بسم الله الرحمان الرحيمو الصلاة و السلام على أشرف المرسليننبينا محمد صلى الله عليه وسلم
بسافر خلاص
انا قررت اسافر مصر واسوي عملية تحزيم المعدة 
بس مشكلتي ما اعرف وين اروح واي مستشفئ ساعدوني تكفون
بسافر خلاص
انا قررت اسافر مصر واسوي عملية تحزيم المعدة
بس مشكلتي ما اعرف وين اروح واي مستشفئ ساعدوني تكفون
حبيبتي انا انصحج اذا بتسوين وتقدرين تسوين سوي عملية تحوير!!
مو تحزيم والله وايد سوو تحزيم ومافاد
يالغالية انا عن نفسي خل اكمل المبلغ راح اسوي تحوير
والله يوفقج
الله يعينج بس حبيبتي ليش ما فكرتي تسوينها بالكويت؟
شلج يااختي بمصر وبلاويها الطبيه
سويها اهنيه والله اضمن
انا اعرف وحدة ركبت لولب نحاسي هناك وهي باجازتها مع ريلها .. ما سوت عليها طلع اللولب مصدي وعانت من التهابات شديدة وآلام .. خليج بديرتك وابتعدي عن الغش والاهمال في الخارج
انصحج نصيحه لوجه الله انج ماتسوينها بديرتنا واخطاء بالهبل اشلون عاد بمصر انا اقول استخيري وشيلي هالفكره من راسج
وسوي رجيم ورياضه احسن
روحي كل الدكاترة ملوت الرجيم الي بالكويت
صدقيني راح اتلاقين الي يضعفج
امبيه لا لاتخاطرين بعمرج ولا بعد عمليه بمصر!!!!!
في وحده مصممة ازياء كويتيه مادري شسمها مسويه اهناك بمصر جذي عمليه ومسكينه ماتت الله يرحمها
ومحد يمدح هالشي بمصر
تخيلي الكويت مطوره اكثر بالادوات بمصر ومو ملحقين كل شوي غلط ومادري شنو
لا تخاطرين بعمرج ولا شي
امشي رجيمج عدل وامشي باليوم ساعه وفكي نفسج من هالسوالف
اعرف واحد يصير حق عيال عمي مرته راحت من ايده والسبة انها راحت مصر بتفاجئه وبتسوي شفط هناك ماتت قبل مايسوولها العملية من البنج ….. فديري بالج والله حرام
انا بنت عمتي سوت تدبيس معدة وصارت مو النص الربع ماشالله
بس وايد لها اثار جانبية
فكري عدل قبل لاتقررين والله مايسوى تخسرين حياتج عشان شي مايسوا
وانصحج بتحويل المسار