساعه وتعذيب الفحص الداخلي والطلق الصناعي والماي منبط ..يعني حاله اكشششششششششششششششن لووووول

ولادتي المره هذي كله فجئه في فجئه صدمه في صدمه اول ما دشيت التاسع قالو لي البيبي راسه صار فوق بعد ما كان تحت ! فا بيني وبين نفسي ضاق خلقي قلت ودي طبيعي! يوم رحت مره ثانيه قالو لا خلاص البيبي نزل راسه تحت هم ضاق خلقي ههههههههههههههههههههه هههههههههههههههه قلت عقب ما حطيت في بالي اولد قيصري ومااحاتي الطلووق والفحص !! يلا الي ربي كاتبه لي خير ان شاء الله ..

مالكم في الطويييييييييييييله يا طويلات العمر انا رحت موعد على اساس مراجعه وارجع البيت .. ومن كثر ما كنت زهقانه قلت لزوجي الحين لما نروح ابيك تحجز مع الدكتور موعد لعمليه انا مابي اولد طبيعي (( طبعا الكلام هذا ما قلنه الا عقب ما صليت استخااره لانه المجال جدامي اولد طبيعي )) صليت وشفت نفسي مو متقبله الطبيعي فا توكلت على الله

رجنا دشينا عند الطبيب الدكتور تم يقنعني يقولي اولدي طبيعي حرام انتي توج صغيره !! وصدقيني ماراح تحسين بالم وثقي بالله اني ما راح اعرضج لتجربه صعبه نفس الي مريتي فيها بولادتج الاولى !! ..

وانا حدي طااااااااااااااااقه البووووووووووووز ونفسيه اقووووووووولك قيصريه يعني قيصريييييييه !!

وزوجي بعد قاله احنا هني ومقررين قرار نهائي نبي قيصريه..فا الدكتور شافنا متنحين قال خلاص الي تبونه ..وصج قام وحجز لي موعد دخوول مستشفى بعد اسبوع

عقلها دخلوني اسوي سونار..طبعا مرتين كل مااروح اراجع دايم القا الظغط مرتفع عندي ومو عارفه ليش فا قمت احط الحره بزووجي(( كله منك كله منك خخخخ مسكين والله ماله ذنب منحملني وساكت))

دخلت اسوي السونار..لاحظت اول شي الدكتور قاله (( المشيمه تقلصت !! )) جان يتم ساكت ….ويحووووووووووووووس بهالسونااااااااااااااار…شوي قام يقولي قلبي على جنبج اليسار………..قلبت………………قلبي يمين………….قلبت

اخر شي قالي نبض البيبي سررريع فووق المعدل الطبيعي…الحين تروحين الهادي ( الله يكرمكم )) وتسوين تخطيط نبض الجنين

طلعت رحت الهادي دخلوني الطوارئ التخطيط سويت لمدة ثلث ساعه تخطيط..وطول هالفترة وانا اسمع صرااااااااااخ ونيااااح وزحيرررررررررررررررررررر وبجي..حاطيني بين الي بتولودون انا مادري شصار فيني حسيت العوار بجسمي مال الطلق

المهم خلصنا دخلنا على دكتوورة مصريه بالهادي والله نسيت اسمها يا عليهاا نفسسسسسسسسسسسس اسنغفر الله ياربي..قالت لنا كل شي زين يلا اخذو تخطيطكم وروحو لدكتوركم !!!! قالها زوجي هاج رقم الدكتور اهو طالب يكلمج لانه حاليا عيادته قفلت فا ناطر نتيجه التخطيط يا ريت بس تفهمينه شنو وضع التخطيط مبين…الا وتقووم تصررخ علينا انا ماليش دعووووة !! قالها بس يا دكتوره… قالت له جذي(( شكراااااا مش عاوزن اعرف حااااقه))!! قالها شنو الي ما تبين تعرفين حاااجه يبا مو من حقج تكلمينا بهالاسلوب..جان تقوم وتقول انتو جذيييييييييي كلكم مالكم نفس تسوون شي شهالكسل !! انا بغييييييييييت اظحك مادري ليش المهم خذت الرقم و كلمت الدكتور..ولا تقوله بالانقلش(( انه معااي طلق ونبض الجنين فعلا سريع ونزل فجئه !!))) كل هذااا ومن ساع تقول مافيكم شي ويلا روحو !

فا قالها الدكتور عطيني اكلم الحاله؟؟؟قال حق زوجي لازم نعيد التخطيط مره ثانيه لمدة ساعه ! واحتمال نولدها اليوم ضرووري لانه الوضع ما يبشر بخير… ولا اشووف زوجي عيووووووووووونه صاااارت طماااااااااااط ويطالعني بعيونه واهو ماسك التلفون .. جان اهز له راسي انه توكل على الله ..احس خنقته العبره بس انا مابي يضيق خلقه سويت نفسي عادي

دخلت النخطيط ولا يا بنات …مافي لا طلق ولا حركة بيبي..قال الدكتوور الحين الحين تدشين العمليات.. انا هني صكتني ام الركب قمت ارجف.. قلت لهم ميخالف الصبح ؟!! لانه انا شفت حالة الدكتور بعيادته كان مرهق شوي وخفت على نفسي الصراحه خخخخخخ

شوي سدحووني وتجمعو علي السسترااات ولبسوني لبس العمليه والي قامت تدخل الابر يمين ويساار.. ووحده جايبه البربيش مال البول عزكم الله جان اقوووم اتربع لهاا(( لاااااااا لاا يا مامااااااااااااااااااااااا ما اتفقنا على جذييييييي ههههههههههههههههه بعد البنج سوي الي تبينه لو تدخليه خرطوم مطافي كيفج بس وانا صاحيه لااا !!!! ))

شوي ولا تغزني ابرة صغيرة والله يا بنات مت منها لسسسسسسسسسسسسسسسسسسسسسسعتها قووووووووووويه !!!!!!!!!!!!! مالت الحساسيه

وطبعا لازم سالفة المووس قامت تشيل شعر بطني ونازل عشان العمليه.. خلصت حطوني على نقالة الي توديني العمليات .. وقعدت انطر حسيت نفسي قعدت اعرق اعرق وميته خووف وافكر بولدي الصغير اذا مت شيصير فيه.. واهي ما يدرون عني اني الحين بدش العمليات.. فا قمت دزيت مسج لاختي عشان تدير بالها على ولدي مخليته عندهم في البيت قلت لها امانه ولدي ديرو بالكن عليه يمكن اطول.ويمكن ما ارجع ..(( عاد اهي ماكو احساس ما فهمت عبالها انا بره مع زوجي اقز خخخ)) قالت اوكي لا تشيلين هم.. والله خنقتني العبرره وزوجي فووق راااسي يطالعني ويبووس رااسي ويحاول يتغشمر وانا ادري حده مظغوووووووووووووووووووط

المهم دخلت العمليات وجسمي ينتفضضضضضضضضضضضض من الخوووف والتفكير –ددكتوري معااي واقف..والسستر مطولين السالفه واهي قصيره جان يعص الدكتور ليش معطلينا للحين وقام يقط عليهم حجي ويتطنز وانا ابتسم اجامله

شوي ولا يحطون لي البنج رحت وين ما ادري
بعدها حسيت نفسي احد يقعدني قومي قومي..وانا احس حلجي مسدوووووووووود سعابيل ولا رغووة ما ادري واهم يمسحووون فييييييه. وانا بس.واصرررررررررررخ ابي زوووجي ابي زوووجي ودمووعي اررربع اررررربع عبالي والله اني ميته

ودوني لغرفتي..وتخيلو يا بنات ..يبون يشلوني من سرير النقل لسرير الغرفه..يقول زوجي بغيتي ترووحين فيهااا الله ستر عليييج الحيوانات بغو يطيحووونج ع الارض !!

وانا للحين مو مستوعبه شي.. لقيت زوجي ماسك ايدي ويبوسها وواقف عند راااسي يقرا علي..كانت الساعه 3 ونص الصبح.. امي وصلها خبر بسررررعه قحصت ووصلت عندي فديتها..واول ما دشت الغرففه الا وزوجي يهد ايدي ((انا عصبت منه ليش يستحي من امي ههههههههه )) ..قامت امي تكلمني وانا ادري انها واقفه بس مو قادره ارد عليها وتشوفني قاعده بس ابجي وتسئلني وانا بس الف راسي يمين ويسااار ودموووعي تنااثر (( طبعا يومها ماكنت ادري اني بدش ولاده فا كنت حاطه مكياج كحل فرعووني ثقيييل هههههههههههههههههه يعني حدث ولا حرج شيفتي شيفه ما اترقع حوووسه )

ارد واقولكم يا بنااات انا كنت رافضه الطبيعي ومصره على القيصريه وسبحان الله كل الامووور خلت القيصريه لازم…اخر شي لما طلع الدكتور من العمليات راح لزوجي وقاله الله يحبكم.. انا كان ودي اصور لك العمليه واوريك شلون كان الحبل السري ماسك راس البيبي رافعه لفووق وملتف على الرحم وهذا الي كان مسبب ظغط لللام ..لو كنا حاولنا طبيعي ما كان راح تطلع البيبي باي شكل من الاشكال !

فا الحمدالله يارب وصج ما خاب من استخااار … اي بنت ولدت قيصري من قبل نصيحه لها تستخير ربي قبل لا تفكر تولد طبيعي..صج الطبيعي رحمة من رب العالمين..بس هم القيصريه رحمه لحالات نفس حلاتنا كان ممكن اعرض نفسي للطلق والولاده الطبيعيه والعذاب واخرتها شق بطن !!

احمدك با رب

ولا احد يوووووووووولد بالهادي لانه صج صج صج صااااير حده المستوى والرعاايه loooooooow

تخيلو بنتي ما شفتها الا بليل ! اطلبها كل شوي ويطنشووني حدي عصبت..وعلى حالحال كل ما بغيتها ما ييبونها لي الا بطلعت الروح !

وشي ثاني بعد تخيلو السسترااات قمة في الهمجيه دشو علي فجئه معاهم شي مثل الطاسه وفووطه وصخه عبالي بيمسحووون حليب منكت على زوليه خخخ اخر شي جدام امي فصخوني زلط ملط وقامو ينظفوني بهالفوطه الخايسه

ولما تجمعو عندي خواتي كلهم.. دشو عندي يبون يبدلون الحفاظه مالتي بكل بساطه شالو اللحاف وجدام خواتي ينظفوون ! زين اقولهم نطروو شوي قامت وحده نفسها شينه هنديه مالها شغل ولا راده علي

صج وايد شغلات صارت انا كل مالي وانصدم من الهادي.. حتى الدكتور بنفسه يوم عصب عليهم من طريقة اجرائتهم قال اصلا هذي مستشفى مستواها اهي ومبارك او الصباح واحد.الفررق بس انها خااص !

فا يا بنات اشترو عافيتكم بمستشفى محترم وراقيه مو الهادي تووووبه توبه توبه ! حظي ردي الي رحت اسوي تخطيط عندهم ولا اساس ما كان لي نيه ولاده عندهم ..بس قدر الله وماشاء فعل

والحمدالله انا وبنتي الحين بصحه وعااافيه