باستا الفريدو مطووورة عجييييبة ان جربتيها ماراح تجربين غيييرها بالصور

هلوووو

هالطريقة وااااااااايد احبها واحسها وايد مميزة وغير عن اي باستا الفريدو ضقتها من قل والسبة هالاضافات البسيطة شوفي طريقتها وجربيها وايد لذيذة

سلقي الباستا البينيه انا افضلها دايما بس اهني حطيت شوي سباغتي الباستا عندي شوي وخليها كتر

وتبلي صدور دياي رفاع مدقوقين شوي بملح فلفل اسود وبابريكا وزيت زيتون واشويهم بالمقلاة المضلعة او التاوة العادية وبس يبرد الدياي قصصيه شرايح مثل الصورة

وبقدر حطي زيت زيتون وحطي شرايح ثوووم شرااايح مو مهروووس وقلبي وحطي طماط مجفف بالزيت فرميييه وضيفيه او طماط مجفف عادي نقعيه بماي حار قطعيه وحطيه اذا ماعندج طماط مجفف لاتحطين طماط فريش لااااا ترى يفرق بالطعم

وحطي مشرووم شرايح وقلبي وحطي ملح وفلفل اسود وحطي ربع كوب عصير عنب ابيض وحركي اشوي وبس ينشف العصير شوي حطي كرييييمة وقلبي

تالي حطي الباستا وقلبي وعدلي الملوووحة (اذا بغيتي الصلصة سميكة حطي قفشة طحين على الخليط قبل اضافة العصير والكريمة) وحطيها بصحن التقديم وحطي عليها الدياي الشرايح وبصل اخضر مفرووم وبارمزان فريييييش مو معلب ترى مافيه اي طعم

وممكن انج تحطين ربع كمية الدياي مع الصلصة والباجي فووق وانتي وذوقج