بترك حف الحواجب!!!! ساااااااعدوني

بالنسبة للحف اول شي ماقطعته فجأة لانج راح تستنكرين شكلج و الناس راح تستغرب منج و انتي كاشحه و حاطه مكياج سيده ينطون عليج يقولون لج شفيج مو حافه ….
شوفي اول شي قمت اقول حق مالت الصالون ابيهم متان و قممت احفهم مرتين على متن
و بعدها اقولها بس نظفيهم و قامت تخليهم نفس ماهم بس تنظفهم شوي
و عقبها قمت انا بالبيت انظفهم بشي بسيط حيل
لما تعودت عليهم و الناس تعودوا علي و صار الحين عندي عاد اني ما أحف

عرفتي يعني اذا صار الشي بالتدريج انتي مع الوقت راح تتعودين و لا تشوفين نفسج انه بيصير شكلي غلط
قولي حق نفسج بسوي لوك جديد ابي حواجبي عراض خل اغير
و لا تسوين تشقير و لا شي انا الحمدالله للحين ماسويت و لا افكر اسوي

صدقيني كل شي يجي بالتدريج و اذا انتي بداخلج ماحاولتي تقنعين نفسج محد راح يقنعج

و عقبها و الله سبحان الله ربي يخلي بوجهج نور ماتدرين من وين سبحانه يكون راضي عليج
انا طول ماكنت احف يطلع بوجهي صوب جبهتي حبوب و اشياء مالها علاج لكن من قطعت الحف اختفت لان الخيط يهيج البشرة و يدمرها و بسرعة تطلع لج تجاعيد

اتمنى اكون فدتج بتجربتي و اذا تبين اكتب لج عن شلون قطعت الاغاني و لبست العباية هم مستعده اكتب لج

و انا اللي اول محد كان متوقع اني حتى اتحجب