باشميل وشاروما

هلا حبيبتي هذي طريقة المكرونه بالباشميل وايد سهله و جدا لذيذة

1- تسلقين المكرونه بماي و نقطة زيت و بعد تغسليها و تصفيها
2- تحضير الباشميل : تحطين بقدر زبدة او سمن ملعقتين و تضيفين طحين حتي تشوفين الطحين اتشرب السمن و تقلبين ع نار عاليه و تييبين حليب يكون بارد و تضيفين علي مرتين و تقلبين حيل بالمضرب السلك اليدوي و تتمين تقلبين حتي يغلظ القوام و يصير متل ما تبين " لا تنسي تضيفين ملح و فلفل اسود"

3- اللحم المفروم: تكوني محضرته قبل و اهو عبارة عن كمميه من البصل المفروم مع الثوم تحطينهم بقدر عالنار مع سمن و فلفل اسود و قرفة و ملح و تتميين تقلبين لين ينهري البصل و ينزل ماي بعد بتضيفين اللحم و تقلبين و تتركيه تيكمل سواه.

تيبين طبق بايركس و تضعين بالقاع شوي باشميل بعد طبقة مكرونه تالي اللحم مع شوي باشميل تالي المكرونه و بعد تصبين الباشميل و ترشين عالويه جبنة موزاريلا او شيدر او قشقوان و تدخيلنها الفرن حتي يحمر الوجه.

ان شالله تعجبج الطريقة