بسم الله الرحمان الرحيمو الصلاة و السلام على أشرف المرسليننبينا محمد صلى الله عليه وسلم
سؤال بسيط
لاني نفاس حاليا حبيت اسال كيف العلاقه تكون بعد والاده وبالاخص بعد الخياط احس اني خايفه كلش واحس بتتغير العلاقه .. مادري يمكن بسبب صدمة الولاده لاول مره ؟؟ مادري … يعني اللي جربت هل الشي شنو صار وشنو سوت ماسوت.
سؤال بسيط
لاني نفاس حاليا حبيت اسال كيف العلاقه تكون بعد والاده وبالاخص بعد الخياط احس اني خايفه كلش واحس بتتغير العلاقه .. مادري يمكن بسبب صدمة الولاده لاول مره ؟؟ مادري … يعني اللي جربت هل الشي شنو صار وشنو سوت ماسوت.
راح يكون الوضع عادي مثل اول لا ويمكن احسن
صج الوحده ولدت بس خلاص تخيطت واخر الايام توضي بمره تضييق وتطهر
واشربي زنحبيل وكمون عشان الهوا يطلع
لاتفكرين وتحاتين ياحلوه
راح يكون الوضع عادي مثل اول لا ويمكن احسن
صج الوحده ولدت بس خلاص تخيطت واخر الايام توضي بمره تضييق وتطهر
واشربي زنحبيل وكمون عشان الهوا يطلع
لاتفكرين وتحاتين ياحلوه
و لاتشربين بارد و غازيات وماعليج شر
اشربي كل صبح قلاص حليب مفوح فيه ماش و فلفل ابيض و زنجبيل
و ترا التفكير يلعب بالنفسيه حيل حيل
انا ابد ماحاتي لان ان شاءالله برجع بنت بنوت
بس موو يلفحج الهواء وتبين تكونين ناشفه
انا كاني طلوعتي بعد اسبوع
للحين الكوتكس علي و سروالي الطويل ��
مع اني نظيفه واصلي
الحين قعدت احط تحاميل البوثيل يوم وترك عشان تنظف
واااااي بنخلص نفاس ونفتك و نرجع لبيوتنا فقدت شقتي
انا للحين ماطلعت برا البيت والبس دافي بس مشكلتي اكلي قليل و عندي نقص حديد ومااخذ فيتاميات هذه وحده والشي الثاني انا تخيطت بثلاث اماكن مو بس بالمكان المعروف اللي يخطونه…. يمين ويسار وبنص تخيطت على قولهم تشرشحت تشرشح… .. حتى اني خايفه اشوف بالمرايه
اقول لكم بعد على شي يضحك احاتي شلون اشيل الشعر ….. ☺️
بس ان شالله كل شي يرجع تمام ..
الحين كل مابي البس مشد احس بالم فاابطل مالبسه اووه من بداية الحمل ولي هل المرحله كله تعب بتعب …. الحمدلله على كل حال
فكنا شوي شوي كل يوم ليما تعودت و اهي فتره وتعدي وهالاحساس لازم يمر علينا عادي قوي قلبج بيلتئم الخياط وماكو شي
انا بس اللي كنت اخذه حلبه اول ٢٠ يوم وعقب قطعتها وكنت حاطه لي تمر برشاد وسمنه وحبة بركة بس وحارصه مايدشني برد ولا اجوع وكنت اكل قبوط ومرقوق بدون ادوية اللهم الرشاد وحبة البركة و الحمد لله اموري طيبة بس عقب ماطلعت من الاربعين تميت قريب الشهر كله معاي افرازات ورطبه على بالي خربت وسبحان الله راحت من نفسها بس راجعت دكتورتي خذت مسحه وقالت لي هذي مو التهابات عطتني تحاميل البيتادين وماعرفت استخدمهم هههههههه لا تضحكون علي ماعرف احط التحاميل وكنت خايفه من الخياط ينفج تم يعورني شهرين بالقعده والقومه وعقب طلعتي كان فيني رعب لانه الخياط يعورني اسبوعين بعدها وغدا شري الحمد لله �� بس لا تتوقعين ترجعين مثل ماكنتي بنت مادري على الرغم من انه وضعي زين الحمد لله بس احس المنطقة تغيرت علي عن قبل الولادة بكل شي مع انه هذا بجري اول ولادة ودكتورتي كانت شاطره بالخياط بس هم احس قبل كنت غير
شربي شوربات دافيه وحطي فيها فلفل ابيض
وبعد الاربعين ان شاء الله بترجعين عروس
ماعليج من الشكل الخارجي طبيعي بيكون مختلف تماما عن قبل
لكن من داخل نفس الشي لانج مخيطه
لاتوسوسين واهتمي بنفسج
وبالنسبه للتنظيفات وازالة الشعر
خليها بالموس لين بعد اول دوره بعد الاربعين
او بعد شهر من الاربعين
بعدين سهل تستخدمين الحلاوه
حسين المكان شوي وسع عن قبل
و ثاني شي مكان الخياط بعد الجماع يعورني يعني مستحيل بنفس اليوم يكون في جماع مرتين
او يمكن حتى ثاني يوم يعني احس بالم و خلاص مابي هههه