بخصوص الدراسه بامريكا او لندن

هلا حبوبه ..

اول شي تقدرين تروحين تراجعين التعليم العالي .. وكلميهم قوليلهم انا حابه ادرس لغة لمدة سنة على حسابي شنو تنصحوني فيه؟ و اي احسن ولاية لي من حيث تكون أأمن وتكاليف المعيشة فيها مو غالية و من هالامور وماراح يقصرون معاج ..

وانا انصحج اذا بتروحين على حسابج روحي تحت اشراف التعليم العالي .. يعني تدفعين لهم مقدم تكاليف سنة دراسية و اهم يمشون لج كل شهر معاش و يسون لج التأمين الصحي .. وكل هالأمور .. اريح لج انتي و أأمن ..

اتوقع الكورس الدراسي يكلف بحدود 3000 او 4000 دينار على حسب الولاية و الجامعة .. ويمكن أقل مادري والله بالضبط جم اهم يفيدونج أكثر ..

بالنسبة للسكن اخاف اقولج سكني بسكن الطلبات بس ما ترتاحين اهناك خصوصا انج بنت و مادري شلون عن طريقة عيشتهم اهناك يمكن ما تكون مريحة بس اهي افضل اذا حابه تخالطين امريكان و تتعلمين اللغة الصحيحة منهم ..

وموفقه

شوفي بالنسبة لي عمري ما سكنت بسكن الطالبات ولا افضله بس السكن في الجامعة افضل لج كونج رايحة بس سنه تتعلمين لغة خصوصا بامريكا ماراح تحتاجين سياره فسهالة تروحين وتردين من الجامعة والمشاوير الثانية تقدرين ادبرينها .. بس اذا اخترتي السكن بروحج بتزيد عليج المصاريف وخصوصا انج بتحتاجين سيارة بامريكا وما تقدرين تروحين مشاويرج الا بالسيارة .. اما اذا بلندن سهلة المواصلات العامة متوفره بعكس امريكا

وهم الافضل تروحين تستفسرين من التعليم العالي اكيد بيفيدونج ان شاءالله