بجهز بالشرقيه والرياض أبي مساعدتكمـ

والله ماعندي فكره ان شاء الله البنات يساعدونج

شيهانه

فديتج حبيبتي ، ما قصرتي

وإن شاء الله بمر الأماكن الي قلتي عنها .. وبسأل عن الي قلتي

الله يجزاج خير ، ويحقق مناتج يالغاليه ويوفقج

ديم

تسلمين يالغاليه ، ما قصرتي

وإن شاء الله بمر على المجمعات الي ذكرتيهاااا

وجزاج الله خير ، والله يوووفقج حبيبتي

تبين نفنون عرس كشخه في الرياض
روحي عماير السيركون قي شارع العليا العام أو المصمم أحمد بدوي في طريق الملك فهد
أو المتنبي في الملز أو مجمع الموسى
تبين ماركات وسعرها حلو
روحي خريص بلازا في طريق خريص
وغرناطه وصحارى وحياااااة مول روعة والأنداس والعثيم مووول اللي في الملز

تبيني بجامات قمصان نوم أرواب شبشب سنادل جينزات تنانير قصيره ملابس بيت شورتات أسعارها تجنن مع ملابس داخليه
أطلبي اسواق الهرم في حي الفيحاء
تبين عود وشغل عدل ورخيص أطلبي أسواق المعيقيلة
وربي يوفقك

مناوي

تسلمين حياتي ما قصرتي وان شاء الله بشووووفهمـ واكيد بيعجبووني دامهم على تووصيفج

وجزاج الله خير يالغاليه

فيه مجمع بالشرقيه اسمه مجمع الظهران هذا يهببببببببل صك على الراشد

فيه محل بالظهران لساعات حلوووو نصيحه اشتري كل ساعاتج من الرياض والشرقيه ارخص من اهنيه واحلى

وبالرياض فيه الفيصليه والمملكه وصحاري وخريص وشااارع العليا تلاقين محلات ومجمعات اشكثر

وفيه اسواق الهرم هاذي حق بيت ورخيصه

وشارع السويكت كله عبي حلووو ..

ماقصروا البناااااات وأختي مناوي صح كلامها الهرمـ أسعارهـ حلوة ماتتخيلينها لبجامات البيت ..
وترى الشرقية فيها الهرم بس الرياض احلى بكثير
وكل اللي قالتهـ .. صح ..

بس أحمد البدوي يابنات ماأنصحكم فيهـ شغلهـ كلهـ قص ولزق يعني الفستان يتفكك عليك ماتسوى..

وبالنسبة للسوق … بعض المحلا ت بدأت التنزيلات يعني لاتفوتكمـ الفرصة
هذا أحسن وقت تجهزين فيهـ وخاصة للبيت والبجامات والملابس الداخلية
وبالنسبة لمجمعااااات الخبر عندك الراشــد فيه أغلب المحــلات وفيهـ سيفــورا إذا تبينهـ
ومحلات الذهب والألماس والساعات كثيرة تفرجــي قد ماتبين
وأحلى وقت تروحين الراشد من الصباح لحد الظهــر تتسوقين بروااااااق لأن بالليل زحمة مو طبيعية
ومجمع الظهــران قريب منهـ وبعد فيه شغلاااات حــلوة ومحلات ساعات روعــهـ . . .
ومجمع فينيســــيا أغلبهـ فـــساتين سهـــرة وفيهـ كم محل جلابيات حلوة وناعمة .. بس لأنهـ لسى يعتبر جديد مافيه محلات كثير ومو كبير ذاك الزود مثل الظهران والراشد وتلقينه قبال الراشد بالشارع الثاني
وعندك مجمع فؤاد سنتر بس مو ذاك الزود الروحة له ماتسوى وجمعة سنتر حليووو ومكانهم عالكورنيش
وعــندك بعد المارينا مول على طريق الدمام/ الخبر السريع أحلى شيء فيهـ الــصنادل بالدور الثانية عجيبة لاتفوتكمـ
وأسعارها حلوة .. والدور الأول مشكل محلات ماركات على أقمـــشة على فســاتين وهالشغلات ..
وفيهـ الشاطــئ مــول بعد …. وشنوووووو ياربي شنوووو إممممممممممم
إيهـ وعندك شارع السويكت السوق العادي المفتوح .. وبالدمــامـ نفس السوق إسمهـ سوق الحــب بشارع الأمارة ^_*
وفيهـ محل ذهب ومجوهرات وألماس (غـــسان )عجيييييييييب عندهم شغلات تهــبل ,,

ومجمعات الرياااااض أكـــيد الفيصلية والمملكة وعندك بعد غرناطــة وصحارى الرياض (وفيه ثاني صحارى )
والحياة مــول ورويال مول والعليا وووووووو بصراحة كثيررررررررر أهم شيء تروحين شارع الملك عبدالله مع تقاطع شارع الملك فهد أغلب المجمعات هناك على هالشارعين أو حواليهم مو بعيد وإذا تبين محلات العبي والبخور وهالشغلات
روحي لمكانها الأساسي بســـوق المــعيقيلية أغلبهـ بخــور وعبايات ومخلطات

إنشاء الله أكون أفــدتكــ ..