بعد تجربتي للتجهيز والعرس والزواج حبيت افيد احلى عرايس المنتدى

واهي حجز الصالون.. والمصورة.. والدي جي .. والاهم من هذا كله النفنووف والمسكه

اولا النفنوف.. افتري وشوفي كذا مكان من الاتيلات والمشاغل والمحلات..
انا عن نفسي رحت على طول اتيليه انجفه الي بشارع المطاعم حق المصممه الكويتيه وسميه المانع..
تصاميمها روووعه ماشاءالله ماعندها بيع بس اجار والحلو ان الباكيج يكون ((النفنوف+المسكه+الجيبون+الطرحه+الرداء+الكعب+الاكس سوار+فلبينيه مساعده ليوم العرس)) وفوق هذا تعاملها العسسل مع البنات وتراعي مزاج العروس .. نفنوفي الكل سألني عنه صج كان رووعه وشغل متعوب عليه وغير المسكه الي صممتها لي خصيصه حيل مميزه من لؤلؤ الحمدالله كلشي كان مرضي من عندهاا ..

المكياج روحي افتري وشوفي يوم فيه عرايس وشوفي مكياجهم (( ملاحظه لاتشوفين الالوان شوفي طريقة الرسم والنظافه)) لان انا رحت حنان دشتي فرع بستكي وشفت العرايس يخرعوون الي لونهم طوفه والي لونها استغفرالله والتلطخ يعني ماعجبني بس عجبني طريقة الرسمه وكان نظيف ماشاءالله والي صج ابهرتني الخبيرة ((زهرة)) الله يذكرها بالخير قتلها ابي مكياج عروووس يعني اوفر بس طبيعي ضحكت علي وقالت فهمتج والكريم طلبته طبيعي كللللش يعني بس يصفي البشره مو يغير لوني لان احلاا وانعم .. ولون المكياج طلبته لون مشمشي والمرة مشمشي بوردي على لون مسكتي واااو كان قمه المكياج
التسريحه والله انا ماتكلمت بس قعدت عند الكوافيرة ((عربيه)) ماشاءالله واثقه من شغلها وصج تسريحات تفتنك فيهم بس شافت طرحتي وعاد انا مااعرف اسكت شكثر اتشرط واهي تشتغل هههه بس بالاخير طلع شي وااااو الحمدالله.. الكل كان يدخل الصالون يسألني منو حطتلج مكياج ونفنوفج من وين !!

وأحلى مافي الصالون ان الباكيج الي حجزته من الصالون كان مع غرفه بنفس الفندق كنت اصعد انطر دوري واريح واتعطر وبعدين انزل..

المصورة : عندج مرايم..الكل يعرفهم وشغلهم روعه وواايد شغلات يعطونج بس تدفعين مبلغ وقدرة…
عندج مصور سمسمه.. شغلهم حلو ومتطور عن قبل بس يرضونج و اسعاره معقوله..
الي عليج تفترين وتشوفين العروض والاسعار والصور

المسكه قبل العرس بيومين تودينها محل الزهور الي طبعا واثقه من شغلهم وتختارين لون الورد يكون نفس لون ورد الكوشه والمكياج

الدي جي .. عن نفسي انا اخترت وحده تغني بعرسي ومعاها جهاز الدي جي مثل الطقاقه بس بشكل متطوور وطبعا تكونين عارفتها او سامعتها بعرس احد..

وبس …. على الله تجري الامور

حبيبتي طبعا المزاااج راح يكوون اكسسسسسسسسسس قبل العرس بجم يوم عادي حاولي تهدين روحج وتنامين كافي انا ماكنت اقدر اغمض عيني مخي مايوقف تفكير ههههه شي مهلك ..
وقبل العرس بإسبوع بلشي علاجات مكثفه للجسم والشعر والبشره بس بدون اشياء حاده مثلا مساج التخسيس وتنظيف البشره العميق او التقشيررر ديري بااالج احذذري من هالاشياااء .. لانها راح تأثر بيوم العرس وهذا مو من صالحج

يبيلج كله تدلع وتهمز وتهمس
انا قبل العرس بإسبوعين صبغت شعريعشان اذا صار ماصار في مجال اصبغه مرة ثانيه من غير مايحترق لان مو وقته واحلا لون للعروس الطبيعي الي اهو الكستنائيات البنيات الاسود ماانصح بالاشقر والميش كللش مو حلو للعروس

الاسبوووووووع الاخير
كل وحده بتكون تعبانه وتحس روحها مو مخلصه وناقصها اشياء وايد بس هالشي انسي لان انتي مخلصه وكلشي بس هذا وسواس قبل العرس..
امج وخواتج راح يصكرون اغراضج ويحطونهم بجناط ويودونهم مسكنج المستقبلي ويعطرونهم ويبخرونهم ويعلقونهم ويرتبون كلشي بمكانه .. والاهم قوليلهم يحطولج مقلمه صغيره فيها كحله وفاونديشن وماسكرا وقولس بمكان سري مثلا الحمام عشان بعد الدوش والحمام تحطين يعني طبيعيه لوول

طبعا .. قبل العرس بأربع ايام نبدأ تنازليا..

اليوم الرابع: تروحين الصالون وتسوين حمام مغربي والتقشير الناعم والسنفره والحمام المغربي

اليوم الثالث: تروحين الصالون وتسوين البديكير والمنيكير والشيره او اذا مسويه ليزر بس قبل الحمام مغربي بثلاث ايام عالاقل احلا واحلا .. وتنظيف البشره البسيط والناعم

اليوم الثاني: انصحكم بسبا تايم واااو لازم لانج عروس لازم مسااج قبل العرس روحي وسوي باكيج البابايا عبارة عن مساج وسنفرة ناعمه وماسك للجسم وسونا وجاكوزي غير الدلع الي يعيشونج فيه وطبعا المسااج اهو المطلووب لج.

اليوم الاول والاخير: بس خليه للراحه وراحه الذهن لاتطلعين لاتكلمين احد الا الي ترتاحين لهم قعدي مع اهلج اكلي استانسي لاتعورين نفسج وتطيحين علينا ونتوهق فيج متعوره ههههه اسم الله عليكم كلك الله يحفظكم

حبيبتي وخري عن الخلطات المنزليه وخلطات التبيض بالصالون والخرابيط لانها هدر للمال عالفاضي اهم شي تحسين بالنظافه والانتعاش.. الريال يحب البنت النظيفه مو لازم بيضه ..البياض وخاصة اماكن الحساسه يبيلها وقت ولو كانت قبل فترة العررس بوقت طوويل حلوو تقدرين تسوين وتحطين..

اليوم المشهود يوم العرس: قومي الصبح وكلشي راح يصير من كيفه من غير تخطيط بس خلي توكلج على رب العالمين ولاتنسين اكلي لان موشي تروحين العرس وصوت بطنج وييصواااصووووص وحطي حلاوه بحلجج اذرب من العلج اي ولاتنسين لازم معاج مرافقه بالصالون وحده تثقين فيها حيييل تتفقين معاها عشان تاخذ اغراضها معاج وتساعدج .. وربي يكتلج كل خير يارب ويوفقج ويكتبلج الزوج الصالح الي يخاف عليج ويحبج ويحافظ على عليج

اخيرا.. ودي اقولج ان الريال هذا كله مايهمه غير المرأه الي تحترمه وتطيعه بعقلانيه والابتسامه سر السعاده الزوجيه ونصيحه لاتدخلين اي طرف ولاتسمعين لو ان شاءالله من امج اي شي تقولج الا الشي الي تشوفين ان مايزعل زوجج .. حافظي على بيتج لاتهدمينه حافظي على زوجج لاتهملينه .. واهم شي صلاتج ودعائج لاتنسينهم …

الله يهنيكم ياارب وفرحوني معاكم وقولولي شيصير واي استفسار انا حاضر عيوني لكم

و صار لي ساعهه قاعده انسخ الكلاام لانهه جد عجبتني القايمهه ..~ مشكورهه حييل و يعطيج العافيهه مرهه ثانيهه ي حلوههه

كلامج وايد وايد حلو ومريح

اي نعم نعرف كل اللي قلتيه بس مافي اي مانع من التذكير والترتيب
حبيبتي الله يسعدج ويهنيج ومبروك ولو انها متأخر
وعسى الله يسخره لج ويحليج بعينه ويلززززق فيج أبد ما يهدج p:

يعطيييج الف عاااافية ماااااااااقصررررررررررررتى