باستا الفريدو مع الربيان – شي حده لذيذ :)

بـسـمـ الـلـه الـرحـمـنـ الـرحـيـمـ

.
.

هذي ثاني وصفة احطها بالقسم, وهي عباره عن طبق باستا بصلصة الفريدو الشهيره
امس سويتها حق الفطور امبيه شي لذيذ ! الكل كلوا منه وحبوه حيل

المهم اخليكم مع الوصفهو علماً ان هالطبق يكفي 5 – 6 اشخاص

الـمـكـونـاتـ :

جيس معكرونيا

ربع كيلو ربيان صغير
14 حبة مشروم بني متوسط الحجم الى صغير
علبة كريمة سائلة
3 لوح معتدلة حجم من جبنة البارميزان
garlic bread sprinkle
Oregano leaves
ملح
فلفل اسود

الـطـريـقـة :

نسلق المعكرونة ونحط معاها ملعقة ملح كبيرة
نخسل الربيان ونضفه ونسله مع ملعقة ملع و شوية فلفل اسود ونعصر فيه ليمونه
نقطع المشروم شرائح
نبشر الجبنه ونخلي لوحين في صحن واحد واللوح الثالث بروحه
لما يستوي المعكرونا نصفيها من الماي ونحطها بجدر ثاني نضيف ونحط معاه شوية زيت زيتون
وبنفس الوقت يكون الربيان نضج, نحطه بمقلاة مع المشروم ونقليهم بزيت زيتون ونحط عليهم فلفل اسود شوي وقفشة صغيره من الـ garlic bread sprinkle لين يصير لونهم ذهبي

نحط على المعكرونة الكريمة كلها + الربيان مع المشروم + الصحن الي فيه لوحين جبن مبشور + ملعقتين كبار من الـ garlic bread sprinkle + ملعقة كبيرة من الـ Oregano leaves

ونخلطهم مع بعض لين كل شي يتشرب الكريمة

الـتـقـديـمـ :

نحط الباستا في طبق ونحط عليه جبنة باميزان مبشوره وشوية اوريغانو وهني وعافية

.
.

تـ ح ـيـاتـي