بسم الله الرحمان الرحيمو الصلاة و السلام على أشرف المرسليننبينا محمد صلى الله عليه وسلم
قوووة عرايس
شخباركم عساكم بخير
حبيت اسوي هالموضوع عشان نستفيد كلنا العرايس والمقبلات عالزواج بأذن الله
شنو لبستي بيوم الشوفه؟ وصفي البدله؟ ومن وين شريتيها؟ وجم كلفتج؟
وشنو المكياج اللي حطيتيه في البيت والا الصالون؟
وشعرج شسويتي فيه؟
عفيه بنات خلونا نفيد ونستفيد؟
وكل شي في بالكم كتبوووه 
قوووة عرايس
شخباركم عساكم بخير
حبيت اسوي هالموضوع عشان نستفيد كلنا العرايس والمقبلات عالزواج بأذن الله
شنو لبستي بيوم الشوفه؟ وصفي البدله؟ ومن وين شريتيها؟ وجم كلفتج؟
وشنو المكياج اللي حطيتيه في البيت والا الصالون؟
وشعرج شسويتي فيه؟
عفيه بنات خلونا نفيد ونستفيد؟
وكل شي في بالكم كتبوووه
كنت لابسه بنطلون فوشي لونه رهيب يكسر العين لووول
و بالطو ابيض فيه ورود فوشيا ولفتي كانت الي تعكس فوشي بخضار
كانت البدله عجيبه (متحسفه عليها ما البسها مره ثانيه لان كانت حق مناسبه مميزه)
والمكياج كان حده خفيف مايحتاج صالون كلش
لان اهو ياي يشوفني انا مو يشوف مكياجي
وبالملجه لبست لون اخضر كيوي
ماعرف اشرح 
وبالنسبه للمكياج والشعر ماكنت ابي شي اوفر لانها حفله بسيطه بالبيت وهم عشان ما اخرب على يوم العرس
حطيت شدوات نفس الوان البدله والحمره كانت مشمشيه
وشعري سويته بف وستريت بس الجوانب رفعتهم على طريقه العجفه الرومانيه
ان شاء الله اذا انخطبت اقولكم شنو بلبس
<< من حزب العوانس عوع
انا في بدلية الشوفه الشرعيه كنت لابسه بنطرون ستايله عجيب مثل السندباد بس حيل بف جنه تنوره نظامه اب ويست لونه اسود و حزام ذهبي و فوقه قميص سبانيولي كشاكش ناعمه لونه كريمي اوف وايت و كعب ذهبي و شيلتي سوده شوارفسكي ذهبي لاين واحد و مكياجي كان ناعم حيل ما حطيت الا مسكارا كثيفه و قلوس لحمي
و في الملجه نفنوفي كان اخضر روتانا ستايله نعوووووووووووم حيل ياي عالجسم و ذيل من ورا بسيط و عالزنود دانتيل من نفس اللون يعني كت بس زنودي لي ايدي كلها جموم دانتيل و تسريحتي كبه مرفوعه و مكياجي ناعم الشدو درجات الاخضر و الذهبي و الحمره قلوس وردي بيبي بنك
كنت لابسه بدله لونها رمادي في اصفر وملفع رماادي فاتح
بدلتي مفصلتها حق العيد بس مالبستها يديده يعني
تنوره فيها قصااات من جدااام وبالطوو عااادي وفيه حزام على الخصر من نفس لون التنور
وشكلها كان روووعه على جسمي
مو مخصره ولا وسيعه زينه وحلوه كانت
مكياجي ماكنت حاطه وايد
كريم اساس طبيعي حده وكحل داخل العين وقلووس لا وبعد يوم بدخل امي خلتني امسحه لوووول
وكنت لابسه فلات وانتو بكرامه لاني طولي زين
والحمدلله عدت على ىخير
بس الله لا يوريكم ركبي شلون تناقز بمكانها امي واخته كانو يشووفونهم ويضحكوون ضحك
علي بس انا كنت ادعي بقلبي وساكت ومن الخرعه اوزع إبتساماااات لووووول
والحمدلله ربي يوفقني
والله يتمم يااااارب
وملفع اسود ودبابيس خضر
ويوم ملجتي كنت لابسه اخضر فااتح .. والبدي في شوارفسكي
وكنت مسويه بف وشعري ستريت بس ولابسه تاج ناعم
وسـلامتج :*
خوش موضوع …
انا كنت لابسه تنوره لويست وحزام جلد عريض محروق وملفع ساااااااده مافيه شي وحاطه مسكره اوفر ومرطب بس …
والملجه ماعندنا هالسوالف
مشكوره …
بس ليلحين آنسه
لما الله يكتب النصيب انشالله ارجع و اقولكم 
بس والله قاعده اخذ افكار يعني شنو مفروض يلبسن بالشوفه
ما يلبسون دراعه كشخه ؟؟؟؟؟؟ مادري ليش حاطه ببالي دايما اذا بيخطبون وحده لازم تلبس دراعه ! مادري
انا مو متزوجه بس مجربه الشوفه الشرعيه , المشكله اتوهق ماادري شنو البس واذا سالت رفيجاتي عبالهم مااعرف البس وعاد سمعي الحجي :
مو كفو احد يسألهم , انا اسال لان تعبالي لازم دراعه كشخه وانا كلش ماعندي دراريع مااحب
كلفتني تقريبآ 40 دينار ..
المكياج كان حده ذرب انا حاطته
يوم المجله كانت يمعة خالاتي وعماتي
سويت شعري شسوار بالبيت ولبست بدلة وايد حلوه مخيطتها بنطرون وعليه نفس النفنوف طويل لما الركبه .. وحطيت مكياج
وكان شكلي حلووو الحمدلله
لما يه يشوفني بعد الملجه
لبست بدلة الملجه لان حسافه محد شافها علي
كنت قاعده فوق والاهل تحت ( يعني مستحيه خخ )
بس الفرق ان سويت شعري بف بالصالون وألشات شوي
يفضل تنورة وبدله تكون الوانها هاديه وناعمه مو خبه